مساء الخير … ياشباب أنا ناوي اطلع بدل فاقد لوثيقة التخرج بس لي رغبة في تغيير التاريخ التخرج من 20-9-1432. إلى 20-2-1433… ادري صعبة بس مدري فيه طريقة ؟؟؟؟؟؟
تزوير يا مزور
تنكت ؟؟
.
.
تمزح صح ؟
الله يعينك على باقي الردود
ياشباب وش فيكم … الرجال مايمزح شكله صااااامل
لكن وانا اخوك حتى لو تطلع بدل فاقد راح يحطون تاريخ التخرج القديم … مالها حل!
لا ما امزح وش فيكمً!!
فيه واحد من دفعتي تخرج معي لكن كانت عنده مشاكل وكذا …المهم حل هذي الإشكاليات واخذت منه وقت حوالي سنه تقريبا المهم قبل شهرين تقريبا أخذ الوثيقة وحاطين تاريخ التخرج سنة 1433!!!!!!!!!!؟؟؟؟؟؟
فمن هذا الباب قلت لو اقدر احصل طريقة اعدل بتاريخ التخرج لأصبح من خريجي عام1432/1433. لأني اعتبر من خريج عام 1431/1432.
ليش ؟؟؟؟
لان صراحة ناوي التحق بكلية الملك فهد الأمنية وهي تقبل خريجي عام 1432/1423. و. 1433/1434.
فهمتم
لا أبدا ما تقدر أخوي
نفس المشكلة هي سبب عدم التحاقي بكلية
أخوي مهندس ضائع إنشاء الله منت بظايع …أنا ماني متأكد صراحة واللي عنده معلومه يتأكد لي …خريجين الصيف لهم فرصة وحدة للالتحاق بالكلية بينما خريجين الأتراك العادية لهم فرصتين ؟؟؟؟؟؟؟هل صحيح
جربت القطاع الخاص لأكثر من سنه …إنشاء الله اكتب تجربتي فيه في وقت لاحق …لكن ارغب الالتحاق بالكلية الأمنية لكن مشكلتهم هذا الشرط …القبول فقط من خريجي عام 1432/1433. و 1433/1434…
سؤال :: هل فيه كليات عسكريه أخرى تقبل الجامعيين ؟؟
الله يسهل عليك و يوفقك
فيه برنامج محمد بن نايف للجامعين المتميزين هو الي بصراحة ممتاز واذا رحت قسم المباحث تستلم 18 الف فل بكيج
كيف طريقة التقديم عليها او رقم تلفون او ايميل
بصراحة مدري والله … انا ودي اعرف اذا فيه رابط تسجيل … واحد من اخوياي يقول يجون بيوم المهنة ويقول فيها واسطات … هذا الي اعرفه والله
ما هل تقصد الدورة التابعة للمشاريع التطويرية بوزارة الداخلية ؟؟
إذا هي طبعا هي دورة ومدتها ثلاث شهور وصار تقديمها عن طريق موقع الوزارة شهر 9 ب 1432 ولا طلعت نتائجها ولا شئ للان طبعا فيها على ماسمعت صعوبه في القبول حتى لو كنت مرتبة الشرف الأولى !!!!!!!!
ههههههههههههههههههههههههههههههههه عجبتني الحركه
بس إذا صارت أعجوبه وقدرت تسوي هل الشي
ترى بدل فاقد الوثيقه 4000 ريال وتطلع بعد سنه (على كلام موظف الإستقبال في الريجيستر)
يعني كلامهم واضح ,
تبغ تزور وتلف وتدور عشان تدخلها ؟
" ومن يتق الله يجعل له مخرجا " , بتلاقي غيرها لا تخاف
فيه كليات عسكريه ثانيه غير الأمنيه, تابعه لوزارة الدفاع.
كلية الملك عبدالعزيز الحربيه
كلية الملك فيصل الجويه
كلية الملك خالد البحريه
كلية الملك عبدالله للدفاع الجوي
أو الحرس الوطني.
بس ما أدري هل يقبلون 1432 أو لا
لا يجوز تغيير التاريخ على الوثيقه
لان كذا فلوسك تصير حرام وتنزع البركة في مالك
الله يرزقك بالمال الحلال والذريه الصالحه