لي أسبوع وانا في هالحالة والمشكلة ما جت الا باخر السمستر
أمس كله كنت ناويه مذاكرة مادة قبل الفاينلات طبعا سحبت على الدوام وابي اذاكر ابي اذاكر ما قدرت
من امسك الكتاب نفسي تنسد وادور الف عذر عشان ارميه ! والله حالتي غريبه لي في الجامعة 4 سنوات اول مره امر في هالحالة
ساعدوني تكفون
تخيلو اليوم قايم من الساعة 9 الصبح عشان اذاكر وجالس ما قدامي غير الكتب يمكن 3 ساعات ما ذاكرت! شوي اقعد افكر وشوي احسب الايام لين الاجازه وشوي افكر في خطتي وشوي افكر في السمر تريننق !
ومن بعد الظهر الى الان جالس على اللابتوب على اساس بذاكر مادة معينة (نوتها على اللابتوب) وما قدرت كل شوي ادور لي عذر ابعد عن النوته مره افتح يوتيوب مره فيسبوك
اول مره احس اني بليد الى هالدرجة عرفتوا يا جماعة احساس الشرود والبلادة انا قاعد امر فيه الحين
ابي اذاكر ابي استعد
مع العلم منزل 17 ساعة وموادي كلها ثقيلة وفاينلاتي ورا بعض ولا عندي وقت ابد ومع ذلك ساحب مدري وش فيني
تجيني ضيقة صدر لما افكر حتى بالمذاكر
وش اسوي انصحنوي شجعوني الله يوفقكم حمسوني تكفون يا شباب
أنا الآن أمر بنفس حالتك و أشوف أن الحل المناسب اولا رح توضى وصل ركعتين تدعي فيها ربك بكل اخلاص انه يساعدك ويزيل هذا الهم منك وثانيا أنك تبتعد عن المكان اللي تجلس فيه وتروح نذاكر في المكتبة أو اي مكان ثاني ما فيه أي ملهيات وشرط يكون غير عن مكان المذاكرة اللي تذاكر فيه دائما.
شف يالغالي إضافة لما قاله الأخ عبود ، خذ لك بريك أبو ساعة أو ساعتين على البحر لحالك أو على الكثير معك شخص واحد تمون عليه بقوة ، خذلك شاهي أو كفي أو كرك أو أي شيء و تمش لحالك و هوجس ههههههه ، صدقني بترتاح نفسياً شوي ، و أهم شيء إبعد أي شيء تقني عنك ، الجوال و اللاب خلها بالغرفة و عط أهلك خبر قبلها عشان إذا دقوا وما رديت ما ينشغلون عليك ، مذاكرة المسجد أحسها أفضل مذاكرة … فكر بالقريد و إنك لازم تشد حيلك عشان يرتفع المعدل زود … لا تقول بعد شوي بأبدأ ، الحين إرم اللاب أو الجوال ، وقم ذاكر
اول شي تعوذ من بليس
ثانيًا :انصحك تسوي مثلي
ارم كل الاجهزة الحديثة على جنب
ورح اطبع النوت ولا خذ معك الكتاب واطلع الجبل واقعد لك باحد الكلاسات او المكتبة اهم شي تطلع من الغرفة
بالتوفيق
إذا مرة مرة متضايق من المذاكرة خذ لك يومين اووف سو فيها اللي تبي بعدين عد إلى المذاكرة مرة أخرى وذا عدت فعد بهدوء يعني شوي شوي يعني على قولتنا لا تضرب بالثقيل ابدأ بأسهل واحب مادة إلى قلبك
كلام ميسي10 سليم والشباب كلهم ما قصروا عموما ما اقدر اعرف شخصيتك من ورا الشاشه عشان اعطيك جواب دقيق لذلك راح افترض ان الحلول التالية تمشي معك لاني طبقتها هذا الترم ونجحت معي.
- دايما تكون عندي ورقتين لما اذاكر. ورقة اسجل فيها اي فكرة ممكن تشرد بذهني بعيد عشان ما انساها وما استمر بالتفكير فيها. واذا خلصت مذاكرة او شغل ، احلل الافكار وابلورها قبل ما انام ورقة ثانية اسجل فيها البروقرس. عشان احس بقيمة الوقت وبنفس الوقت احس بطعم الانجاز. وفيه فايده ايضا انك تعرف كم الوقت اللي يكفيك لمذاكرة وحدة من السلايدات او انجاز مهمة
- اذا شفت ان المذاكرة على الكمبيوتر تشتتك، ابتعد فوراً. الشغل كثير والوقت قليل. اطبع الاوراق حتى لو كانت كثيرة وذاكر بمكان بعيداً عن تشتييت الانترنت. مو لازم تطبع كل الاوراق، لو تطبع اول و ثاني مجموعة سلايدات كافي مبدئياً وبعد ما تنجزها يكون الاحساس بالمسؤولية ارتفع عندك وتقدر ترجع تذاكر على الكمبيوتر. اذا استمر التشتيت معك لما ترجع تذاكر على اللابتوب، اعد الخطوة 2.
ختاماً، اكثر شي يحفزني لما اتذكر اني تغربت عن اهلي عشان اجيب شهادة افرح فيها اهلي وانهم يظنون فيني الجد والاجتهاد وما احب اخيب ظنهم فيني.
الله يوفقك يا رب ويسهل عليك المواد ويجعل الترم هذا ذكرى جميلة لك في مشوارك التعليمي.
ما شاء الله
نصائح ثمينة جدا
وأزيد شيئاً: استحضر نية عظيمةلا الدرجة فقط ولا الوظيفة فقط
بل وجه الله سبحانه مثلا:
علم هذه المسألة نوع أمانة
وحفظها يحبه الله
أو
العلم يزيد تعظيمي لله وخلقه
أو
قد يحتاج المسلمون علمي في يوم كريهة أقر به مواليك العيونا
إلخ صدقنيالنية لها أكبر الأثر في القلب وبالتالي في الجوارح
الحاله اللي تمر فيها ، انا مريت فيها وكثير من الطلاب في أي كورس يهملوا فيه طول السمستر
اسم الحالة هروب من الواقع ، تحس بضيقة ، ماودك تذاكر ، يكثر نومك ، تدور أي عذر عشان تشرد من المذاكرة ، لأن عقلك الباطن مقتنع
انك مخربها طول السمستر ، فمافي امل تفهم المنهج هذا كله في الوقت اللي قبل الاختبارات
وتتذكر المحاضرات اللي كنت تحضرها ومانت فاهم منها شي وتحسها صعبه
الحل /
اتذكّر ، ان الوقت ما راح ينتظرك لين تصير في المود ، الاختبار في يوم محدّد وبتاريخ محدد
وفي كل ساعة الوقت قاعد يقل باتجاه الاختبار ، ابدا ، في البداية راح تذاكر بتثاقل
وصعوبة ، سوّي بريكات كثير ، كل سكشن أو عدد معين من السلايدات
شيّك موقع تحبّه ابو ربع ساعة ثم ارجع ، كافئ نفسك مثل ما ذكر واحد من الشباب
نهاية اليوم بأكل تحبّه ، فلم ، اليوم الثاني راح تنطلق ان شاء الله بضعف سرعة الأمس
حتى وان استمريت بنفس السرعة ، لا زال … شيئ أفضل من لاشيئ
درس للمستقبل :
الكورس اللي تهمله الى وقت الاختبارات النهائية بيصير سبب همّك، وزّع دراستك بشكل أسبوعي
أو كل أسبوعين ، أكبر كورسات الجامعة عدد محاضراتها الأسبوعية هي 3 محاضرات
ساعة لكل منها
يعني في 3 ساعات الدكتور يخلّص لك تشابتر ، انت تقدر تخلّصه قول في 6 ساعات في يوم واحد.
الأسبوع فيه 7 أيام ، 3 أيام منها خصّصها لاكبر 3 مواد عندك ، والبقية ذاكرها قبل المياجر
يبقى لك 4 ايام في الاسبوع ، قمة الفراغ ، راح تجي فترة المياجر والاختبارات النهائية
بتحس بفراغ كبير وراحة وتمكّن ، ويمكن الليله اللي قبل الاختبار تطلع تسهر فيها
بعكس غيرك اللي ما ذاكر.
(تجربة شخصية)
وانت كذلك حاول ان تغير وتبتكر لك طريقتك الخاصة في المذاكرة توافق شخصيتك
وحط ببالك هالشي حتى تساعد ع إزالة هذا الهم :
" أن هذه المواد والمذاكرة إذا بذلت وتعبت فيها الآن , بعد الفاينلات خلاص ماراح ترجع لها نهائياً
يعني اتعب الآن والاجازة مابعد الفاينلات راح تستمتع مرتين … مرة للإجازة ومرة لنتيجة تعبك "
الأفكار ولخطط هذه اللي تمر عليك لاحق عليها … ركز فقط بهذا الوقت " القصير " على الهدف الحالي
باختصار حاول تتعامل مع عقلك الباطن بطرقة ذكية … وابعد عن نفسك الأفكار المشتته والمحطمه
يعني شوي شوي يعني على قولتنا لا تضرب بالثقيل 
