السلام عليكم
جاني اتصال من الحرس الوطني وبالتحديد (سلاح الاشاره ) وحددوا معي مقابله شخصيه الاسبوع الجاي
حبيت آخذ بعض النصايح منكم وكذلك بعض من المعلومات عن هالقسم … علماً بأني مهندس كهربائي
وللحين متردد اروح لهم والا الغي المقابله 
ويعطيكم العافيه
عسكري ولا مدني؟
سلاح الاشاره للضباط ضعيفة رواتبه مقارنة بالشؤون الفنية والشؤون الصحية
عمومًا هم يفضلون تخصص اتصالات على الباور فيه اذا عسكري ماانصحك فيه شوف الشؤون الفنية افضل من ناحية الدورات والخبرة
ما عطوني اي معلومه غير موعد المقابله والقسم اللي بيسوون المقابله
عموما الله يكتب اللي فيه الخير … وما قصرت اخوي يعطيك العافيه
لا تلغي المقابله , بالعكس روح وسوها ,بكل ثقه وبرووود , وإسألهم هناك عن العمل والراتب والتطوير , وان أعجبتك توكل ع الله
أنا واحد من أخوي هندسة كيميائية معدله قوي ودخل الحرس الوطني مرتاح ورواتب جامدة وفيه دورات وكورسات وسفر بر للدورات
الراتب كله بدلات , مجرد انك مهندس يعطونك بدل 35% ( اظنهم رفعوه الان الى 45% ) …
عالعموم يا كاتب الموضوع , حط ببالك لو تتقاعد يكون راتبك راتب أي ضابط اخر لكن ترقيات المهندسين عادة تكون اسرع شوي …
بعد القبول تدخل دورة ناسي كم شهر بالضبط لكن أقل من سنة وتتخرج ملازم أول , والكورسات والسفر الخارجي يعتمد على قسمك يسمونها انتداب .
كيف الواحد يقدم عليها شباب 
تعلن الشؤون الصحية بالحرس الوطني عن بدء القبول لدورة الضباط الجامعيين لأصحاب التخصصات التالية:
( طب عام - طب أسنان - صيدلة - حاسب ألي - علاج تنفسي - علم نفس - علم اجتماع/خدمة اجتماعية - هندسة أجهزة طبية - تغذية أكلينيكية - تمريض )
على أن تتوفر بالمتقدم الشروط التالية:
أن يكون حاصلاً على الشهادة الجامعية بالانتظام الكلي , وأن لا يقل معدل التخرج عن 3.5 فما فوق , ألا يكون قد مضى على تخرجه أكثر من عام دراسي , أن يجيد اللغة الإنجليزية إجادة تامة تحدثاً وكتابة.
وللتقديم يجب تعبئة النموذج المتوفر على هذا الرابط: http://www.kkmar.gov.sa
علماً بأن التسجيل في الموقع يبدأ يوم الأربعاء 19 رجب 1434هـ الموافق 28 مايو 2013م وينتهي يوم الأربعاء 26 رجب 1434هـ الموافق 4 يونيو 2013م
أم الدورة العسكرية تختلف عن الشؤون الصحية على ماأعتقد أنه فاتت
التقدير جيد
2-لايتجاوز عمره 27 سنه
3-مايحتاج انجليزي
دق علي اليوم مره ثانيه وسالته عن الوظيفه
باختصار … اذا نجحت بالمقابله راح ادخل دوره عسكريه لمدة 6 شهور , بعدها اتعين ملازم اول مهندس بأقدمية سنه
سألته عن الفرق بينهم وبين الشؤون الفنيه , قال حنا قسم مختلف ومستقل عنهم لاننا عسكريين وهم اغلبهم مدنيين
على العموم , يعطيكم العافيه على آراءكم وحبيت اشارككم المعلومات اللي حصلت عليها منهم
بالعكس الشؤون الفنية كلهم عسكريين وبإمكانك التأكد في مبناهم اللي بالرياض كلهم عمداء وعقداء
على العموم الدورة مدتها 9 شهور ولا فيها اثر رجعي من بداية الدورة فقط مكافأة طالب تاخذها وانت بالدورة
45 يوم ماتطلع بالبداية وبعدها تطلع خميس وجمعة
اقدمية السنة تحسب لك في التقاعد والترقية لكن في الراتب انت تتعين ملازم اول الدرجة الاولى اساسي الراتب 8850 ريال تقريبا تزيد او تنقص
وللمعلومية اجراءتهم طويييييلة بعد المقابلة تروح تسوي كشف طبي شااااامل
بعدها تسوي اختبار لياقة
بعدها تنتظر وتنتظر النتائج ماتطلع الا آخر رمضان وبعد العيد تبدأ الدورة
اللي يتقدمون بالآلاف واللي يدخلون الدورة من كل التخصصات الهندسية والطبية والنظرية مايتجاوزون 60 طالب
بالنهاية تعتبر نفسك محظووووظ جدا اذا قبلوك وتخرجت ضابط بغض النظر عن الحوافز والمميزات
تأمين الحرس الصحي الافضل اطلاقا
تذاكر سفر مخفضة لك وللعائلة
تملك منزل خصوصا بعد مشروع الاسكان الاخير بالرياض ماراح تنتظر كثير
هذا كل اللي عندي بالتوفيق
ممكن تقلي كم الراتب للخريج الجديد في سلاح الاشارة وفي الشؤون الفنيه
والله يعطيك العافيه
بالتوفيق يا مجموعة إنسان … وعسى الله يكتب لك اللي فيه الخير… .
همسة: تذكر (خرفوش) مطعم النخيل…
رواتب المهندسين في الشؤون الصحية حول 14 الف
رواتب المهندسين في الشؤون الفنية حول 13 ألف
طبعا هذا من غير الاوفر تايم
اقل رواتب في الحرس انوقع سلاح الاشاره حول 12 الف
والله اعلم