السلام عليكم
اخواني انا محتار ويش اخش تخصص
اتمنى تعطوني عن الهندسة الكيميائية:
1-المواد الي راح ادرسها ويش راح تشمل وايش اصعب المواد الي راح يواجها المهندس الكيميائي
2-الفرص الوظيفية
3- العمل الي راح يعمله المهندس الكيميائي ايش راح يكون؟
اتمنى تفيدوني ولكم مني جزيل الشكر
مواد الكيمياء ناخذها للمعرفه فقط وليس التخصص
وحتى يكون عندك احساس بالي يجري حولك والتفاعلات في المصنع
والا اولا واخيرا انت يهمك في المصنع اش الي دخل واش الي طلع والانتاج
ويهمك الطاقه في المصنع تحسب كم تحتاج وهالامور
الان مثلا عندك تخصص البتروليوم
ياخذون اكثر من كورس جيولوجيا !
هل هذا يعني انه لازم يفهم الجيلوجيا زين ! … لا … هو ياخذها فقط للمعرفه وعشان يكون عنده احساس بمايحيط به ولو اشياء سطحيه
مواد الكمستري هي اغث مواد في الكمكال للأمانه لكن كلها كم كورس وتفتك منها
الي يميز التخصص هو انه شي ملموس جدا وتحس فيها ولا يحتاج خيال ولاشيء
والشيء الاخر هو ان المواد كلها تساند بعض ومرتبطه ببعض فتكون متمكن من التخصص
على النقيض في الهندسه الميكانيكيه مثلا
فيه تصميم وفي ديناميكا حراريه وفيه ديناميكا وفيه علوم المواد وفيه انتقال الموائع وانتقال الحراره …الخ
يعني فيه تشتت في التخصص … لايعني ان التخصص مايصلح بالعكس فهو ابو التخصصات الهندسيه ولكن هذه وجهة نظري
من ناحية الفرص الوظيفيه
فأري تخصص الكمكال حاليا هو الأوفر حظا في الطلب الوظيفي خصوصا انه عام 2017 سيتم فلعليا بداية مشروع صداره وهي عقد بين ارامكو وشركة داو
وهالمشروع سيفوق في ضخامته شركة سابك وسيكون الطلب هائل على المهندسين الكيميائين في ارامكو وصداره خصوصا انه هالمشروع هو للبتروكمكال _…<<< زي سابك يعني
لكن فيه ناحيه اخرى الي هي … ان افضل الفرص بتكون في المنطقه الشرقيه ورابغ وينبع
على عكس باقي التخصصات … المهندس الكهربائي والميكانيكي يمديه يشتغل في الديره الي يبغاها
لايعني انه مافيه وظايف للكمكال في الوسطى والغربيه وهالاماكن لكنها لا تقارن بالفرص في المنطقه الشرقيه وينبع ورابغ
والان في سابك ايضا فيه عجز ويبغون مهندسين كيميائيين
