في البداية أعتذر إن ورد في أصل الموضوع أو المشاركات اللاحقة له ما يخدش الذوق العام ، فنحن في سياق الحديث عن مشكلة ، ومن لوازم ذلك الحديث عن بعض آثارها ، وكما قيل : (لا حياء في البترول) …
ق.ق.ج /
دخل غرفته بعد دوام طويل ، ألقى المفاتيح والمحفظة والجوال بسرعة ، انطلق إلى دورة المياه (ليفك زنقته) ، وما علم هذا المسكين أن الزنقة كانت بانتظاره .
وش ذا يا جماعة ؟
وش سويت أنا عشان اعتقل بالحمام ؟ وإلى متى يتكرر هذا السيناريو الممل (عامل كسر ماصورة وسيعود الماء في أقرب فرصة) ؟
أريد منكم حلولا إبداعية للتغلب على مشكلة انقطاع الماء .
ما هي الخطوات العملية التي توصي بها من انقطع عنه الماء وهو في وسط المعمعة ؟
ما اقول الا الله يعينك وانا جاي اليوم من الدوام شفت الشي الاحمر حق المطافي ناسي اسمه كاني مكسور او احد فاتحه وغرق الدنيا هذا عند الباصات حقت العماير القديمه
الين متى نجلس وكل يوم ماصورة تنفجر وبعدين يصلحوا وحدة تنفجر الثانية وسرى الليل واحنا ماسرينا
الله يعين الاخوان اللي ينحشر في الحمام يمين يجلس يلعب في جواله الين تخلص البطارية بعدين ينام
امزح كويس انكم نبهتوني كل مرة ادخل دورات المياه اشيك افضل
انا اشوف ان المفروض الواحد يشيك على الماء قبل البدء في اي عملية فلترة (^_^)
لكن انا ولله الحمد ما مرة شيكت وما مرة صار لي نفس موقف الأخ صاحب الموضوع ولكن في الجايات إن شاء الله بشيك وبخلي هذا البروسيجير يكون ملازم لحياتي الجامعية …
أبشركم جاني أمر بالخروج النهائي من الحمام قبل صلاة العصر ، وبعد الصلاة أخذتها نومة حتى المغرب ، ويبدو أنه هذه النومة من آثار الروائح الزكية اللي تصدع الراس
عموما ما علينا …
وشكرا للجامعة التي جعلتني أؤمن بالمقولة : (الماء أرخص موجود وأعز مفقود)
ذا بست (بالإنجليزي) :
حياك الله ، بما أن سبب الانقطاع هو (عامل كسر ماصورة وهو ما يدري) فلا بد من توفير مياه احتياطية في كل عمارة ، وأظن أن أحدهم اقترح فكرة خزان في كل عمارة لمثل هذه الظروف .
ويجب تزويد كل عامل بكروكي المواصير في الجامعة عشان ما يغلط مرة ثانية ونتعذب
شيراتون :
الاستجمار يفك زنقة ، بوركت .
سكوربيون :
شغلت الماء في الدورات وكان يشتغل ، ويبدو إنه كان فيه بقية حياة قبل لا ينقطع .
ميتاليك :
شكرا على الوردة .
عمر :
لا . أبشرك طلعت
كان فيه ماء بالجراكل الصغار ومشيت عمري …
المشكلة يوم جربت الماء كان شغال ، لأنه يوم انقطع كان باقي بالمواصير ماء .
فيصل :
كلام معقول ، لكنه غير ممكن التطبيق …
كيف تبغاهم يعطونك خبر قبل لا ينقطع الماء والعامل توه ما كسر الماصورة ؟
هم ما يدرون متى يكسر العامل الماصورة ، فإذا كسرها أرسلوا للطلاب من باب التبرير .
وأنا ما ادري ليه العمال بس يكسرون مواصير الطلاب ، ما عمرنا سمعنا عن عامل كسر
ماصورة بسكن الدكاترة .
نيو فرش :
كيف استنتجت اني اسم على مسمى ؟
حاول أوجد لك أي قرينة وما مشت معي
عموما ، حياك الله
سفاح ، ابن الأصل :
غير معقول إنك تشيك كل مرة قبل لا تدخل ، هنا تنتقل من طور الإنسان الطبيعي إلى الموسوس
وأحيانا تكون مزنوق ، وحتى لو ما فيه ماء داخل الدورات يعني داخل الله لا يعوق بشر
الحائر :
اسمك مخيف شوي ، لكن سأعتبره صفة (من الحيرة) لا مكان (سجن سياسي) .
كتبت الموضوع من اللاب توب بالغرفة …
والقصة رمزية فقط .
أبو سامي :
لالا . كتبته من الغرفة
لأني مشيت عمري بالماء اللي موجود بالجراكل/الدلاء/الجيوك …
لكني أردت أن أتخيل الموقف لو لم تكن هذه الجيوك موجودة .
انا بعد رجعتي من الدوام لقيت ورقة على الباب (جزا الله خير من حطها) كاتب الماء مقطوع ف اعطانا انذار مسبق ف اخوكم ب الله كان مزنوق جدا مارده الا دورة مياه كودو هههههههههه
بحكم اني مهندس مدني واحد خريجي الجامعه هذي ومتابع يومي للمنتدى ومما اراه من تكرار لهذا الموضوع بشكل شبه اسبوعي والله المستعان
الحل برأي وهو غير مكلف على الجامعه باذن الله وهو لحل هذه الازمه بشكل مؤقت قد يستمر ليوم واحد هو وضع مجموعه من الخزانات الفايبر المعروفه بالمنازل فوق كل عماره ويتم تغذيتها بالخط الرئيسي المغذي لنفس العماره ويتم تغذيه العماره من الخزانات المتوفره فوقها
في حال انقطاع الماء يستمر الماء بالتدفق من الخزانات وتعتمد المده على عدد الخزانات تزيد وتنقص مده التغذيه لحين عوده المغذي الرئيسي
رسم توضيحي::
الوضع الان // المغذي الرئيسي ------------> العماره
الحل // المغذي الرئيسي ------------>الخزان فوق العماره ------------> العماره
ووضع فوق كل عماره خزان يقلل من نسبه قطع الماء عنها لان المسافه بين الخزان والعماره مستحيله القطع كونها داخل اجزاء العماره
