السلام عليكم …
انا على وشك التخرج من كليه الهندسه … تخصص هندسه ميكانيكيه…
المشكله انه عندي عمى الوان …
من خبرتكم هل ممكن انه ياثر على حصولي على وظيفه؟؟ …
انا من خلال بحثي في المواقع والمنتديات علمت انه التقني (خريج الكليات التقنيه والصناعيه) يستحيل ان يقبل …
ولكن ماذا عن المهندس الميكانيكي … حاولت اسال لي فتره ولكن لا احد يعلم …!!
اتمنى اللي عنده اي معلومه عن هالشي يفيدني .
وعليكم السلام …
اللي اعرفه ان عمي عنده عمى ألوان … وقبل سنه تقاعد من ارامكو… كان مهندس كهربائي …
احس في بعض الاقسام ببعض الشركات ما تتطلب معرفه قويه بالالوان !
لا تشيل هم وامورك طيبه ان شاء الله
يعطيك العافيه على الرد،،
بس ياخوي شروط القبول ممكن تتغير من سنه الى سنه …وعلى قولتك عمك تقاعد
بمكن مشددين على الفريش اللحين …
مع العلم اني شيكت حتى على منتديات اجنبيه … والناس مابين وبين … ناس تقول عادي وناس تقول مستحيل.
انا ودي بناس هم جربوا هالشي … علشان القا جواب اكيد .
الله يعين … ياخوفك تعب السنين يروح سدى،
^^
ثق ثقة تامة ان الرزق بيد الله سبحانه
وان شاء الله ماراح يروح تعبك هباء منثوراً
الله يوفقك ويرزقك اطنخ وظيفة 
امين الله يسمع منك … صحيح كل شي بيد الله بس الواحد وده يتاكد
العسكرية فيها كشف عمى ألوان
شركة الكهرباء فيها كشف عمى ألوان
اتوقع لو ماهو مهم كان ماعملوه!؟
باقي الشركات الكبيرة ماعندي علم
العمل الحكومي المدني الكشف الطبي عندهم فقط تحليل بول، لاتخاف يعني هذا مضمون 
جاي تبى تحطمني الله يحفظك ههههههه
وابشرك تقريبا كل الشركات فيها كشف عمى الوان … بس السوال هل هو ياثر .؟؟
يعني انا كلمت ناس هنا وقالو الكهربائيه مستحيل يقبلونك بس الميكانيكيه فيه امكانيه بس صعبه شوي …(اتكلم عن كندا) … لكن في السعوديه ماحد قدر يجاوبني .
واذا بغيت اتوجه للقطاع الاكاديمي …اللي اعرفه ان الجامعات تطلب معدلات عاليه جدا للاعاده ومعدلي تقريبا لا يسمح ،واظيف عليها الواسطات .
انا واحد من اصحابي cpc وفيه عمى الوان
لو مشكله عمى الألوان كان ماقبلوه اساسا ارامكو
جزاك الله خير طمنتني …
عندي بس استفسار هل خويك حطه في الهندسه … واي تخصص؟؟
تعتمد على المكان اللي راح تشتغل فيه
ارامكوا مثلاً بعد ماتسوي الفحص يعرفون ان عندك مشكله فلما يوصل لهم الفحص يشوفون الوظيفه اللي معروضه عليك اذا يبيلها الوان او لا.
لا تشيل هَم اذا الوظيفه ما يبيلها الوان راح تاخذها زيك زي الشخص الطبيعي.
يعطيك العافيه على الرد اخوي
اعرف واحد مهندس بارامكو قبل سنة متوظف عنده عمى الوان … ماياثر بشكل كبير هالعارض
مشكور يا اخ Ibrahimo
والله طمنتوني كثير بس تتوقعون اني لو اكلم مكاتب التوظيف في الشركات ممكن يفيدوني عن الموضوع؟؟
احتمال كبير يفيدوك بحكم انهم مختصين في الموضوع
بس أأكدلك على كلام الإخوان، حسب طبيعة الوظيفة بيتحدد قبولك او رفضك، ممكن نفس المسمى الوظيفي ولكن طبيعة العمل مختلفة بين وظيفتين وفي وحدة يقبلوك ىالتانية يرفضوك