السلام عليكم ورحمة الله وبركاته
ولله الحمد جاني قبول مبدئي في الشركتين وانا الان اعيش حالة حيره مابعدها حيره, اذا سالت الي بارامكو قالك الرواتب احسن واحنا شركه معروفه لها تاريخ وان سالت الي بسابك قالك تدريبنا افضل ومكافاة نهاية الخدمه. وهالشي خلاني احتار زياده وودي بشوركم ورايكم وين الافضل من ناحية التدريب والدورات الخارجيه والراتب ولا مانع من ذكر ميزات اخرى للشركتين.
شكرا لكم مقدما
ما شاء الله … عسى الله يوفقك و يوفقنا يا رب …
عليك بالإستخارة!
والخيرة فيما اختاره الله 
ما شاء الله … عسى الله يوفقك و يوفقنا يا رب …
عليك بالإستخارة!
والخيرة فيما اختاره الله
وعليكم السلام ،،
اول شي الف مبروك عزيزي وتستاهل كل خير
انا من وجهة نظري تنتظر العرضين وتحدد واذا انت كيميكال اقولك سابك افضل!!
اذا جاك العرضين ممكن تحدد عن طريق الاداره اللي راح تشتغل فيها ان شاء الله وش الوظيفه اللي تبيها"المسار الوظيفي" ؟ والمكان الجغرافي؟ مثلا ارامكو حطوك ب gosp بريموت ايريا مثلا وسابك حطوك بمركز الابحاث او في شركه قويه هنا تقدر تحدد ولاتنسى الاستخاره !!
بالتوفييق!!
اكيد على حسب القسم في ارامكو والشركه في سابك
الراتب الاساسي ارامكو افضل فرق الف ريال تقريبا
بدل السكن سابك 25% وارامكو ثلاث رواتب الي هي 25% زي سابك
البونص السنوي لسابك يعتمد على الارباح وغالبا راتبين او ثلاث
ارامكو تعطيك تلقائيا راتبين … راتب الشهر 13 ورااتب رمضان و60% من الراتب في في اجازتك
مجموع رواتب ارامكو السنويه 17.6 راتب
سابك اما 17 او 18 على حسب الارباح مع الاختلاف في الاساسي
على المدى البعيد الظاهر وضع ارامكو افضل ماديا !!
هذا من ناحية الرواتب اما من ناحية السكن فاعتقد في سابك يفرق من شركه لشركه
وتأكد من نظام القروض وتمليك الارض في ارامكو
يبفى معك مسأله ثانيه الي هي مكان التوظيف
ناس كثير تكره الجبيل وتلقاهم كل ويكند متواجدين في الخبر والدمام
وارامكو على حسب مكانك في الظهران والا بقيق والا راس تنوره …الخ
من ناحيه الدورات اكيد يفرق من مكان لمكان وقسم لاخر في كلتا الشركتين
أنا من رأيي أن تستخير ولا تستعجل في القرار والفلوس ماهي كل شيء
الراحه الوظيفيه ومحبة المكان الي بتشتغل فيه هي الي بتفرق
في ناس تقول ارامكو مي زي سابك للكمكال انجنير !
طيب وبقيق وراس تنوره من الي يقوم المصانع فيها !
وايضا الان مشروع صداره ارامكو طلبها زاد على الكيميائيين
الله يوفقك ويكتبلك ما فيه الخير
لو كان الهندسة الكيمائية فاشلة ماكانت العالم اتجهت للبتروكيمائيات وهي المستقبل أفضل تخصص بكل فخر العمليات الكيمائية في جميع الشركات مثل ارامكو وسابك وغيرها من المهندس الكيميائي ياراجل كل كونسركشن في جميع العالم لاحظ المهندسين في الصناعات النفطية والبتروكيمائية يكون المهندسين البروسس ثلاثة ارباع الموظفين والخبرات يكون خمس اشخاص والاقسام الثانية على شخص واحد أفضل تخصص الكيميائية بالنسبة لي ايدك في كل كلمة قلتها
التدرج الوظيفي في سابك افضل من ارامكو بمراحل ناس في ارامكوا ماجستير هندسة كيميائية له 20 سنة في ارامكو ومن المتميزين في ارامكوا في سليفر توه يصير منجر ماله خمسة شهور أما سابك واحد من الجماعة ماله 6سنوات صار منجر الرواتب أرامكو أعلى بس الراحة البيئة في سابك افضل من ارامكوا بكثير وانظر الى الاشخاص الذين تركوا ارامكو واتجهوا لشركة الكهرباء ومدينة الملك عبدالعزيز للعلوم والتقنية بسبب الكرف في أرامكوا ولاعمري سمعت شخص ترك سابك واتجه للموؤسستين المذكورة سابقا
هلا
شوف اخوي بالنسبة لسابك فانت وحظك ومهوب صحيح ان فيها دورات وتطوير للموظف تعتمد على الشركة والقسم اللي انت فيه ورئيسك المباشرة وللاسف انا اشوف سابك بدت تسوي توفير على حساب تطوير موظفينها وتسوي الترينينق حقهم بداخل الشركة فقط
اما بالنسبة لارامكو فما زالت تهتم بموظفينها وخصوصا المهندسين وهذا واضح جدا وفرق كبير
هي في نقطه ودي الي فاهم في الوضع يبينها لنا لانه يمكن يتغير الوضع في السنوات الي قدام
هل ممكن سابك تضعف قوتها في السوق مع مشروع صداره !؟
وبالتالي يكون فيه تأثير عكسي على موظفيها "!
بلا شك ان مشروع صداره بيسوي قفزه رائعه في ارامكو !
الله يكتب لك الي فيه الخيرة اولا
ثانيا انا اشوف ان الشركتين متقاربتين الي يحدد أي قسم او شركة في سابك و اي قسم في ارامكو ؟
ثالثا مكان التوظيف يفرق معك او لا ؟
رابعا هل تبي تكمل ماستر ولا لا و هذا يعتمد ع اي قسم راح تدخله في الشركتين فيه اقسام تبعث واقسام لا
فنصيحتي لك قارن بين الأقسام و ليس بين أرامكو و سابك
و في الأخير استخر و الخيرة في ما أختاره الله دوما و أبدا … بالتوفيق
و بالنسبة لأخوي الي يقول ان ارامكو أفضل راتب كبداية مو صحيح تقريبا نفس الشي
لأن سابك تعطي 10% بدل نقل بدون شروط … يعني نفس الشي تقريبا
فلاتفكر في الناحية المادية فكر في الخبرة الي راح تاخذها من القسم و شكرا
اخوي الهندسه لعبتي …
ترى ارامكو برضوا صارت توفر على حساب تطوير موظفينها … كل كورسات الpdp صارت داخليه وعلى كلام واحد من الشباب " موظف ارامكو " يقول الهدف تصير الكورسات كلها داخليه !
سابك للحين فيها كورسات برى بس اللي يفرق بين سابك وارامكو واشووفه مرره كويس لموظفين ارامكو انهم يعطونك بعثات على حسب الحاجه تكمل ماستر !
وبالنسبه للبونص حق سابك حبيت اصحح للشباب البونص من 3 رواتب إلى 4 وليس من 2 إلى 3
السنه الوحيده اللي نزلت إلى 2 كانت لما سابك اشترت مصنع البلاستيك من ge وخسرت !
ما ازيد عاللي ذكروه الشباب
بس نقطة بسيطة حطها في بالك
سابك تحقق ارباحها بسبب الدعم الحكومي لها …
بمعنى انها تشتري المواد الخام بسعر رخيص جدا ومدعوم من الحكومة
بعكس الشركات العالمية الاخرى … وتبيع منتجاتها بنفس اسعار غيرها
في اخبار واشاعات تقول ان الدعم الحكومي حيتوقف …
فكر فيها وشوف لو اتوقف الدعم كيف حيكون مصير سابك
والله يوفقك ويكتبلك الخير
SmsoOom5
مع احترامي لك
كلام غير صحيح مطلقاً
انا اتمنى ان كلامي يكون غير صحيح
هي اشاعة منتشرة وحبيت اذكرها
شكرا للتوضيح