السلام عليكم
اختياري للعنوان لشد الانتباه اكثر للموضوع
انا مع اي طالب انه يفتخـر بالجامعه اللي تخرج منهـآ والشهاده اللي حصل عليها بعد تعب وسهر وهذا من ابسط حقوقـــه 
ولكـــن , في الجآنب الاخر مايحق لـك تقلل من خريجين الجامعات الاخــرى مهما كان 
انا لاحظت الكثير من طلاب البترول يتباهون بصورهـ مبالغه وغرور لامتناهي يصل الى احتقار خريجي الجامعات الاخرى سواء من داخل او خارج السعوديه ّ!!!
موضوعي للنقاش الحبّي بكل ود واحترام … ارجو المشاركه بعقلانيه
بغض النظر عن الموضوع ، و لكن اخي …
ماهو الرد الذي تنتظره … هل تنتظر كلمة معك حق و لن يكون لدينا غرور … او تنتظر ، كلامك غير صحيح نحن لسنا بمغرورين
هذا الموضوع ليس له موقع في هذا القسم … كما اني لا اجد له مكان في هذا المنتدى و خارجه
انا شخصيا اقلل من قيمة الجامعات نفسها اما خريجيها فلا
اعرف واحد بجامعة طيبة هندسة كهربائية يقول عندنا دكتور يحلف انه ماحد راح ينجح عنده الترم هذا !!!!!!
كلمة مثل هذي لايمكن تسمعها بالبترول
ايضا سألت دكتور مصري وانا بالكلاس عن سبب كثافة مناهج الكورسات بالجامعة، قال لأنها جامعة محترمة وتعرف اهمية الطالب، ويقول الدكتور انا درست بجامعات بامريكا والامارات ومصر، مثل الجامعة هذي ماشفت
المواقف اللي فوق بس عشان ابرر بشيء بسيط للشباب وغرورهم بالجامعة ، هو خطأ غرورهم لكن هذي اسباب بسيطة ممكن تحمسهم بانهم يغترون شوي
وكلامك ع عيني وراسي
مهوب حنا الي نحكم على انفسنا
الي يحكم سوق العمل
محد احتقر احد
طلاب البترول لمعوا بنجاحاتهم ولفتوا الانظار باحترافيتهم واستحقوا الاشادة
الي يحس بالنقص هذا شي راجع له مالنا أي علاقه فيه
وبعدين حنا ما مدحنا انفسنا رح واسأل عن طلاب البترول في سوق العمل
بصراحه انا اشوف ان هذي المواضيع غير هادفه وللاسف بدت تكثر
ياخي اذا انت كفو اثبت نفسك ولا تلوم طلاب البترول
اتمنى من المشرفين يشوفون حل مع مثل هالمواضيع الي ما تقدم ولا تاخر. انتهى
طيب انت وين لاحظت هشئ… في العمل او في المنتدى
البيئة والضغط الي يمر فيه طالب البترول ماتمر على اي طالب من أي جامعة أخرى
أتمنى إغلاق مثل هالمواضيع لأن تعتبر كحوار بيزنطي بغض النظر عن النتيجة!
أول شغلة في الموضوع انك اتهمت طلاب البترول بهالشي
وجعلته كأنه مسلمة وتريدنا ان نناقشك فيه
شئ اخر الرأي لا يمكن اثباته سواء بالايجاب او السلب فهو في النهاية رأيك ليس إلا.
فمثلا انت ربما ترى طالب البترول مغرور اذا قال ان جامعتنا افضل جامعة في المملكة وتتفوق على جامعات خارج المملكة ايضا ولكنه يرى انه على حق ويثبت ذلك بالاحصائيات.
ماتراه غرور ربما لايراه حتى طلاب الجامعات الاخرى بانه غرور
وفي النهاية طبيعة الناس انهم بيمدحوا اللي عندهم يعني روح اسأل طالبين مع بعض من تخصصين مختلفين عن تخصصاتهم وشوف المناظرة اللي بتحصل وكل واحد عنده انه تخصصه افضل فهل هو غرور؟
انا لاحظت الكثير من طلاب البترول يتباهون بصورهـ مبالغه وغرور لامتناهي يصل الى احتقار خريجي الجامعات الاخرى سواء من داخل او خارج السعوديه ّ!!!
وهم الله يعافيك انتم على العين والرأس زيكم زي أي خريج من جامعة سواء كانت داخل المملكة أو خارجها.
أما بالنسبة للشركات فهي تفضل خريج البترول على غيره لأن مستواه العلمي والتحصيلي أفضل من الجامعات الأخرى وهذي حقيقة ماتزعل.
تقبل مروري 
على المستوى المحلي جامعة البترول الافضل و الكل يشهد في هالشي …
لكن الابتعاث نسف تاريخكم للأسف …
أحترم خريجي البترول المثقفين في تخصصهم …
كنت اعلم ان الموضوع سوف يأخذ منحنى اخر … لهذا كان ردي في البداية انه لا مكان للموضوع هنا
عموما قد تم نسفنا من المبتعثين …
الآن ليغلق الموضوع و نحن موافقون بأن نكون منسوفين
في قلة أدب غير طبيعيه عند البعض
ياغـريب خلك أديب
للاسف ردك يوضح صغر عقلك, اتمنى ما تكون مبتعث؟ لانه لو كنت مبتعث ومازالت ثقافتك بهالشكل, انا اشوف ان المال الي اندفع في تعليمك مضيعه
I rest My case
شفيكم زعلتوا شباب؟
انا هالشي شفته من واقع خبره في التقديم على الشركات …
صحيح ان مو كل جامعات امريكا ممتازه … لكن حاليا يظل خريج امريكا له ثقله بالمقام الاول
(بعد النظر على مستوى فهمه لتخصصه و سمعه الجامعه طبعا) …
لا تأخذكم الحميه على جامعتكم … البترول لها وزنها و الكل يشهد لكن الان وقت شمر عن ذراعك يالحبيب
مسمى الجامعه لحاله ما عاد يكفي …
وش شفت من واقع الخبره ؟؟
ياليت تقدم إحصائيات او أي مصدر رسمي واللي يسمعك يقول موظف hr له 20 سنه.
تعلم كيف تتكلم وتناقش وتقدم مصادرك في نفس الوقت بعدين نناقشك بدون زعل ( على المدعي البينه) .
طلاب البترول مايزعلون من النقاش لكن اذا شافوا شخص يناقش كأنه طالب ثانوي مايعرف مبادئ النقاش هذا اسمه وقت ضايع. وانتبه لا يجيك واحد ماسكه فاينلزم يحط حرته فيك.
تحياتي
طلاب الابتعاث الشركات الكبيره تخاف منهم
الأغلب وليس الكل ماتدري وشهو عليه هناك !!
وعلى اي اساس قلت نسف وذا الكلام !!
قلي كم عدد الطلاب الذين ضمتهم ارامكو وسابك وهم لايزالون يدرسون ووقتها تعرف الفروقات واش طلب الشركات !
هذه احصائية تختصر كلام كثير
ياخوي ترى كلامك جدا غلط والشركات الضعيفة هي التي تقبل على الطلاب المتخرجين من الجامعات الامريكية
وترى نادرا الطلاب الي في امريكا يتخرجوا من جامعات مرموقة واسمحلي بالنسبة لكلمتك لمن قلت اسم الجامعة ما عاد ينفعكم انت كأنك تقصد بهالكلام ان الجامعة بس سمعة ولا خريجينها فاشلين كلامك جدا غلط وينك عن احصائية ارامكو لمن اجرتها بين طلاب البترول وطلاب الجامعات المحلية الاخرى وطلاب امريكا
تبين في النهاية ان طالب البترول اكثر فعالية من بينهم
ثاني شيء ترى الواحد لمن ينتقد ينتقد الجامعة ما ينتقد طلابها انا اقصد الجامعات الاخرى يعني صراحة نواجه ضغوط ما لا اظن بل اكاد اجزم ان اجد مثل هذه الضغوط في الجامعات الاخرى وترى لمن اقول هذا الكلام ما اقوله على اساس انه غرور لا بل اقوله كرأي وصراحة هالكلام طلاب الجامعات الاخرى هم قالوها بنفسهم ما جينا واتهمناهم قالوا دراسة جامعتنا فاشلة وانا بتخرج من الجامعة بمعدل لاني داري مو راح استفيد منها ولا بشيء الا المعدل
هذا الكلام من وجهة نظري
هذا ردي الثاني اذا الرد الاول مو كافي وبالارقام
وهذا الرد للمقارنة بين جامعة البترول وبين جامعات الابتعاث
وراح اترك الصور تتكلم اولا
هذا مثال لطالبين من البترول التحقو ببرنامج الاكستجينج الترم الماضي لجامعة mit الغنية عن التعريف
وحصلو على معدل اعلى من معدلاتهم في البترول وعلى كلامهم ان الدراسة هناك اسهل مئة مرة من البترول