السلام عليكم …
كيف حالكم جميعا /
شباب انا حاولت اسحب اليوم وطلع لي " لقد تجاوزت الحد المسموح لك من عمليات السحب "
علما بان الصرافة باقي فيها مبلغ وقدره
طبعا حاولت اسحب من صرافتين " داخل الكامبس " ونفس الحكايه …
اذا احد يعرف المشكله وكيفية طريقة التعامل معها ياليت يخبرني ، وشكراً
اذا حسابك عايدي مو مسموح لك تسحب اكثر من 5 الاف في خلال 24 ساعه 
واذا تقصد حساب المكافاه 
جرب بعد كم ساعه او روح صراف ثاني خارج الجامعه
اللي أعرفه إنه مسموح لك ب 5 عمليات سحب فقط بالبطاقة الجامعية في الشهر
^
تقصد باليوم ؟؟
5 عمليات باليوم
وما تقدر تسحب أكثر من ٥ آلاف في اليوم
*متأكد من المعلومة دي *
انا كل يوم اسحب 
هذا الي سمعته من يوم كنت بالأوريا من طلاب الجينير والسفمور 
هههه كانوا يطقطقوا على راسك
يوم كنت اوريا كانوا يقولولي ما تقدر تسحب الا بعد المغرب واذا كبرت وصرت في الجبل تسحب وقت ماتبي 
>>> طبعاً ما اكلت المقلب
جديدة ذي تجاوزت الحد المسموح من السحوبات
صح، انا اذكر ان فيه عدد معين لعمليات السحب لبطاقة الطالب
لا يا عزيزي ما يطقطقون على راسه ولا شي…
أنا متأكد ان هذي المعلومه مسجله في دليل الطالب وتأكدت منها السمستر الماضي(من دليل الطالب الخاص بدفعتنا)
عدد السحوبات لا تتجاوز الخمس مرات…لكن ما مره طلع لي اني تجاوزت عدد السحوبات مع اني متأكد اني تجاوزت الخمس مرات أكثر من مره…
انا قد صارت لي هالمشكلة يوم كنت بالاوريا
كنت استخدم البطاقة قي السحب وفي شحن الجوال , وكانت عدد العمليات اكثر من المعتاد
فطلعتلي الرسالة اللي قلت عليها, وراجعت فرع الجامعة والفرع اللي برا , وقالوا ماتقدر تسحبها ولا تستعملها لين تنزل مكافأة الشهر اللي بعده …
الشهر الجاي اسحب المكافأة كاملة وحطها تحت مخدتك 
^^
عز الله طارت في اول اسبوع
اشوف انه نظاااام جدن جدن غبي
قد حصلت قبل كذا لواحد من العيال واكل تبن بعدها
أنا متأكد ان هذي المعلومه مسجله في دليل الطالب وتأكدت منها السمستر الماضي(من دليل الطالب الخاص بدفعتنا)
يعني تقصد ان القرار الغبي هذا من جامعتنا ماهوب من البنك ؟؟؟؟
اذا فعلن , يبالنا جمعه كذا نتفاهم مع صاحب ذا القرار الخونفوشاااااري
الله يعطيكم العافيه جميعاً … ماقصرتوا
رحت اليوم لصرافة الجمعيه ، حاولت اسحب ونفس الحكايه …
رحت لفرع سامبا لقيتهم مسكرين " والمبنى مغبر شوي من براً " الظاهر صارلهم كم سنه مافتحوا
ع العموم احد يعرف متى تنزل المكآفأه الجاية ؟
وشكراً
^^
الاربعاء بالكثير