ودي استعد للاختبار التحصيلي وابي مشورتكم بأفضل المراجع انا لا اخفيكم بأن اعمل في العبيكان كل صباح اصف الكتب معاهم ودوامي بالكامل على ركن القدرات والتحصيلي عسا الله يخارجنا منا يا رب واطلعت على هالكتب التاليه
1- قبول 2
2- سلسلة عبدالله بالبيد للاختبارات التحصيلية الكتاب والمذاكره الخاصه به
3- تحصيل 2
4- رام 2
ولكن رام 2 غير مفهوم ولا هو مجدي اساسا ولكن الأمل في تحصيل 2 عاد بالبيد ممتاز بس الظاهر انه شامل وموسع من الاختبار او دورة رائز تكفي رائز تكفي لمن جرب واستفاد ؟
ابي مشوروكم وارائكم لا حرمكم الله من التوفيق
عاد تذكروا الله يبارك فيكم هذه فرصتي الاخيرة على مقاعد الجامعة
وفق الله الجميع …
منتديات يزيد هي الي افادتني كثير حفظت التجميعات حفظ حتى مو فهم واخذت 82 وقسم الانقليزي بالاختبار سكرته مافتحته
يمكن انتم مناهجكم مطوره تختلف عن القديمه اعتقد مافي تجميعات كثيره لكم
أنا طالب زيك في ثالث ثانوي أقولك خذ رأيي …اذا انت طالب مجتهد ومتابع مع مدرسينك من اولى فما لك الا مناهج الوزارة ذاكرها كلها وخل كتب التحصيلي للمراجعة !!
اذا انت مو مرة ذاكر كتب التحصيلي -اللي تحبه منها- وخل منتديات يزيد مراجعة لك
نصيحة! منتديات يزيد هي المفتاح للدرجات العليا في التحصيلي بعد توفيق الله طبعا -
فيه عدة أشياء مهمة لاختبار التحصيلي:
1/ بما ان الاختبار يجي مباشرة بعض الاختبارات النهائية، لا تطلع من جو الاختبارات، لأنك اذا دخلت بجو الاجازة الصيفية راح تكون المراجعة ثقيييييلة.
2/ الدورات التدريبية ممتازة من ناحية الفيزياء والرياضيات، لكن الأحياء والكيمياء مواد حفظ ما تحتاج مدرس.
3/اللي تكسبه العبه، اذا فيه مادة او مادتين انت متمكن فيها أكثر من البقية ركز عليها واضمن درجة عالية في القسم المخصص لها في الاختبار.
أنا عن نفسي سجلت بدورة معهد الأوائل في الرياض مدتها 4 أيام تقريبا 4 ساعات يوميا، كنت انتبه بشكل خاص للرياضيات والفيزياء لأنك تحتاج المبادئ الأساسية بها المادتين، وكنت اذا رجعت اطلع طلعة خفيفة ثم أنام، أصحى الصبح وأراجع أحياء وكيمياء وكان تركيزي على الأحياء لأن أسئلة الاختبار تجي نفس المنهج بالضبط بينما الرياضيات والفيزياء والكيمياء تفهم المبادئ وتجيك أسئلة أول مرة تشوفه.
كانت أربع أيام كريهة وثقيلة على النفس ولكن النتيجة اني جبت فوق التسعين ولله الحمد ( اللي رفعني مادة الأحياء ) واستانست باقي الاجازة ولا شلت هم القبول.
انا دخلت لي دورتين + مذاكرة جدية + ترتيب مذاكرة المواد في وقت بسيط وضغط جدا كبير
قدرت فيهم اخذ الزبدة من الكيمياء والفزكس والاحياء + الانجليزي … الماث كان صعب علي … وذاكرته شوي
استعملت الكتب تبع الدورات + اذا مافهمت من الكتب استخدم دفاتري الي كنت كاتب فيهم دروسي السابقة
انا دخلت لي دورتين + مذاكرة جدية + ترتيب مذاكرة المواد في وقت بسيط وضغط جدا كبير
قدرت فيهم اخذ الزبدة من الكيمياء والفزكس والاحياء + الانجليزي … الماث كان صعب علي … وذاكرته شوي
استعملت الكتب تبع الدورات + اذا مافهمت من الكتب استخدم دفاتري الي كنت كاتب فيهم دروسي السابقة
