السلام عليكم ورحمه الله
شباب اخوكم مبتعث ب امريكا ويدرس حاليا تخصص اسمه general engineering
طبيعه هذا التخصص اني ادرس جميع انواع الهندسه
مثل , كمبيوتر و ميكانيكا و كهرباء و الكترونيه و 
يعني بتاع كلو
الي خوفني بهذا التخصص انه مو موجود عندنا في البترول و المعادن و سعود و عزوز
فخايف بعدين ان شهادتي تصير ولا شي
ف ابي نصيحتكم جزاكم الله كل خير
يفيدونك الشباب يابن مشيب ،
صراحة ماقد سمعت عنه ابد
والله يا أخوك ماعندي خبرة بالتخصص هذا لكن أبقولك وجهة نظري، أتوقع أن طلاب التخصص هذا ما يتعمقوا بتخصص معين ولكن ياخذوا من كل تخصص حاجة، أشوف أنها حاجة سلبية لأن وش الحكمة من أني أدرس كل شيء المسألة ماهي ثانوية عامة، غير كذا إذا تخرجت وتوظفت بشركة راح يمون فيها مهندسين من كل التخصصات وراح يكونوا فاهمين بمجالهم أكثر منك فماراح تكون متميز عنهم، في نقطة ثانية اللي هي إكمال الدراسة، أتوقع لازم تاخذ مواد زيادة قبل تدرس ماستر. بالتوفيق لك (الكلام هذا مجرد توقعات ولاعندي أي خبرة بالمجال هذا)
الجامعات تدرس التخصصات الي يحتاجها سوق العمل و التخصصات اللي تحتاجها بعض الشركات لكن ما تدرس هنا ،الشركات بنفسها تبتعث الطالب لدراستها و ما قد سمعت احد مبتعث يدرس شي اسمه هندسة عامة و الجامعات الممتازة في أمريكا ما تدرس التخصص دا !
في اي جامعة انت ؟؟
وجهة نظري لا تروح تخصص غير موجود إلا لو انك موقع مع شركة و هم أبتعثوك
انا اول مره اسمع بالتخصص هذا وانا اتفق مع ( وحيد البترول)
مادام انك راح تدرس جميع تخصصات الهندسه فاكيد انك ماراح تتعمق بها
يعني تاخذ نبذه عن كل تخصص وانا مع الشباب ماني متأكد
وانت لاتخاطر وتدخل تخصص ماتعرف وش مستقبله حاول تسأل وتستفسر
قبل لاتمشي بالتخصص هذا وبالتوفيق
تواصل مع الملحقية السعودية في أمريكا وأسألهم هل هذه الجامعة معترف بها؟
ليه ماتراسل مكاتب التوظيف في الشركات الكبيرة مثل أرامكو وسابك …
و تسألهم هل يطلبونه أولا … إذا ما عرفوه أصلا النحشه ياحبيبي
أنا قد سمعت من أحد خريجين بريطانيا … أن أقوى الجامعات عندهم تدرس engineering
ويكون عام …
الله يوفقك وين مارحت
أوافقك الرأي 
توقعات
أشوف التخصص مفيد جدا
أتوقع أنك مستقبلا بيصير مطلوب منك تشوف مشكلة ما وبتحدد تحلها حاسوبيا أم ميكانيكيا أو كهربائيا،، مثلا
وأتوقعك تخصصك مناسب كمدير في الـinterdisciplinary works
وأتوقع أن هذا التخصص يأتينا تدريجيا
لكن
الآن: إما عندك عقد أو عندك واسطة تقنعه باللي فوق
وتضرب وظيفة ممتازة بحكم ندرة التخصص
أو،،
لا أدري
عموما: الأرزاق كلها على كل بيد الله سبحانه وتعالى
والله مدري يا اخوان
ومحتار وحيرتوني اكثر
مع ان هالتخصص هذا مطلوب ب امريكا وبشكل كبير يكون مسول عن المهندسين و كذا لان عنده خلفيه عن كل شي
طيب كيف اتواصل مع مكاتب التوظيف حقات ارامكو و سابك ؟؟؟
^
أرى لو تاخذ لك تخصص معين من الهندسة وبعدها تاخذ ماستر إدارة مشاريع هندسية
بيكون أقوى وفرص أكثر …
اتتفق مع هعه لانك بيكون عندك خليفة عن كل تخصصات الهندسة بالاضافة الى االادارة فممكن تكون مسؤل عن مصنع او حاجة من النوع
التخصص على حد علمي مايغطي “كل” التخصصات الهندسية لكن مثلاً تاخذ مواد إلكتركال وميكانيكال وتطلع بتخصص General Engineering
أولاً الله يوفقك وترفع راس اهلك فيك .
ثانياً اتفق مع الشباب اللي يقولو تخصص . الشركات تحدد التخصصات المطلوبة وحتى الان ماسمعت او شفت شركة تبغى مهندس بتاع كلو ( ماعدا مهندسين ال ME جواكر بكل مكان 
) فتخصص ياعزيزي بالقليل تمشي على شئ مضمون … ونقطة اخيرة لاتفكر تأخذ ماستر الا اذا حاب تكمل اكاديمياً لإن الشركات مابتنظرلك اذا معاك ماستر او لا كونك خريج جديد وإذا جات ع الاولوية فالخبره اهم من الماستر … فلاتظن اذا اخذت ماستر بالتخصص هذا بتتعين مدير ع طول.
اللي اعرفه ، ان فيه جامعات كثير عندها هالتخصص
يعني خريج الهندسه يعتبر هندسه عامه
بس يقدر ياخذ مينور شي محدد
يعني شهادتك هندسه عامه ، وتخصص كهرب مثلا او ميكانيكال
وما شوف انها شينه ابد ،
وبتعامل معاملة المهندس الكهربائي مثلا وفوق هذا عندك باكقراونك عن باقي التخصصات
يمكن باقي تدرس مواد عامة وماتخصصت اذا اخترت تخصص يغيرون المسمى ممكن؟!
أخوي كيف يتم مقارنة مهندس متخصص بمجال معين مع مهندس أخذ جزئيات بسيطة من التخصص ؟! ، كأن المقارنة دبلوم مع بكالوريوس …
بشر وش صار عليك ان شاءالله انك بخير وتخرجت رسالتك له13سنه🥺