ابتعث وبس
والله يا حبيبي أغلب الي هنا نفسية
متعود على الفلة والجامعة هذي شاده بزيادة
أنت لا تشوف وجهة نظرنا بس
من ناحية الشركات أنا أخوي كان يقابل طلاب لشركة
يقول يجونا طلاب من جامعة الملك فهد بعض المرات يكونون أفضل لغة من الي جاي من برا
هي على حسب جديتك
وأنصحك تروح لمنتدى مبتعث أو أي منتدى مبتعثين وتستشيرهم وتشوف الخيرجين منهم
نص الي يردون هنا يبي يطلع عشان الفلة 75% ودراسة 25%
بالنسبة لي صراحة جتني فرصة وصراحة كان ودي أستغليتها أو فكرت فيها أكثر
بس أقول لك لا تآخذ كلامي ولا تآخذ كلام أي واحد هنا وتحكم عليه على طول
وأستخر في النهاية والله ييسر لك ما كان الخير فيه
بالتوفيق ,
أطلع بعثة ، جامعة Penn State University ، من أفضل الجامعات في العالم وسمعتها قوية جدا في الهندسة … أجواء الدراسة فيها خيالية ، زرتها في تخرج أخوي من Smeal College of Business ، أترك عنك البترول وغثاها ، روح أمريكا وعيش حياة أكاديمية رفيعة المستوى وتجربة حياة ما راح تحصلها إطلاقا لا داخل البترول ولا أي جامعة ثانية في السعودية أو الخليج. الجامعة ما هي بس كورسات ! غير كذا الموارد المتوفرة للطلاب داخل الجامعة كبيرة جدا مثل الكارير سيرفيسيس
شي ثاني … المنطقة اللي فيها الجامعة طبيعة خضراء ، أنهار وشلالات … دراسة وترويح عن النفس بدل جو الشرقية المقرف. لكن ، في الشتاء تتحول لكتلة جليدية للأمانة.
صعب أوصف لك التجربة في الدراسة في الجامعات الأمريكية الكبرى ، لكن بإختصار هي تجربة فريدة من نوعها تعطيك بعد جديدا في طريقة التفكير وتعاطيك مع المشاكل والحلول … راح تدرس تحت يد نخبة من الأساتذة بطريقة ما تحس إنك تدرس! الدراسة متعة هنا (والشركات الأمريكية تتنافس لإستقطاب خريجيها) … أنت هنا تكون نفسك وشخصيتك.
سنة واحدة هنا تساوي خمس سنوات في البترول من ناحية الخبرة والتجربة
يتم التعامل معك هنا بأنك شريك في الكلاس تطرح أسئلة بدون خوف وبدون قلق … أنت جزء من الجامعة والجامعة مبنية حول نجاح طلابها وهذا الفرق … هنا يعاملوك على إنك Adult مو إنسان قاصر يفرض عليك الحضور والغياب … أنت مسؤول بما فيه الكفاية لمعرفة الأصلح لك … تدخل بـ اللابتوب وبأكلك والوضع عادي! الحياة سهلة ، والحكومة ما قصرت مكافأة وتأمين على أعلى مستوى ، فرصة ذهبية ، غير كذا كون صداقات داخل الجامعة في المستقبل راح تنفعك كثير … (العمل في شركات أمريكية مثلاً … صديق لي يعمل في شركة ExxonMobile … دخل الشركة بسبب إنه عنده Connection من أيام الدراسة مع أحد Recruiters اللي درسوا معه في الجامعة)
خلاصة الموضوع ، الذهاب لأمريكا مو بس دراسة ، هي تجربة حياة تصقلك أكاديميا وشخصيا …
عاد لك الخيار 
http://colleges.usnews.rankingsandreviews.com/img/college-photo_5817..jpg
http://www.alyaum.com/News/files/2011/06/patrol_796779219.jpg
هذا بالمختصر … بالتوفيق
كدت أن أقتنع بكلامك ^^
حتى رأيت صورة المسجد الذي في صورة جامعتنا , فعلمت أن عدم سماع الآذان والصلاة جماعة من أهم مايفتقده كثير من الطلاب في الخارج ( ولاأقول كلهم , في أقليات , لكن فيه طلاب كثير يطلعون برآآ يقولون ماحولنا مساجد قريبة !! )
وجهة نظري الخاصة فيني …
يا لبـــــــــــــــــــــــى البترول
وش أحلى من هالبيئة الجبلية اللي تحسسك بالرجولة و الخشونة وليس مثل الشجر الذي لا يصلح لغير الفتيات
وجهة نظري الخاصة إن البترول هي أفضل جامعة بالعالم و للمعلومية إني رفضت ارامكو لعيونها ولو ينعاد الزمن ألف مرة ما رح أغير رأيي 
+1000 , التبرول مصنع رجال بمعنى الكلمة و البقاء للاقوى والاجدر وتراها تحدي بكبرها عموما اذا منتب من اللي يتحدى نفسه لا تجي
أنت رايح تدرس مو رايح تتسلق … وإذا هذا منطقك ما أظن إنه مخرجات الجامعة تبشر بخير
وعلى العموم منطقة جامعة Penn State هي جبلية حيث تقع بمحاذاة جبال Nittany Mountains
وجهة نظرك الخاصة شي والواقع شي آخر … جامعات مثل *T A&M, PSU, or OSU بيئتها الدراسية أفضل بكثير من جامعة البترول … وجهة نظرك ما تغير في الواقع هذا أي شي …
OSU = Ohio State University*
درر يا اخ و انا ايضا جتني فرصتين ابتعاث ممتازة لكن قررت البترول صح انها صعبة ووقت الفلة قليل لكن انا مرتاح نفسيا الحمد لله لاني الاحظ اني اتطور بسرعة وشكل كبير في جميع جوانب الحياة واللي يقول الابتعاث يبني الشخصية ومدري ايش فما ادري ايش الشخصية اللي راح تبنى مع احترامي بسبب انك مبتعث الانسان شخصيتة تتطور وتختلف حسب ارادته و طبيعة تفكيره اعرف فوق 15 مبتعثين و صراحة اكثر شيء اشوفهم اكتسبوه شلون يطبخون الكبسة اما طلاب جامعتنا للامانة قمة فالابتكار و الابداع و الانضباط و التفكير الابداعي و الله يسهل علينا جميعا كل صعب و يوفقنا لما فيه خير لدنيانا و اخرتنا , وايضا ارى ان الابتعاث فيه فتن لا يعلم بها الا من واقع تجربة لكثير من اصدقائي عموما ترا هذي وجهة نظري و انت صاحب القرار
…
وليش حكمت أن البيئة الدراسية هناك أفضل من هنا ؟ ياليت تفصل مو بس تعطي رايك وكأنه حقيقة مايختلف عليها أحد.
ما راح تنقطع عليك موية السكن ولا راح يوقف الويب سي تي (البلاك بورد) في أيام الإختبارات … وتسجيل الكلاسات عبارة عن عملية لا تستغرق 5 دقائق ، وسرعة النت في الجامعة ما أحد يشتكي منها (جامعتي فيها ما يفوق ٥٠ ألف طالب) … هذا فقط الجوانب الخدمية
أما البيئة الأكاديمية فأفضل إني ما أتكلم عنها لأنه جامعات مثل PSU, OSU, ASU, or T A&M أشهر من نار على علم في جودتهم الأكاديمية. الجو الدراسي مختلف أصلا ، الأصل هنا الحرية ، في البترول يعاملوك على إنك قاصر وتفرض عليك الأمور فرض! حضور وغياب وخرابيط
جودة الخدمات المقدمة للطلاب وتنوعها يفوق ما تقدمه البترول … أنت لو دخلت مكتبة ستيرلينغ إيفان في جامعة T A&M بتعرف قصدي ، أنا دخلت المكتبتين (البترول/ TAMU) وصعقت بالفارق الهائل في الجودة في الجانب الخدمي …
على العموم اللي مو قد الغربة الخارجية ، يجلس في البترول أحسن له ، الغربة تحتاج جلَد.
باقي تتناقشوا في الموضوع ،
كأنكم تتناقشوا في ايش أفضل “الذهب” أو “النحاس”
مدري اذا رديت على الموضوع قبلاً ، لكن أبداً مافي مجال للمقارنة بين الابتعاث والداخلي
لا في لغة ولا في غيره ، لغة طلاب البترول لغة اكاديمية ، معدّل الطلاب كلامه مكسّر مع الدكتور
ما يصير طلقة إلا في التحضيرية بس مع قلّة الممارسة ، تقل مهارات الحديث
وتنصقل في مهارات الكتابة. واللي يقولك لغة اللي جاي من برا أضعف من طالب البترول
فأنا أقوله “حدث العاقل بما يعقل ، فإن صدقك فلا عقل له”.
أعرف ناس طعوس، درباوي ما يعرف يكتب حرفين على بعضهم ، مبتعث برا
وبعد سنتين لغته أحسن من لغتي.
والخبرة الحياتية والتحدّي وصقل المهارات موجودة في الغربة بالتأكيد ، مافي مجال للمقارنة
بين الخبرة اللي بتكتسبها في البترول او في الابتعاث ، الابتعاث نقلة لمجتمع وثقافة
وحياة أخرى ، بتتعلّم وتعيش تحديّات عشرات آلاف المرّات من طالب البترول.
وترى طالب البترول انسان منعزل اجتماعياً على المعدل ، المهارات اللي يكتسبها في الغالب
محدودة في أسوار الجامعة ، هناك راح تحتك بناس وتضطر تسوّي معاملات وتبحث
وتدور وتعيش تجارب وتحديّات تحوّلك لإنسان آخر ألف ضعف الموجودة في البترول.
اما اللي يتكلم عن فروقات جامعات ، فـ come on ؟ ما زهقتوا من الخرط هذا
نفس المناهج وكل شي موجود بكل الجامعات والجامعات السعودية خصوصاً تنسخ
من الجامعة الامريكية ، الجامعات الامريكية لها أعمار مابين 300 و 600 سنة
عندهم خبرة وعراقة في التعليم ، البترول عمرها كله على بعضه 50 سنة
بعض الإداريين فيها عاصر الجامعة من الصفر وحتى الآن وهو بنفس شهادته ومؤهلاته
لاتطوير ولا بحث ، مافي إلا انسخ كروكيلوم من برا ، واشتري كتب ووزع عالطلاب.
ومؤشر تصنيف الجامعات الهندي والفلبيني والياباني ولو تسوي مؤشر سعودي
كلها راح تصنف جامعات برا في مرتبة أعلى.
نصيحة أخ لأخوه ، تقدر تكمل في البترول ، بس والله اذا قدرت تروح ابتعاث لاتضيعه أبداً
ترتاح دراسياً ، تتعلّم أشياء جديدة ، لغة أفضل ، راتب أفضل، معيشة أفضل
الحكومة ضامنه لك حق الزواج هناك ، تجارب أفضل ، المميزات لاتعد ولاتحصى
راح يكون فيه تعب الغربة ، بس بما انك راح تغترب داخل السعودية ، كملها واغترب برا أفضل.
يابوي اطلع برا , صحيح ابتعاث الملك مافيه الا بكلريوس طب لكن موب مشكلة … كل الي راحوا هناك سووا انضمام في معدل شهرين الى ست شهور حد اقصى (تدرس على حسابك الفتره هذي)
وماراح يكلفك متوسط 20 الى 30 الف وحد اقصى 50 الف ريال
وش تبي اكثر ؟
جامعة ومرافق افضل , بيئة افضل , ناس افضل …حتى يمديك تتزوج والحكومه تمشيك لك مكافأة عليها الكلام, عندك مثلاُ كندا 2700 دولار يعني 10000 ريال
وهنا تخيس بـ840
وفي المقابل البترول , نعرف من هم الاكثريه هنا الي يمرون عليك ولا حتى يسلمون. والخدمات والمرافق تعبانه لا جيم ولا سكن زي الناس تقدر تطبخ فيه وممنوع تسكن لحالك وفي النهاية المكافأة 840 يالله تجيب قيمة كفر واحد لو بتروح لأهلك
اطلع وشف العز
وش جاب الثراء للثريا …مع ليش نوقف هنا
يعطيكم العافية ما قصرتم واشكر لكم تفاعلكم
لو تنعاد حياتي 100 مره راح اختار البترول بدون تفكير…
جامعة غيرت حياتي وشخصيتي وتفكيري ومستواي الاكاديمي بشكل ايجابي
ما أدري ايش بيفرق *أكاديمياً * أغلب جامعات برئ عن جامعتنا
كل الكتب العالمية اللي تستخدم برئ تستخدم هنا… وعندهم نخب من ال professors وعندنا حنا بعد
هذا اذا ما كان اختباراتنا أصعب من اختباراتهم!
اللي بيذاكر ويشد حيله يعرف أن الجامعة مو صعبة… والA+ جداً سهلة
واللي بيضبط نفسه في طلعاته وجياته يعرف ان الحياة في الجامعة جميلة ومفيدة
تضل الجامعة فيها عيوب زي كل الجامعات في العالم
إلا إني انصح الابتعاث للماستر والدكتوراه
كلامك يعبر عن معنى الإبداع
أستمر