السلام عليكم جميعا , اتمنى من الاخوان الموظفين يتشاركون تجاربهم في هذا الموضوع
هذي قائمة بالبنوك , و اذا نسيت احد البنوك يا ليت تذكرونه:
الراجحي
سامبا
البلاد
ساب
الانماء
الفرنسي
الجزيرة
الأهلي
الهولندي
الرياض
العربي
سامبا
الراجحي أبعد عن الحرام
وهذه ميزة لا تعدلها أخرى
ثم
خدماته على النت جيدة جدا
مشكلته فقط إن اضطررت تروح لفتح حساب أو تجديده، فقد تجد النظام خربانا باحتمالية عالية
+1
احسنت وهذا ان شاء الله ما نأمل منه
لأن الواحد صراحة وده بشي حلال وكثير ما نسمع من اللي يشتغلون في البنوك ما يجدون بركة في الراتب
ما فهمت سؤالك… تقصد افضل بنك الواحد يتوظف فيه من ناحية الرواتب؟
ولا احسن بنك تفتح فيه حساب وتستلم عليه الراتب؟
ولا احسن بنك تستثمر فيه فلوسك؟
المقصد الله يعافيك افضل بنك تفتح فيه حساب وتستلم عليه الراتب
الراجحي أفضل فكل شي بس الرواتب أقل من سامبا
http://www.adslgate.com/dsl/showthread.php?t=838799
هذا موضوع ان شاء الله يفيدك
البنك اللي الجهة اللي تعمل فيها تتعامل معه
راتبك ينزل قبل اصحاب حسابات البنوك الثانية
بيوم او يومين
فهمت غلط 
أفضل بنك الراجحي لان سامبا يام تعبونا في المكأفات
الراجحي أكبر متستر ب كلمة “إسلامي”!!
والله ياهم أكثر بنك خدماته في الفروع سيئة و موظفيه نفسيتهم في خشمهم تقول انك تشحذ منهم!
بنك “إسلامي” سيء!
الراجحي أكبر متستر ب كلمة “إسلامي”!!
والله ياهم أكثر بنك خدماته في الفروع سيئة و موظفيه نفسيتهم في خشمهم تقول انك تشحذ منهم!
بنك “إسلامي” سيء!
انا رحت للبلاد وعجبني شغلهم
في اقل من نصف ساعه حساب + بطاقة صراف + محفظه
الراجحي يوم انتهت صلاحية بطاقة الصراف كل مارحت لهم قال السستم عطلان
الراجحي خدماته زفت وكل يوم لهم نظام على حسب المزاج
1) مرة يقولون لا زم يكون في رصيدك أكثر من 5000 ريال وإلا خسمنا عليك شهريا ريالين ونص أو شي زي كذا
2) ومرة يقولون اذا كنت بتفتح حساب جديد لازم تدفع 85 ريال
3) ومرة يوقفون بطاقتي عن العمل اقولهم يابو الشباب وش المشكلة يقول لي بطاقتك يبيلها تحديث وانا توني محدثها 
هذا غير مشاكل الصرافات اللي مرة مايشتغل ومرة ما يودع 
الله يصلح الحال محتد عليه لانه اسلامي ولا كان سحبت عليه من زمان 
شوف يا عزيزي البنوك حالتهم حاله.
يعني مثلا:
1-الراجحي ترتاح لكثرة فروعه والخدمات الالكترونيه فيه حسب تجربتي ممتازه وسريعه.
لكن في نفس الوقت مشكلته القوانين الغريبه والمتغيره باستمرار !! والزحمه الغير طبيعيه على مكاين الايداع.
2-البلاد ما عليه زحمه وتخلص شغلك وانت مرتاح والموظفين يقولون بك هه هه ^_- لكن في نفس الوقت مكاينهم ما فيها إيداع !! وخدماتهم الالكترونيه سيئه جدا جدا (آخر تجربه كانت في 2011)
3-الانماء بنك جديد ويبغى عملاء, فروعهم شرحه ونظيفه ويهتمون بك مثل البلاد, مكاينهم ممتازه وحديثه ونادر ما تعطل, خدماتهم الالكترونيه بين الجيده والممتازه لكن ليست مثل الراجحي. يعيبهم قلة الفروع بشكل كبير.
هذه تجربتي مع البنوك, وحط في بالك ان فرع عن فرع يفرق, يعني انا رحت لاقرب فرع للراجحي عشان افتح حساب. أول يوم قالي لازم تعبي بياناتك اونلاين وتجينا. عبيت البيانات ورحت ثاني يوم, قالي فتح الحسابات من الصباح الى الظهر !!! سحبت عليهم ورحت لفرع آخر وفتح الحساب وطلعت فيزا واستلمتها قبل اذان العصر 
وبالتوفيق
طيب اللي يبي اسلامي كل البنوك الان عندها صيرفة اسلامية غير البنوك اللي تعتبر اسلامية امثال الجزيرة و البلاد والشي الثاني اللي يقول بركة الراتب عشانه في الراجحي ترا الراجحي زيه زي أي بنك ثاني الفرق ان الارباح من القروض ما يسميها ارباح يسميها رسوم ادارية وبرضو نظام التورق الاسلامي المتبع في سياسة قروض الراجحي متوفرة الان في جميع البنوك. على العموم موظفين ارامكو انصحهم بالانماء لان مع تحويل راتبك لهم يعطونك بطاقة ذهبية وتخفيض على رسوم التحويلات وايضا للي يبي قرض يخذون ربح 1.85% بدون رسوم ادارية
من جد البنوك تسمي الاشياء بغير اسمائها عشان يلعبون على الناس الي ما تبي تاكل حرام
الآن مو حكاية “البنك اسلامي” ولا “ماهو اسلامي” مو المفروض تفرق عند اللي يبغى يستثمر فقط؟؟
اللي يبغى يودع ويسحب راتبه فقط ما عليه شي حتى لو يودعه عند يهودي
ترى الدول بكبرها تتعامل بالربى…
الله يغفر لهم ويجنبنا الحرام.
ليه أرامكو تحديدا ؟