السلام عليكم
كيفكم شباب؟
انا توي متوظف واليوم اول مره ادخل على Salary slip
ولقيت خصم التأمينات من الراتب الاساسي + بدل السكن
مو المفروض الخصم فقط من الراتب الاساسي؟
كان عندي خيار اني اخذ بدل السكن دفعه وحده في شهر ٦
هل يخصمون منه حتى لو اخذته دفعه وحده؟
وعليكم السلام
لا الواقع إنهم يخصمون من الاثنين
يعني نسبة التأمينات تكون من الراتب الأساسي ومن بدل السكن
بدل النقل ما عليه نسبة تأمينات
الله يوفقك
يا شباب انا اخوي عنده مؤسسة و موظف سعوديين
و النظام يفرض على صاحب العمل انه هو اللي يتكفل بالتأمينات الاجتماعية يعني نظاما ما يجوز يخصمون من رواتبكم و يدفعون للتأمينات
صح ولا انا فاهم غلط؟
أطيب تحية للجميع 
التأمينات الاجتماعية تخصم ما مقداره 18 % من راتب الموظف شهريا وكالتالي :
9 % من مجموع راتب الموظف الاساسي وبدل السكن الخاص به
9 % اخرى تدفع من قبل صاحب العمل ليصبح مجموع ما يتم دفعه شهريا لكل موظف هو 18 %
يعطيكم الف عافيه ع الرد السريع
^^^^
البيت بيتك
احب اصحح لك… التأمينات تخصم 20%
9% من راتب الموظف للتقاعد
و 9% من الشركه للتقاعد حقك
و 2% تأمين مخاطر… هذي عشان لو صار عليك حادث وانت رايح للعمل من البيت او راجع للعمل من البيت او اصابه عمل، فتدخل من ضمن هذي الدائرة… لازم تعرفون انك لازم تحط منزلك الصحيح باوراق الشركه عشان لو صار لك شئ فراح يعرفون اذا انت ماخذ المسار الصحيح للعمل او لا… الدعوه فلوس… ولازم البيت يكون من ضمن دائرة 80 كيلو عن العمل عشان تدخل تحت هذا البند
صحيح كلامك
وأنا أقصد بكلامي السابق نسبة الإشتراك للسعوديين في فرع المعاشات فقط دون التطرق للأخطار المهنية ، فتبلغ نسبة الاشتراك في هذا الفرع (18%) من الأجر الشهري للموظف ، يدفع صاحب العمل نسبة (9%) ويدفع المشترك (الموظف) نسبة (9%).
أما الأخطار المهنية - مثل ما ذكرت - فهي 2% من الأجر ، ويدفعها صاحب العمل … لكن أول مرة أعرف بحكاية 80 كيلو متر المتعلقة بمسافة المسكن عن العمل …
معلومة مهمه وافادتني 