ياشباب انا جاني قبول بشركة الكهرباء ( الشركه الوطنيه لنقل الكهرباء ) سابقا يقال له قطاع النقل وش رايكم فيه
بس بعيد عن اهلي مرره ابس شوركم لي وهل النقل للأهل سهل او صعب ؟؟
وياليت اللي لهم خبرات بشركة الكهرب يقولي كيف ؟؟
ألف مبروك اخوي
والله الشركة قوية وتعتبر أفضل من التوليد والتوزيع بمراحل
المشاريع في النقل سمعت انه أقوى دائرة في النقل والدورات خارجية والتطوير ممتاز
على كل حال النقل افضل قطاع في الكهرباء والآن استقل وصارت بالمسمى اللي ذكرته
وجهة نظري لا تفوت العرض وتوكل على الله
ياليت تذكر لنا وين جاك القبول ؟ وبأي دائرة ؟
النقل على كلام الموظفين لاتحلم فيه قبل 5 سنوات الا اذا معك واسطة 
الف الف مبروووك عزيزي،،
متى تم تبليغك بالقبول و اين موقع المباشرة؟
لأني عامل معاهم مقابلتين من شهرين ولاردوا علي للحين،،
هلا اخواني بالقطاع الغربي
والله يوفقكم جميعا انا لي شهر ونصف من سويت المقابله وللحين ماسويت الكشف الطبي بس اشعروني باجتياز المقابله
بس فيه مشكله البعد عن الاهل هل الانتقال سهل للقطاع الاوسط مثلا الرياض او ماشابهها
وينكم ياشباب
up
الشركة اختصارها ng
افضل شيء في الكهرباء
الرواتب راح تزيد في ابريل السنة وراح يصير الاساسي للمهندس الكهربائي عشرة ونص تقريبًا يعني راتب اونر في ارامكو!!
انصحك تروح ولاتتردد
مشكور ياخوي taqaee
طيب الانتقال للاهل كيف سهل والا صعب
موشاهدات كثيره للموضوع ولا احد رد
بليز شباب اللي يعرف
ودي اساعدك وانا من ضمن المشاهدات
بس ما عندي علم
ربي يوفقك
وياك ياخوي X_zErO
انت موظف بشركة الكهرب صح ؟ تقدر تسال وتفيدنا
وهذا اللي ناويه اول ما قريت موضوعك
ان شاء الله ارجع باجابة شافية 
هل هذا لكل المهندسين في شركة الكهرباء أم فقط في الشركة الوطنية لنقل الكهرباء ؟
الله يجزاك خير ياخوي X_zErO
ننتظرك الله يوفقك
up
الانتقال في شركة الكهرباء او شركة النقل ليس بتلك الصعوبة
اعرف واحد بمحطه بالرياض يبي ينقل للدمام رفضو عليه
عشان كذا اسال واتاكد
مشكورر ياخوي الله يوفقك sss998
للإنتقال لابد من موافقة الإدارة المنقول إليها وموافقة إدارتك, هذا لمن هم على قريد 48 أما إذا كنت على قريد 49 فتحتاج موافقة رئيس القطاع
مشكور ياخوي Eng Fauzan والله يجزاك خير كفيت ووفيت
اجل كذا فيه صعوبه
الله يسهل ويوفق الجميع
اخوي آه بس
جعلك ماتقول ال آه مرة ثانية… قول آمين
النقل في شركة الكهرباء صعب جدًا …
أصلاً اذا انت من الوسطى مدري كيف قبلوك بالغربية؟
هم يبون شخص يستمر معهم مو سنة سنتين ويدور نقل …
عمومًا اذا اتصلوا عليك وقالوا تعال اعمل الكشف الطبي… استخير
والنقل ممتاز جدًا نصيحة مني لا تفوته… كثير من الشباب في التوزيع والتوليد يتمنون النقل