السلام عليكم …
يا شباب … انا عندي اوفر من حديد سابكـ مهندس كهربائي على برنامج PDP
وصراحة موضوع الانتقال للجبيل ملخبطني مررررهـ … وحاب استفسر عن موضوع السكن
هل سابك تعطي ساكن للعزاب … وهل السكن في الصناعية والا البلد … وش هي مواصفات السكن ؟
وهل اول ما تتوظف تاخذ السكن والا تنتظر فترهـ معينه ؟
واذا كان مافيه سكن … كيف الآجارات في الجبيل البلد للشق المفروشه شهريا … وهل الافضل اخذ سكن سابك والا استأجر …
يا ليت القى احد يفيدنا وخصوصا موظفين سابك الجبيل العزاب 
الف مبرووك
انا نفس وضعك ماعرف شي عن الجبيل ( جاني عرض ولان مارحت بس موقع ) وودي اعرف اكثر واكثر عنها وعن ايجاراتها …
طيب ياخوي انت موظف بشركة الكهربا ومريت على تجربتهم كم المده بين المقابله والكشف الطبي وايضا كم المده بين الكشف الطبي وتوقيع العرض
وكم رواتبهم بعد خصم التامينات يعني اللي ينزلك لك شهربا
والله يوفقنا وياك وكل شباب المسلمين
اولا مبروك العرض …
ثانيا من ناحية السكن يختلف ع حسب الشركة … يعني كل شركة لها سكن خاص …
اذا في سابك يختلف اذا في حديد و يختلف عن بتروكيميا و هكذا
غالبا السكن يكون في الجبيل الصناعية … بس مدري عن حديد هل السكن متوفر ع طول او تنتظر دورك
و السكن يكون غرفة و صالة و مطبخ و حمام او حمامين ماني متاكد بس الصالة واسعة وجيدة يعني لو تسكن انت و واحد ثاني تشيلكم بالراحة
بدل السكن 25% و مو اقل من 2500 ريال شهريا … اذا تبي شقق مفروشة اتوقع بتحصلها اغلى من كذا اذا تبي نظيفة و كويسة
فالافضل انك يا تسكن في سكن الشركة يا انك تستاجر مو مفروشة و تفرشها ارخص لك
و اذا تعرف احد و تسكن معه في سكن الشركة راح يكون وضعك بطل
و نصيحة انت تعال و اول شهر استاجر في شقة مفروشة و خلال هالشهر اسال و شف الوضع كيف بعدين قرر
و موفق خير
أنا سكنت مع شباب
في حي نجد في الصناعية
واحد شغال في سافكو و الثاني في الرازي
الشقة كانت عبارة عن غرفة نوم سرير كبير + غرفة جلوس + مطبخ + دورة مياه تكرمون + مدخل
مدخل شقة شركة سافكو وسييع
على كلام الشباب يأخذون منهم بدل السكن فقط
مافيها نت
ما فيها تلفزيون فقط تمديدات التلفزيون
ما فيها خدمات نظافة
مواقف مظللة لكل عمارة
خدمات قريبة
أحياء راقية و هادئة
الشقة ما تشيل أكثر من شخصين
واحد في غرفة النوم و واحد بغرفة الجلوس
بحيث يكون لكل واحد استقلاليته
بنفس قيمة بدل السكن
تقدر تسكن في شقق مفروشة بخدمات فندقية
نت و تلفزيون و خدمات نظافة
في الجبيل البلد … و ممكن بأقل بعد
حسب مفاوضاتك
أو تستأجر غير مفروشة بالبلد و تأثث تأثيث بسيط ما يكلفك 5000 ريال
هلا والله … بالنسبة للكهرباء … الفترة من المقابلة حتى اخبارك بالقبول حوالي 4 الى 6 اسبايع … من الكشف الطبي الى توقيع العقد ما تتجاوز اسبوعين
القحطاني - ستار بكس
الف شكر لكم … افدتوني كثير