حابب اتكلم عن مسابقة ستاند اب كوميدي اللي صارت االيوم و ما شاء الله كان في حضور غفير الله يعطيهم العافية
راح ادخل في صلب الموضوع مباشرة و في عندي بعض الملاحظات
اولا بتكلم عن الشباب اللي شاركوا في المسابقة الله يعطيهم العافية ومبروك للي فازوا وهارد لك للي ماحالفهم الحظ
اخواني الشباب لكي تكون مضحكا لا يلزمك انك تنزل بمستوى كلامك الى درجة للاسف اخلاقنا ولا دينا يسمح فيها , صارت بعض الحركات و الكلمات من الشباب اللي مالها اي داعي يعني واللي حضروا شافوا الكلام هذا و حط في بالك ان لكل مقام مقال و حتى لو حنا جايين ننبسط ما عليش بس احترم الذوق العام و مو لازم ندخل في امور " دون المستوى " عشان اجي على جو الشباب و اللكل يصفق لي وافوز , المسرح هو نافذة لك لتوصل رسالة هادفه و مفيده بأي طريقة تشاء
ثانيا الحضور , يا شباب كلنا رجال و متعلمين و محترمين ان شاء الله قبل كل شي يعني انت جاي متفرج تحضر المسابقة و اذا عجبك الاداء من حقك تصفق و تشجع ولو ما عجبك من حقك لا تبدي اي اعجاب ولكن ليس من حقك ابدا انك تنزل من قيمة الشخص اللي قدامك وتتهزا عليه بكلمات و حركات " صبيانية " للاسف صارت اكثر من حركة اليوم ابدا مو حلوة وبخصوص الشباب اللي يقطعون المتسابق ويقوولون له يلا امشي يا اخي هذا وقته من المسابقه و هذا حقه انت مالك حق تطلبه يقطع العرض حتى لو ماعجبك اطلع برا الى ان تنتهي فقرته و ارجع ياخي لازم تكون عندنا ثقافة الاحترام احنا ان شاء الله كلنا محترمين لكن يا أخوان لازم نظهر هذا الاحترام بالطريقه السليمة
واسف على الاطالة و اسمحوا لي لو خانني التعبير بس هذا مما كان في حعبتي و شكرا جزيلا .
أنا حظرت بصراحة ساءني القلة الأدب من بعض المشاركين وقلة الأدب من بعض الصغار في الجمهور وزي ما قلت موب لازم علشان تضحك الناس تصير قليل أدب هذا هو الي فاز بالأول ما شاء الله عليه ما قل أدبه وفاز
ما حضرت
لكن الستاند اب كوميدي على مستوى عالمي يكون فيه نزول دون المستوى
الكوميديان العربي له حدود وهذه الحدود تضعف اداءه
دينيا وكثقافه مجمتع هي غير لائقه
لكن الجمهور عاوز كدا !
احنا كشباب اذا جلسنا وطقطقنا على بعض لو فيه تسجيل وقيمنا الكلام بيطلع الكلام اغلبه غير لائق
الكلام هذا ماهو تعميم لكن هذا هو الحاصل بين الفئه الاكبر من الشباب وما اقول انه شي جيد لكن هذا الحاصل !
الآن نتابع الستاند اب الغربي ونص كلامهم عن الـ sex وكل جملة فيها الـ F word ومستانسين وما نقول شيء لكن مانتقبلها من ابناء جلدتنا
فيه تناقض عجيب لكن الشكوى لله !
هذه وجهة نظر ومتأكد ان الكثير بيختلف معي واقدر وجهات نظرهم
للشباب اللي كانوا يصيحون ولا خلوا المشترك الاخير يكمل جمية واحدة اقولهم عيييب والله اللي سويتوه !! والله هذي مو افعال طلاب جامعة اقسم بالله ،، حركات صبيانية وكلمة صبيانية لمجرد الذوق العام واحترام المتابعين هنا الرجال يصوره واحد يمكن يبغي يخلي اهله يشوفون تقديمه ، يمكن دعا اخوه او ابوه يجي يشوفه !! مو من حقك تصارخ وتطرده بصوتك هذا وقته اذا ما عجبك تفضل برا القاعة لمدة ١٥ دقيقة ثم ارجع ثاني !! ياريت ياريت ياريت نادي المسرح المرات القادمة يحطون على قول خوينا لجنة لمراقبة التصرفات الصبيانية وللاواعية من بعض الجمهور
بالنسبة للمركز الأول محد يختلف عليه
الثاني جيد
الثالث: أنا أرى أنه تم إعطاءه المركز الثالث “لجبر خاطره” بعد المهزلة اللي سواها والمهزلة اللي صارت فيه.
عموما يستاهل أحمد الراقي الفوز وبجدارة, إنسان موهوب ودمه خفيف بالفطرة ماهو يستظرف.
)
