السلم عليكم
جاني عرض من ارامكو -العثمانيه -غاز اوبريشن
كيف الوضع هناك ؟ الحسا قريبه من هناك ؟ اذا لا وش اقرب مدينه ؟
العرض ما جا فيه الا البيسك و بدل السكن و 0.6 بدل اجازات
هل فيه بدلات غير هذي؟
مسؤول التوظيف يقول فيه بدل ريموتد ايرييا 0.3 , كلامه صح ولا ؟
-----
اذا رفضت العرض لان المكان ما ناسبني , هل فيها مشكلة ؟
بيجيني عرض غيره اذا رفضت ولاخلاص انتهينا ؟
اذا بيجيني عرض غيره هل ممكن يكون في ديبارتمنت ثاني غير الغاز اوبريشن مثل الريفاينري ؟
ومشكورين مقدماً 
في شي ثاني
وش يعني مهندس رابع؟؟ >> هذا المسمى الوظيفي
ما افتيك في امور التوظيف
لكن بالنسبه للعرض باقي راتب شهر رمضان وراتبنهاية السنه بحيث يكون مجموع الرواتب في السته 17.6
والرفض اتوقع ممكن ترفض المكان ويجيك عرض غيره لو مكانك ما وافقت
^^
يعطيك العافيه
المشكله اخاف يجيني عرض ثاني بس يكون بنفس الديبارتمنت " الغاز اوبريشن "
مشكلة هالديبارتمنت كل اماكنهم ما تناسبني
شدقم , العضيليه , العثمانيه , عين دار , حرض , شيبه , الخرسانيه , خريص
بس ليش ما تبي توافق ؟
عندي استفسار … أخوي أنا سويت معهم مقابلة بيوم المهنة بالبترول مع الغز اوبريشن مع المهندس عبد الله
الشمري على ما اعتقد … وقابلني بعد المقابلة وقالي امورك تمام … بعدها كلموني الموارد البشرية قبل اسبوع …
يشيكون على بياناتي وقالي موظف الموارد لك توصية مبدئية من الغاز اوبريشن وراح يكلمونك الشباب الاسبوع
القادم والى الان ما كلمني أحد *ـ* … هل صار لك مثل وضعي ؟؟
تقريبا نفس الشي
انا سويت المقابله في يوم المهنه برضوه
بعد ماخلصت المقابله طلع معي واحد من اللي سوو معي المقابله>> مدري وش اسمه
رحنا للكاونتر حقهم وقالهم ابغاه
وامس جاني تلفون ان عندهم عرض لي
العثمانيه والعضيلية قريبين جدا من الاحساء.
أول ما تمسك طريق الرياض (حي السلمانية) يبي لك 20 الى 25 دقيقه بالكثير, هم بعد مطار الأحساء بشوي.
أغلب أو كل الموظفين هناك ساكنين في الاحساء بدون أي مشاكل, والمشوار ما يعتبر طويل الا اذا فيه احد ساكن في مكان بعيييد, يعني حط عليه المشوار داخل البلد لين ما يوصل لطريق الرياض
شباب كم معدلاتكم و شنو تخصصاتكم
لان انا قدمت على ارمكو و معدلي 3/4 و كلا يقولي ما في وظايف
و الحين تقولون سويتوا مقابلات مع ارمكو
اي مهندس جديد في ارامكو يكون المسمى الوظيفي حقه مهندس رابع
ثاني شي بالنسبه للمكان … اذا انت مو من سكان الاحساء ما احسه مناسب لك
ليش تعقد في العثمانيه … رواتبهاا زي المناطق الثانيه تققريبا مع زياده بسيطه
يقولك المثل ( اذا اكلت بصل كثر ) . يعني لو اني بعيش في منطقه نائيه احسن لي اروح خريص ( اقرب للرياض) او حرض ( بدلاتها قويه )
ممكن ترفض عرض و يجيك غيره عادي
الا لو كان معدلك مو مره
انا لو مكانك و معدلي فوق 2.75 ما راح اقبل العرض
الا لو انت رجال تبي ارامكو و تخاف ما يعطونك عرض غيره الشكوى لله اقبل العرض
انت اللي علمنا وش تخصصك؟ و اي جامعه ؟
اعرف واحد مهندس كهربائي ولسى طالب جاه عرض من ارامكو 3 مرات
المرة الاولى جازان ورفضه
وكلموه الموره الثانية بالشرقية ورفضه
سالوه ليش ماتبي ارامكو قال ابي الرياض المكان الفلاني
كلموه المرة الثالثه وقالو تم تعيينك بالرياض
ووقع معهم ccp
انا بتخرج من جامعتنا ( kfupm )
و تخصصي هندسة كيميائية
و المعدل كما ذكرت
ايه بس الي تتكلم عنه يابوسعيد معدله فوق 3.5 ماشاء الله 
اممم كلامك صحيح وعلى الجرح
بس اخاف ارفض ويجيني عرض ثاني لكن في مكان اسوأ بما ان الخيارات محصورة في الغاز اوبريشن زي ما قيل لي وابغا اتأكد منه >> الحسا ممكن اقدر اعيش فيها 
حد ما الاقي عرض من شركة ثانيه في مكان انسب
والمعدل حول الـ2.6 والوضع ينخاف منه
يعطيك الغافيه عالرد
شوف شدقم و العضيليه و العثمانيه قريبين من بعض
ممكن تسكن بالاحساء ( محافظه فيها كل الخدمات )
او احسن تسكن داخل ارامكو ( اذا في العضيليه ما يروح بدل السكن اللي هو 3 رواتب )
احسن لك اسكن في كامب ارامكو ( 500 ريال شهريا ) تكون قريب من الدوام
شي غريب والله
طيب قدم على سابك و صداره
يارجال لو انا مكانك اوقع ونا مغمض
غيرك معدلاتهم اعلى منك ولا حصلو وظايف للحين
^^
+1
في شباب اعرفهم تخصصهم هندسة بترول و معدلاتهم فوق الـ3 و لا جاهم رد
عارف ان مسألة الرفض تعتبر مخاطرة وبما ان عندي عرض ثاني من بيترو رابغ فودي اخاطر
انا من جيزان وابي ريفاينري جيزان
بس ربي ما كتبلي اسوي مقابله مع الديبارتمنت حقهم لانهم ما كانوا موجودين يوم الاب ستريم
وطبيت في الغاز اوبريشن
السؤال هو >> عشان اعرف هل اخاطر ولا لا
اذا رفضت بيجيني عرض اخر من ديبارتمنت الريفاينريز ؟ ولا بتكون محصوره فقط في الغاز اوبريشن؟
ويا ليت احد يجاوبني على باقي الاسئله
هل فيه بدلات غير هذي؟
مسؤول التوظيف يقول فيه بدل ريموتد ايرييا 0.3 , كلامه صح ولا ؟اذا بيجيني عرض غيره هل ممكن يكون في ديبارتمنت ثاني غير الغاز اوبريشن مثل الريفاينري ؟
يعطيكم الف عافيه يا شباب ويرزقكم اللي تتمنونه
قدمت و الى يومك ما في رد فقط صدارة اتصلوا يسألوني عن معلومات الثانوية