كيفكم شباب ؟؟ إن شاء الله تمام ؟! … شباب أول شي ابغى تفاعلكم معي مو مثل كل مرة يجلس الموضوع بالاسابيع بدوون ردوود …
شباب أنا كنت أسولف أنا وواحد من التوظيف في أرامكو قبل فترة وقال لي كثير من الشباب اللي مو من المنطقة الشرقية … يعني مثلا من جدة او الرياض او الجنوب او غيرها يفضلووا ويحرصوون دائما على التوظيف في المدن اللي عايشين فيها … يعني اللي من جدة يبغى وظيفة في أرامكو جدة واللي من الرياااض يبغى في الرياض … يقول : المشكلة انه نظام الشركة عندنا كثرة الدوران للموظفين يعني حتى لو توظف في الرياض مثلا … لازم يتنقل الموظف إلى الظهران … راس تنورة …الخ …
أسئلتي كالتالي وأكيد هي مهمة لي ولغيري و أنا متأكد انها مرت في بال الكثير مننا :
1- هل كلام الشخص مضبووط 100% ؟
2- أنا مثلا من الناس اللي ظروفي العائلية تحتم علي الوظيفة في الرياااض كوني أكبر أخواني … فهل لو الله كتب لي وظيفة في أرامكو الرياض … وطٌلب مني بعد فترة أروح لأي مكان ثاني … هل يحق لي أرفض ؟؟ وايش يترتب على رفضي ؟
3- هل ممكن يطلب مني أن أنتقل لمنطقة نائية ؟؟ يعني مثل ماقلت لو أنا موظف في الرياض أو شخص موظف في جدة … هل ممكن يجي يوووم يطلبون منه الدوام في منيفة أو حرض أو غيرها ؟؟
4- بالنسبة لبرنامج الــ PDP كيف نظامه أود لو يشرح أحدكم عنه ؟؟ وهل يشمل العمل لفترات في مناطق معينة وهل يحق لي اختيار المكان اللي ابغى اشتغل فيه ؟؟ وهل هوو موحد أم كل إدارة خطتها لحالها ؟؟ وهل يشمل دورات خارجية ؟؟
5- اذا كان فعلا أي مهندس يدخل أرامكو لازم يلفلف ويدووور في أماكن عمل الشركة فـــ :
>>> أ. ايش الفايدة من تحديد مكان العمل أو work location في العرض والعقد ؟؟
>>> ب. مالفائدة من انه لما أحصل القرض السكني و أشتري أو ابني بيت واتعب عليه وااثثه والخ … اضطر إلى تركه والانتقال لمدينة أخرى ؟!!
…
اتمنى تجاااوبوني وماتبخلووون علي بالمعلووومة جعل والدي ووالديكم في الجنة … ورجائي للاشخاص اللي ماراح يردوون بجدية أو بيردوون بسخرية أن يوفرووا إجابتهم وخفة دمهم لنفسهم …
مثل ماقال اللي قبلي
اغلب دوامك بيكون في الرياض
ممكن يرسلوك الى مكان ثاني وبتكون في الغالب من اسبوع الى شهر
وعدد المرات اللي بتنرسل فيها قليل يعني ممكن مرة في السنة
وكمثال: الوالد 30 سنة في ارامكو وماتغير مكان عمله
الا مثل ماقلتلك على الكورسات اللي في العادة اسبوع ويكون مرة او مرتين في السنة بس
محترف 27 الوالد مهندس أو لا ؟؟ لانه اذا مو مهندس فمعروف انه ماراح يتنقل ابداا الا للكورسات ان اراد
طيب ياا شباب كيف بالنسبة لبرنامج الـ pdp كيف نظامه وكذا ؟؟ سمعت عن واحد من الشباب توظف في الرياض و كان من ضمن ال pdp سنتين في راس تنورة !! والله فترة طويلة جداا … طيب في مثل هذي الحالة هل يحق له أن يختار مثلا مصفاة الرياض بدلا من راس تنورة ؟؟ يعني هل له أن يناقش ويعدل خطة تدريبه ؟؟
أذكر اني قابلت موظف جديد في أرامكو وكان وقتها pdp وقالي انا اخترت مصفاة الرياض ولا هم كانوا يبغوني ارووح مكان ثاني مااذكره الان بالضبط
زي ما قالو الشباب … الـ work location يحدد مكان عملك الدائم
طبعا فترة الـ PDP ممكن تطلع فيها اسايمنت لخارج الرياض
ودا الشي يحدده الديبارتمنت اللي انت شغال فيه
كمثال … لو اشتغلت في مصفاة الرياض
غالبا شغلك حيكون في المصفاة …ومحا تطلع خارج الرياض الا لكورسات
الكورسات مدتها من اسبوعين لاسبوعين …وتكون 3 او 4 مرات في السنة كحد اقصى
بالنسبة للـ PDP هي فترة تدريب مدتها 3 سنوات
التقييم يكون فيها كل 6 شهور … غالبا يكون التنقل فيها وارد
لانك متدرب وتحتاج تاخد اكسبيرينس … وطبعا الكلام دا يرجع للديبارتمنت
خلال الـ PDP في برنامج اسمه SAPDA مدته شهرين … يكون في الظهران
وممكن تطلع كورسات او مؤتمرات في الظهران او برا السعودية
نعم في ارامكو ،، Assignments وتعتمد على حسب الادارة ،، أحياناً تكون الاسيامينت في المكتب اللي بجنبك ،، اقصد انها في نفس الادارة …
2- أنا مثلا من الناس اللي ظروفي العائلية تحتم علي الوظيفة في الرياااض كوني أكبر أخواني …
فهل لو الله كتب لي وظيفة في أرامكو الرياض … وطٌلب مني بعد فترة أروح لأي مكان ثاني … هل يحق لي أرفض ؟؟ وايش يترتب على رفضي ؟
طبعاً أهم شيء ،، اختيارك لمكان عملك الأصلي ،، في المنطقة اللي تبيها مثلاً الرياض ،، اتفق معهم من قبل توقع العرض معهم ،، لانك بعد ما تتوظف النقل بيكون فيه صعوبة .
واللي بيترتب على رفضك للأسايمنت هو انك ما راح تتطور كثير ،، < لانها لتطويرك في مجالات معينه …
3- هل ممكن يطلب مني أن أنتقل لمنطقة نائية ؟؟ يعني مثل ماقلت لو أنا موظف في الرياض أو شخص موظف في جدة … هل ممكن يجي يوووم يطلبون منه الدوام في منيفة أو حرض أو غيرها ؟؟
هذا تعتمد على إدارتك ،، مثلاً ادارة المشاريع ،، تنقلاتهم واجد ،، فأنت اسأل من البداية عن طبيعة العمل وهل فيه تنقلات …
4- بالنسبة لبرنامج الــ PDP كيف نظامه أود لو يشرح أحدكم عنه ؟؟ وهل يشمل العمل لفترات في مناطق معينة وهل يحق لي اختيار المكان اللي ابغى اشتغل فيه ؟؟ وهل هوو موحد أم كل إدارة خطتها لحالها ؟؟ وهل يشمل دورات خارجية ؟؟
برنامج PDP هو برنامج لتطوير الموظف ، ولا توجد فروقات بينك وبين الموظف العادي إلا من ناحية التقييم لانه بيكون كل ستة أشهر ،،
بالنسبة للخطة ،، المفروض يرتبها لك السوبرفايزور ،، وتتفقون عليها ،،
الدورات الخارجية اتوقع بالنسبة للـ PDP صعبة أو نادرة جداً ،، ممكن يودونك مؤتمرات …
5- اذا كان فعلا أي مهندس يدخل أرامكو لازم يلفلف ويدووور في أماكن عمل الشركة فـــ :
>>> أ. ايش الفايدة من تحديد مكان العمل أو work location في العرض والعقد ؟؟
>>> ب. مالفائدة من انه لما أحصل القرض السكني و أشتري أو ابني بيت واتعب عليه وااثثه والخ … اضطر إلى تركه والانتقال لمدينة أخرى ؟!!
لا ،، مو كل مهندس يلفلف ،،
أغلب أسئلتك إجاباتها ×× تعتمد على الادارة اللي راح تكون فيها ،،
فنصيحة لك / لا توقع العقد إلا وأنت فاهم كل شيء عن طبيعة العمل وادارتك ،، < من المقابلة اسأل عن أي شيء …
…
،،
ردي كان بسس لانك حلفتني بالله ،، واتوقع الشباب ما قصروا في ردودهم
،،
<< امزح