السلام عليكم ورحمة الله وبركاته … زي مو مبين في الموضوع ابي احد يطمني على المعدل والله ارتفع ضغطي وانا احاول ارفعه
انا في اول فصل في الفرشمن اخذت الثلاثي معه بي اي واسلامي واخذت معدل 2.117
وهذا ثاني سمستر لي اخذت فيه ماث وكيمياء وعربي وانجليزي وبي اي وخذت فيه 2.196
والتراكمي 2.155 والله اني خايف معدلي ما يرتفع فا ياليت واحد يطمني
مع العلم اني ما راح اخذ صيفي وراح اخذ في الترم الاول فيزياء 102 و ics 103 واسلامي وعربي وماث 201
طمنوني بعد عن العربي هل هو زي 101 صعب ولا سهل تجيب فيه قريد
الله يوفقك ويعينك , وإن شاء الله نسمع بخبر المعدل من 2.1 الى 3.1
والله وأنا أخوك من رأيي إنك ما تضيع الصيفي ابدا.
الصيفي أنا اشوف انه فرصة ذهبية لتحصيل القريدات.
صحيح متعب لكن ميزته إنه يمر بسرعة والاختبارات تكون متقاربة يعني ما يمديك تنسى وش اخذت خصوصا اذا كنت من نوعية الناس اللي ما يتذكرون الكتاب الا قبل الاختبار بليلة او ليلتين.
الشيء الثاني لا تطمن نفسك ابدا بالكوأب أو غيره , لإني ما انصح بالكوأب الا للمنحد جدا.
والشيء الثاني انت ما تضمن الكوأب لانه ممكن يكون طالع عليك بخسارة بمعنى انه يضيع وقتك وبالاخير تاخذ قريد c+ وما يرتفع معدلك الا 0.2 مثلا … يعني ما تسوى
إذا كانك فعلا ناوي تشد , أول شي غير اخوياك وغير طريقة حياتك وغير مكانك بالكلاس وغير طريقة مذاكرتك وغير كل شي تقدر تغيره وتحس الخلل منه واهم شيء طول النفس.
وجرب تنزل ساعات أقل أو العكس ! … والله اعرف ناس واجد يوم كانوا ينزلون 12 ساعة كانوا يجيبون العيد , يوم نزلوا 19 ما شاء الله انواع القريدات لانهم حاسين بالضغط.
وراح اخذ في الترم الاول فيزياء 102 و ics 103 واسلامي وعربي وماث 201
