السلام عليكم ....
شركة سار لسكة الحديد … كيف رواتبها بالنسبة للمهندسين المدنيين …طبعا في الاماكن النائيه (يعني خارج الرياض وخارج المدن الرئيسيه). وايش مميزاتها … اللي يعرف لايبخل علي … بحثت عن مميزاتها بالانترنت ماحصلت 
…
الراتب الاساسي = …
بدل السكن = …%
بدل النقل = …
بدل المناطق النائيه = …
هل فيه بدلات اخرى ؟؟
هل فيه تأمين طبي ؟؟
أوقات الدوام ؟؟
طبيعة الدوام ؟؟
لاهنتم … 
مابه احد !!
واحد من الشباب شغال فيها بس بالرياض مو بمنطقه نائيه , اتذكر قلي ان الباكيج تقريبا 12000 ريال , بس اتوقع رح يكون اكثر اذا كان عملك بمنطقه نائيه !
بالتوفيق,
واحد يقولي يعطوووون 18000 فل بكيج لكن في مناطق بعيدة تبوك والشمال
ماشاءالله … منطقة الجوف تعتبر نائية ؟؟
ياشباب نصيحه قالي اياها واحد خبره بسابك … لا تدور على الشركه اللي تدفع لك اكثر وانت Fresh graduate !
دور الشركات اللي راح تدربك وتعطيك دورات قويه - حتى وان كان الراتب بالبدايه عادي !
لأن التطوير الوظيفي هو اهم شي في هذي المرحله … هذا اللي راح يرفع سعرك عند الشركات !!
لما تسأل عن الشركه … إسال عن التدريب الوظيفي فيها !!!!!
… الله يوفقنا ويوفقكم لما فيه الخير انشاءالله …
هذا الوصف العلمي لموقع الشركة :
الإدارة الرئيسة – الرياض – حي السفارات– موقف رقم 13 بين دوار رقم 3 و رقم 4 –
بحكم اني ماأدل في الرياض زين أبغا وصف شياب ههه
أنا جاي من الدمام وين طريق حي السفارات ؟ جيته مرة بس مضيعه …
وش هو موقف رقم 13 يعني مخرج 13 ؟؟
والله ماعرف مثلك في الرياض بس حي السفارات اذا دخلت الرياض سيدة لين يجك لوحة مكتوب حي السفارات ومكة المكرمة خش مع المخرج يجيك فتحتين خش مع الفتحة ال مع يدك ياليسار ثم سيدة يجيك مخرج مكتوب حي السفارات خش معه ومكان الشركة مادري وينها
ترى السيدة اذا خشيت الرياض طويلة تتعدى مخرج 2
ادخل قوقل ماب واكتب as safarat وشف الوصف واااضح وكيف جاي من طريق الدمام تقدر تروح له
http://maps.google.com.sa/maps?hl=en&tab=wl
بالتوفيق
سهل جدا مع حق ماتخش داخل الرياض وزحمتها كل من بر
ابد اول ما تدخل الرياض من جهة طريق خريص …دز بيكون كلية الملك فهد يمينك والاستاذ ويسارك مدينة التدريب الامن العام…ابد بتل الين تطلع كبري الخليج والكبري المذكور امتداد لخريص ويعتبر مسارين رايح ومسارين جاي المهم نهاية الكبري قبل ماتنزل رايح يكون يمينك مستشفى العسكري ويسارك التئمينات وماريوت بتل رايح ينزل فيك الكبري وحاول تتيامن لئن في حالت اخذت يسار او غير اليمين رايح يرجعك لتئمينات والملز او يدخلك على شارع الضباب من جهة الوزارات فئنتبه خلك متيامن…ماتدري بعمرك بعد فتره من التيامن الى وتشوف مدينة الملك فهد الطبيه بتل سيده في الهاي وي رايح تشوف قدامك مجمع كباري ماتدري وش تبي اسمه ميدان القاهره بتل طال عمرك رايح تشوف مستشفى التخصصي الاهلي يمينك بتل بعد رايح يجيك التخصصي يمينك وتشوف فيه بنده بتل رايح تشوف مخرج لأم الحمام بتل بعدتشوف مخرج موازي الخط الي جاي منه اطلع مع المخرج رايح تشوف نقطة تفتيش ممكن العسكري يطلب اثباتك ويسئلك وين رايح وعطه العنوان
مدري احس اول مره اوصف لواحد:)
يعطيكم العافية …
الأخ insteriment
مشكور على الوصف لأهنتم
رحت وسويت المقابلة الحمدلله واشكر الشباب اللي تعاوني معي
الوظيفة : مهندس مدني موقع
المكان : دومة الجندل قسم الصيانة التراك (المسار الحديدي للقطار) بشركة سار
الراتب : 9000 + 25 بالمئة +10بالمية يعني 11000 ريال
وتم إلغاء بدل المناطق البعيدة
وش رأيكم
تقع محافظة دومة الجندل جنوب غرب مدينة سكاكا في السعودية والله العرض جيد أنا لو مكان أدخل سنة سنتين ثم أبحث على الافضل ندور الخبرة
تستاهل الخير اخوي…
لكن لي تسائل…لا ادري ماسبب الغاء بدل منطقه نائيه؟هل عدد الخريجين اكثر من العرض؟
على العموم اذا تخصصك مدنيه او احد مسارتهاوماعندك اوفر غيره…فئقبل…اسئل الكريم ان يفتح لك ولي وزملائنا من حيث لا نحتسب…
وسلام,
الله يوفقك … ماعرف عنها شي
بس ياخوي كيف تواصلت معهم
الله يكتب لي ولكم اللي فيه الخير
بالنسبة لتواصل كان عن طريق يوم المهنةً
بالتوفيق لك يارب