السلام عليكم
اليوم صاحبي صابه حادث عند اشارة مبنى السنه التحضيريه واللي صدمه هرب
السياره اللي هربت مكسيما موديل بين 2000 - 2006
الضربه على اليمين في الخلف " سيارت الهارب "
اللون قريب الى الابيض او الرصاصي
اللي يشوف سيارة تنطبق عليها هذي المواصفات يرسل لي رقم اللوحه وموقع السياره على الخاص
وشكرا
يا رجال واحد بالجامعة قبل سنة انصدم وتسدّح بالشارع واللي صدمه هج …
فـ الحمد لله انه بالحديد ولا تأذّى خويك …
الله يعينكم وتلقونه ان شاء الله …
لو انا مكانك لا اروح للأدارة الامن و السلامة و أجيب راسه منهم
روح للأمن يجيبوه
مالك إلا الأمن و الحمد لله على سلامتك
اذا هو مطلع ستكر من الجامعه يجيبونه الامن بالراحه (كم فيه ماكسيما بهل مواصفات بالجامعه؟)
والله دامه هرب أتوقع ما عنده رخصة فالإحتمال الأكبر ما عنده تصريح , لكن كلم الأمن يعممون على مواصفات السيارة ما تدري يمكن يداوم فيها مرة ثانية.
يعطيكم العافية شباب ومشكورين ما قصرتوا
وبكره إن شاء الله نكلم الأمن
مدامه هرب احتمال كبير انه مو من الجامعة
بس لو مكلم الأمن من بعد ما صدمه كان في حل انهم يتحرونه عند البوابات و هو طالع و يقفطونه
المفروض انك كلمت الامن بموقع الحادث قبل تحرك سيارتك
الضربة في الرفرف أو الباب الأيمن الخلفي ولا في الصدام ؟
في الرفرف الخلفي يا أخوي أحمد
بشرنا واعلمنا بالجديد معاك الين تمسكوه
تبا له 
اما ما قدر يلحقه الحزام كله مطبات
والله ناس رمم
قبل كم يوم وانا رايح الدوام لقيت حككه جامده في السياره 
الحمد لله على سلامة خويك
يارجال ريح بالك وقل الحمد لله
انا سيارتي انصدمت ثلاث مرات في المواقف اللي عند الامن
ورحت للامن ولا استفدت شي
الا مره وحده جابو اللي صدم سيارتي وانكر وتقفلت السالفه
وسع صدرك
السلام عليكم
الله يعنيك وياجرك وسع صدرك يارجال فالمال ولا الحال والامور تبلى بأكبر من كذا
نفس الموقف صار لواحد حكة ونيت فضي وانحاش الرجال جا عندي انا ونيتي فضي نفس الكلام
وقال انا حكني بالحزام نفس ونيتك ومشبه عليك المهم نفيت علاقتي بهالموضوع بأسلوب واضح
فيه صدقي وقلتله ترى في ونيت فضي يوقف بالمواقف الفلانية قد يكون هو … ,بلغ الامن وطلب مني اجي معاه
يوم وصلنا فعلا لقينا ونيته محكوك الباب اليمين + عليه صبغ ابيض
طلع الامن بياناته وتم الاتصال فيه ولما حضر جحد الرجال وايمان واحلاف واتلاف على الرغم ان السالفة واضحة
مثل عين الشمس الرجال وكل امره لله ولاحول ولا قوة إلا بالله