بما إن لك أكثر من 3 شهور فأكثر الشركات تطلب منك تبلغهم قبل استقالتك بشهر واسمها فترة الانذار لكن ما أتوقع ان سكيكو بتقولك لازم تداوم شهر لأنك في مرحلة البي دي بي ولاعندك مهام عمل تستلزم فترة الانذار . على كل حال لاتستقيل من سكيكو إلا بعد إنتهاء اجرائات سابك كلها واذا وصلت لتحديد تاريخ المباشرة لا تنسى تاخذ بالحسبان فترة الانذار في سكيكو و اعط خبر لسابك انك تحتاج فترة إنذار في سكيكو لمدة شهر حتى لو قالوا لك سكيكو مو لازم فترة انذار وخلها فقط للاحتياط.
انا كلموني ارامكو بعد ماخلصت المقابله والفحص والتحقق الامني وكل شي
ارسلو العرض ووقعته وقالو انتظر لين يكلمونك يعطونك الاوكي عشان تقدم استقالتك
كلموني واعطوني الاوكيه
كتبت استقالتي بنفس اليوم وحطيت تاريخ الاستقاله بعدها بثلاث ايام ووقعتها من مدير الدائره بعدين مدير الاداره بنفس اليوم
وطلبت اعفاء من شهر الانذار >> انت وحظك يوافق عليه رئيس القطاع او لا >> غالبا يوافق عليه
بعد ماخلصت الاجراءات وكل شي اخذت اوراقي وطلعت للمبنى الرئيسي بالشرقيه واعطيتهم الاوراق بنفسي
ورحت لرئيس القطاع ودخلت عليه بنفسي واعطيته طلب الاعفاء بالاول قال لازم تداوم شهر انا قلت له مباشرتي الاسبوع الجاي وتعنيت ابي تعفيني واعفاني
ورجعت للموظف واعطيته الاعفاء وقدم لي طلب عن طريق السستم يوافق عليه مدير الاداره تبعك
والباقي يروح لكل الاقسام الاتصالات والطبيه وغيرها يعتمدونه وتنتهي
ثم يطبعون لك ورقة اخلاء طرف توديها للماليه وتراجعهم بعدها بيومين يكون كل شي جاهز يعطونك اخلاء طرف
ويقولون حقوقك اذا لك حقوق تنزل لك >> نزلت بعد اسبوع بالضبط الحمدلله
واخذت اخلاء طرف ومشيت لارامكو ووقعت العقد الحمدلله
الحين لي اسبوعين معاهم الله يوفقني ويوفقك يا رب
ملاحظة : انا خلصت اجراءاتي بنفسي عشان اخلص بسرعه لانك لو خليت ادارتك ترسلها يطولون تاخذ تقريبا 15 يوم
ما شاء الله عليك اخوي
بس انت اللي فهمته انك وقعت العرض offer
و قدمت استقالة ع طول بعد التوقيع للعرض …
الحين العقد contract يعتبر قبول نهائي لك بالشركة و هو الزبدة حسبما اعرف لأن الأوفر هو يعتبر قبول مبدئي فقط و غير ملزم
العقد وقعته والا كيف؟؟
هل قدمت استقالتك بناء ع توقيعك العرض offer فقط؟؟
سويت المقابله وبعدها ب 3 اسابيع اتصل علي احد الاخوان من الموارد البشريه يبشرني بأجتياز المقابله وتم ارسال العرض ع بوابه التوظيف بموقع سابك والموافقه تكون اون لاين
وقالي شف العرض ان ناسبك وافق او ارفض اون لاين طبعاً
دخلت على موقع التوظيف ومن ثم على ملفي الشخصي ولقيت العرض وكان جيد ووافقت عليه اون لاين
بعدها ب 10 دقائق دق علي شخص اخر وقال انت وافقت على العرض وبرسل لك ايميل الان بموعد والاوراق المطلوبه للفحص الطبي
رحت الفحص الطبي بالاوراق المطلوبه للمبنى الرئيسي بالفناتير واخذت منه ظرف لعياده حديد سابك ومن عندهم اعطوني ظرفين للكشف لمستشفى الخنيني والمواساه والحمد لله خلصتها ورجعت لمبنى سابك الرئيسي لمطابقه الاوراق
تم مطابقه الاوراق والشهاده وتعبيه بعض الفورمات عن التأمينات وافراد العائله عشان التامين و…و…و الخ
وقالي اسبوعين ونرد لك خبر
يوم الاربعاء الي طاف كملت اسبوعين وما اتصل اتصلت انا قال في زحمه شوي واوراقك باقي ما وصلت من المستشفى
السبت او الاحد بنرد لك خبر عشان اذا كلش اوكي توقع العقد وتحدد وقت المباشره
وشئ طبيعي وقت المباشره تكون بعد شهر على اقل تقدير من توقيعي عشان امور الاستقاله
واسأل الله ان ييسر الامور لي ولكم ويبشرنا بخير عنها
في شركة دقو علي و سويت عندهم مقابلة و قبلت و ابلغوني عن طريق ال HR بالقبول
و ارسلت لهم الأوراق المطلوبة من أسبوع على اساس يرسلون العرض offer
بس صار لهم أسبوع ما ارسلوا شي …
تم الاتصال علي من سابك بأجتياز الفحص الطبي وتم شرح الطريقه من قبل الموظف المختص
سألني اذا انا موظف قلت ايه قالي طيب برسلك ايميل رسمي من توظيف سابك على قبولك وتوقيع العقد والمباشره بعد شهر من الان ووافقت لان اغلب الشركات عندها شهر مهله
طبعا قالي الايميل الرسمي هذا يعتبر اثبات لك ورسمي بالقبول بسابك وتقدم استقاله وتنهي اجراءاتك من الشركه السابقه وبعد شهر تجي بأخلاء الطرف وتوقع وتداوم معنا باذن الله
… الله يعين على المشوار من الرياض … 
…
