السلام عليكم
كيف حالكم جميعا ؟
الاسبوع الجاي عندي مقابلة مع تشيرمان قسم الحاسب في جامعتنا بخصوص وظيفة المعيد
احد عنده خبر بشكل عام المقابلات اللي زي هذي كيف تكون ؟ نفس مقابلات الشركات ولا طبيعتها تختلف
هل راح يكون فيها معلومات واسألة تكنكال ؟ ولا كيف ؟
واي نصايح بخصوص هالشي مرحب بها جدا
ياليت اللي مجرب يسوي مقابلة يفيدني مشكور
جزاكم الله خير جميعا
سؤال ثاني
هل كونهم اتصلو علي مقابلة معناها انهم محتاجين معيدين ؟ يعني وش وضعي الان بالنسبة للقبول…؟
خريج اي جامعة عشان اقدر افيدك
جامعة البترول…
خذها سهالات
بما انك خريج من نفس الجامعه ويبونك معيد
هدف المقابله … يشوفون شخصيتك (انت من النوع اللي يخاف ينحرج هادي ساكت…الخ)
هي اغلبيتها بتكون سواليف يبون يتعرفون عليك
واحتمال يسالونك “ما هي نظرتك في العشر سنوات القادمه”
واكيد بيكلمك بالانجليزي
الله يرزقك بالذريه الصالحه بالمال الحلال
^
يعطيك العافية حبيبي
هل بيكون في اسألة تكنكال عن التخصص ؟
اسئلة تكنكل سطحيه…جدا
(ما ادري انت خريج جديد … او لك خبره)
اذا لك خبره المقابلة بتكون بسيطه جدا ولا تاخذ منك اكثر من 3 دقايق
اذا خريج بيسالك عن اسئلة سطحيه … بيسألك عن شي درسك فيه…
هم يحبون يسالون عن مشروع التخرج دائما هذا اساسي
اذا مسيو “كو-أب” بيسالك وش اشتغلت فيه
امورك طيبه ان شاء الله …
اهاا حلو حلو
انا خريج جديد واشتغلت مدة 7 شهور تقريبا
وكوآب ما كان عندي مشروع تخرج
هو الدكتور درسني في مادة بس كنت جايب العيد فيها 
وطلعت فيها ب C+
لو سألني عن الدرجة هذي وش الجواب المثالي اللي المفروض اعطيه اياه … ؟ 
في الغالب (وأنا أتكلم عن مجمل الجامعات) لا يهتمون بالامور التقنيه بقدر الأمور الشخصية.
-اللغه
-الأسلوب
-لغة الجسد
-الثقافه العامه (لا تستبعد أسئله عامه)
-مدى اهتماك بمواصلة الدراسه وما الهدف من ذلك
-ممكن يدخلون في أمور بحثيه بسيطه
ولا تنسى ترسم 
و ادع لنا بالتوفيق بارك الله فيك
الاخ xCISx … (الله يعطيك العافيه)
ذكر اهم نقاط في المقابله
اهم شي ثق بنفسك … لان لا تنسي اذا انقبلت اللي قدامك بيصير خويك
ما بيسالك عن الدرجه … لا تشيل هم
بس اكيد بيقول لك اعطني فكره عن شغلك وش طبيعته وش سويت
وزي ما ذكر xCISx “مواصلة الدراسه” رتب لك كلام كذا عن تخصص تبي تكمله
بالتوفيق ان شاء الله
واحد من الشباب سوا مقابلة بالجامعة الاسلامية بالمدينة
قبل المقابلة سوو لهم اختبار واللي اجتازوه 4 هو ضمنهم بعدها رشحوهم للمقابلة
طبعا كان مقدم ع المرحلة الثامنة للابتعاث
اللي معه تقريبا 3 ولاواحد مقدم
المهم سألوه لو ماقبلناك وش بتسوي؟
قالهم بكمل دراسة لاني قدمت ع المرحلة الثامنة
قالو يعني مصر ع اكمال الدراسة قال اكيد لازم اكمل الماستر
اللي معه كلهم سألوهم مدامكم تحبون المجال الاكاديمي ومواصلة الدراسة
ليش ماقدمتو ع المرحلة الثامنة للابتعاث
الغرض من هالسؤال بيتأكدون انك ع استعداد لاكمال الدراسة او لا
برضو سألوه وش الجامعة والمعهد اللي قدمت عليه ؟وليش ؟
بيشوفونك مقدم على جامعة مش حالك او قوية
زميلي كان مقدم على معهد تبع جامعة من اقوى الجامعات بالهندسة بامريكا
University of Illinois at Urbana-Champaignاتوقع بالبترول الماستر بالجامعة والدكتوراه خارج المملكة حسب ماسمعت كذا
بعضهم بالمقابلة يسألونه اسئلة عامة زي الاحداث اللي صايرة الحين وش رايك فيها
احيان يسألونك منو اول وزير للتعليم اخبر واحد سوا مقابلة بالاحساء جامعة الملك فيصل
سألوه عن اول مسجد فيها وفيه برضو جبل مشهور فيها اتوقع اسمه القارة
جرب تقدم على جامعة الملك فيصل ؟
برضو بعض الجامعات زي جامعة شقراء قالو لهم سوو برزنتيشن لاي موضوع
بتخصصك ويناقشونك فيه تختلف الطريقة من جامعة لاخرى
بصراحة يفضل تسأل احد المعيدين بقسمك واكيد بيعلمك وش صار معه
سواء فيه اختبارات او الاسئلة او المقابلة
اهم شي بين لهم انك حريص على اكمال الدراسة وانك حاب تعمل في المجال الاكاديمي
الله يوفقك ان شاء الله وينولك اللي ببالك
مشكورين جميعا
لي عودة
همم يعطيك العافية
الترسيم ما يحتاج معروف 
الاخ xCISx … (الله يعطيك العافيه)
ذكر اهم نقاط في المقابله
اهم شي ثق بنفسك … لان لا تنسي اذا انقبلت اللي قدامك بيصير خويك
ما بيسالك عن الدرجه … لا تشيل هم
بس اكيد بيقول لك اعطني فكره عن شغلك وش طبيعته وش سويت
وزي ما ذكر xCISx “مواصلة الدراسه” رتب لك كلام كذا عن تخصص تبي تكمله
بالتوفيق ان شاء الله
يعطيك العافية عزيزي… بحاول ارتب لي كلام عن التخصص واهدافي لان اظن ان هذا بيكون محور حديثنا
واحد من الشباب سوا مقابلة بالجامعة الاسلامية بالمدينة
قبل المقابلة سوو لهم اختبار واللي اجتازوه 4 هو ضمنهم بعدها رشحوهم للمقابلةطبعا كان مقدم ع المرحلة الثامنة للابتعاث
اللي معه تقريبا 3 ولاواحد مقدمالمهم سألوه لو ماقبلناك وش بتسوي؟
قالهم بكمل دراسة لاني قدمت ع المرحلة الثامنة
قالو يعني مصر ع اكمال الدراسة قال اكيد لازم اكمل الماستراللي معه كلهم سألوهم مدامكم تحبون المجال الاكاديمي ومواصلة الدراسة
ليش ماقدمتو ع المرحلة الثامنة للابتعاث
الغرض من هالسؤال بيتأكدون انك ع استعداد لاكمال الدراسة او لابرضو سألوه وش الجامعة والمعهد اللي قدمت عليه ؟وليش ؟
بيشوفونك مقدم على جامعة مش حالك او قوية
زميلي كان مقدم على معهد تبع جامعة من اقوى الجامعات بالهندسة بامريكاUniversity of Illinois at Urbana-Champaign
اتوقع بالبترول الماستر بالجامعة والدكتوراه خارج المملكة حسب ماسمعت كذا
بعضهم بالمقابلة يسألونه اسئلة عامة زي الاحداث اللي صايرة الحين وش رايك فيها
احيان يسألونك منو اول وزير للتعليم اخبر واحد سوا مقابلة بالاحساء جامعة الملك فيصل
سألوه عن اول مسجد فيها وفيه برضو جبل مشهور فيها اتوقع اسمه القارة
جرب تقدم على جامعة الملك فيصل ؟برضو بعض الجامعات زي جامعة شقراء قالو لهم سوو برزنتيشن لاي موضوع
بتخصصك ويناقشونك فيه تختلف الطريقة من جامعة لاخرىبصراحة يفضل تسأل احد المعيدين بقسمك واكيد بيعلمك وش صار معه
سواء فيه اختبارات او الاسئلة او المقابلةاهم شي بين لهم انك حريص على اكمال الدراسة وانك حاب تعمل في المجال الاكاديمي
الله يوفقك ان شاء الله وينولك اللي ببالك
معلومات حلوة وقيمة يعطيك الف عافية
اشكر كل الشباب اللي ردو وكل ملاحظاتهم سجلتها على جنب …
اللي عنده معلومات او نصايح ثانية لا يبخل علينا مشكورين
ما نبي الا دعوتك يالغالي
الله يوفقك يكتب لك اللي فيه الخير ,
ماعندي اضافة على الشباب بس على طاري الاعادة ياخي نسمع عن سوء الوضع المادي للدكاترة من ناحية انه مايستلم راتب محترم الا بعد الدكتواره وحتي هالراتب غير مجزي نوعا ما , والزياده مقطوعه اتوقع 500 ريال بس, اتوقع انك بحثت وفكرت بهالجانب بما انك تبي الاعاده فهل الوضع بهالسوء اللي سمعنا فيه ولا كيف ؟
عدرا على تغيير الموضوع