السلام عليكم
شباب حبيت استفسر عن الابتعاث الداخلي ايهم افضل الانضمام لاراممكو ولا سابك
فياليت اذا فيه اي واحد منظم لاحد هذي البرامج يعطينا نبذه عن نظام الشركه اللي هو منظم لها وكيف رواتبهم وماذا بعد التخرج
وشكرا
أرامكو ،
4500 مكافئة + 5200 ريال قيمة لاب توب + مكافئات أونر غير مكافئات الجامعة + يدفعون رسوم السكن
سنوات الابتعاث تحسب من سنوات الخدمة وتدخل في التأمينات الاجتماعية
بعد التخرج تجلس شهر راحة بعدين تبدأ دوام على قريد 11 في الدائرة والمدينة اللي تحددها لك ارامكو قبل ما توقع معهم
ماعندي معلومات اكيدة عن الرواتب
اظن اخوي 5600 ريال قيمه لابتوب ولا انا غلطان ؟
عام 2010 كانت 5200 ريال
اتمنى يكونوا زودوها الى 5600
مشكور على المعلومة 
طيب كم مكافأة سابك .؟
سابك
٤٠٠٠ ريال مكافئة غير مكافئة الجامعة من اول ترم تدخل فيه البرنامج ( ارامكو تعطي ٣٠٠٠ اذا انت طالب تحضيرية ، ٣٥٠٠ فريشمان + سوفومور ، و ٤٥٠٠ جونيور و سينيور) اما سابك ٤٠٠٠ ريال لكل المراحل بالإضافة الى مكافآت للأونر
سابك يعطونك تأمين طبي زي التأمين الطبي حق اكبر راس فيهم… اقوى بمراحل بكثيييييير من حق ارامكو، لأن سابك تأمينها يغطي و بدون مجاملة ( ٩٩٪) من مستشفيات/مستوصفات/صيدليات…الخ الموجودة داخل السعودة و برضو اللي في امريكا…
اما ارامكو قيخيرونك بين مستشفيين فقط و كلهم هنا في الشرقية، يعني اذا صار لك شي لا سمح الله خارجها " **** "
بالنسبة للأمور الأكاديمية ،سابك ما يدققون عليك في ، يعني نزل اللي تبي و دردب اللي تبي، خذ صيف و لا ما تخذ صيف ما حولك احد و هذا احسن شي فيهم. اما ارامكو ، فوالله يا هم بينشبون فيك نشبه…
نجي للتخرج و طبيعة العمل، سابك اما في الجبيل ، ينبع او الرياض، و غالبا المهندسين في الجبيل ( بنسبة ٨٥٪) و ينبع ( ١٤٪) و الرياض (١٪) . اما لخريجي الإدارج و المحاسبة ، نسبة الحصول على وظيفة في الرياض كبيرة جدا.
افضلشي الشغل في الجبيل ، مع العلم اني من اهل الرياض و لكن الشغل في الجبيل تجيك ترقياااااات كثيرة و كل ٦ شهور يزيد راتبك من ٣٠٠ الى ٧٥٠ ريال، يعني في السنة من ٦٠٠ الى ١٥٠٠ ريال حسب اجتهادك في الشغل ، هذا نظيم جديد عندهم عشان يحرضون الطلاب للعمل في الجبيل…
اما ارامكو، فشختك بختك، يحطونك كل شهر في مكان ، و في مناطق نائية ، و الراتب في البداية مع كل شي قريييب جدا جدا جدا لحقون سابك ، تزيد تنقص مية ريال. و للأمانة، ارامكو تزيد راتبك بنسبة ٨٠٪ اذا اشتغلت بمنطقة نائية بس متى ؟ بعد ما تشتغل في ذيك المنطقة لمدة ٣ سنوات
نجي للتقاعد ، سابك تعطيك راتبك كامل اول ما تتقاعد لمدة اربع سنوات + مكافئة نهاية خدمة ، و بعد ٤ سنوات ، راتب التقاعد يندبل ( يعني يصير ٢ * راتبك).
اما ارامكو، فتعطيك نصف راتبك من اول ما تتقاعد لمدة ربع سنوات + مكافأة نهاية خدمة ، و بعد الربع سنوات يندبل و يصير راتبك التقاعد نفس راتبك العادي…
هذا اللي اعرفه…و اللي عرفته من بحوثات طووووويلة و دقيقة اجريتها من زمان ، و في الأخير ، انا ارجح سابك و بقوة
و السلام عليكم و رحمة الله
* The Genius *
كيف اقدر اقدم على ارامكو؟
بخصوص أرامكو سنوات الدراسة لا تدخل ضمن التامينات الإجتماعية ولكن تحسب كسنوات خدمة في أرامكو
نصيحتي الشخصية (( لا ترتبط مع شركة في الوقت الحالي ))
لإنك بترتبط بسنوات تقضيها تعادل سنوات الرعاية سواء من أرامكو أو سابك … اصبر لتخرجك و قدم وين ما تريد
انا شخصيا بقا لي أقل من سنتين في الجامعة إن شاء الله
فعشان كذا ما راح نفرق معي لو اشتغلت معهم سنتين ( راح اعتبرها اختبار لسوق العمل ) وبعد السنتين إن أعجبني الوضع كملت ، ولا رحت عنهم
طيب بالنسبه لارامكو هل فيه احتماليه للعمل بالرياض بعد التخرج ؟
عادة كل ترم نحصلهم في مبنى 59 ومبنى 17
بس الترم هذا ما شفناهم ، كيف نقدم عليهم ؟
بعد اذنك اخوي صاحب الموضوع
شبااب ممكن احد يقلي من فين نقدم ع الابتعاث حق سابك ؟
ارامكو واضحه ف الموقع حقهم ,لكن للاسف لفلفت ادور ع سابك ماحصلتهم :\
^ +1
وياليت توضحون النسبه اللي يطلبونها !
قبل فترة بسيطة أرسلوا رسايل بخصوص برنامجهم حق المتابعة ( المقصد سابك )
أنا أشوف الثننتين كلها حلوة , وبالتوفيق
فيه نقطة ما ذكرتها يا lllidan ألا وهي إنه إذا تعاقدت مع أرامكوا تبدا تحسب لك سنين خبرة
يعني واحد طالب مع أرامكوا من بداية الجامعة ، أول ما يتخرج يكون له خبرة 5 سنوات
وبعد ما يشتغل مع أرامكوا 5 سنوات، سنين خبرته تصير 10 سنوات ( بعكس زملائه اللي تكون سنين خبرتهم 5 سنوات)
هذا غير إنه عند التقاعد تقدر تتقاعد قبل زملائك بـ 5 سنوات
آخر موعد للتسجيل في سابك هو غدا؛ راجعوا الايميل الجامعي
واللي ماوصله الايميل وش الوضع ؟
ومتى يفتح التقديم لابتعاث ارامكو ؟
ماعليش بس متى وصلك الايميل
لان انا ما وصلني شى وكذا واحد اعرفهم برضو ماوصلهم
الاولى في 21 يناير
والتأكيد جاني اليوم
رسائل سابك لطلاب مخصوصصين حسب التخصص و ال gpa
[quote=“”-“-“fahad”-”-“, post: 1151072”]
بعد اذنك اخوي صاحب الموضوع
شبااب ممكن احد يقلي من فين نقدم ع الابتعاث حق سابك ؟
ارامكو واضحه ف الموقع حقهم ,لكن للاسف لفلفت ادور ع سابك ماحصلتهم :\
[/quote]
ممكن تحط الرابط حق ارامكو اذا تكرمت
او وش اسم البرنلمج اللي المفروض اسجل فيه
[quote=“”-“-“fahad”-”-“, post: 0”]
ماعليش بس متى وصلك الايميل
لان انا ما وصلني شى وكذا واحد اعرفهم برضو ماوصلهم
[/quote]
سابك ما ترسل لكل الطلاب
ترسل لطلاب معينيين فقط ، على حسب التخصص والمعدل