السلام عليكم
تواصلت مع موظفين كثار من خريجين الجامعة، واستفسرت عن الرواتب…
اللي اتضح لي انه أعلى الرواتب تتفاوت ما بين 13 إلى 14 إلى 15 ألف بالكثيييير والأغلبية العظمى ما بين ٩ إلى ١٢ ألف
يعني مستحيل الخريج ياخذ راتب أعلى ؟ وايش الشركة اللي ممكن توفر راتب أعلى من هذا النطاق
الموضوع للنقاش 
شلمبرجير ـ مااذكر بالضبط كم بس عااالي
وهل الحصول على وظيفة في شلمبرجير صعب جدا؟؟
وماهي المقاييس اللي تعتمد عليها الشركة في اختيار الموظفين يعني مثل باقي الشركات (المعدل+الـcv) ؟ والا فيه مقاييس ثانية
في واحد معدله 2 وشوي وقبلته شلمبرجير براتب 13 ألف مع البدلات يصير 18 ألف شهريًا
على فكره شلمبرجير مش ذيك الشركه الصعبه اللي تنقبل فيها , ولا فيه خريج يفكر يشتغل فيها على طول , ياخذله ثلاث سنين يجمع فلوس + خبره ويسحب منها
اللي معدلاتهم فوق 2.5 والأونر تلقاهم بسابك وأرامكو , ولا يقدمون عليها أصلا,
شركه كل شغلها حفر في حفر , شي ماله علاقه بتخصصك , هذي غير أماكنها النائيه , أفشور وانشور وبيئة عمل غير مريحه…
بإختصار ماهي طموووح
^^^^
أشكرك اخوي
وصلني خبر مؤكد من موظف انه شلمبرجير ممكن توديك أماكن خارج المملكة مثل كوبا والبرازيل وبعض الدول الأوروبية تشتغل في أماكن ممكن تكون نائية هناك ويكون راتبك فوق الـ٦٠ ألف !!
بانتظار باقي الآراء
60 ألف ؟؟؟؟
يالغالي هذا أعلى من راتب السلطان نفسه
أتمنى تتأكد أخوي
بالنسبة لشلمبرجير
أول 7 شهور((( تقريبا))) راح تكون fet ( فيلد انجنير ترينيي ) وراح تستلم راتبك الأساسي + بدل السكن والمواصلات بس يعني يطلعلك تقريبا 18 وشوي لانك ماراح تاخذ لا بونص ولا أوفر تايم
بعد 7 شهور ( وبالنسبة للي أخذوا كوأب عندهم فبعد شهرين الى ثلاثة فقط ) راح يرسلونك للسكول بعدين يختبرونك اذا ماعديت فراح يقولولك مع السلامة برا الشركة , اما اذا عديت فراح ترجع تعمل جوب كبريك آوت بعدها بفترة بسيطة تاخذ قريد 9 وهنا يبدا ينزلك البونص والاوفر تايم , نجي للراتب هنا يعتمد ع عدد الساعات اللي تقضيها بالفيلد , راتبك ع قد شغلك , المتوسط تقريبا يوصل 24 الى 25 وحولها .
نجي للكرف وما كرف
اول ماتدخل راح تكون قريد 8 للانجنير وقبل البريك آوت اللي تكلمنا عنه فوق راح تكون حالك حال الأوبيريتور يعني وانت بكرامة ممكن تنظف وتشيل الزبالة , ممكن تعبي المعدات ديزل وزي كذا
الشغل 12 ساعة يوميا بنظام روتيشن , يعني انسى شي اسمه ويكيند , ممكن الساعة 1 الظهر يوم الجمعة وانت ماسك الهمر وتهمر تحت الشمس !
بعد البريك آوت واذا أخذت قريد 9 هنا تصير كنق وتقعد تعطي أوامر, بس نفس الحكاية بين كل قريد وقريد فيه سكول وبريك آوت , والسكول مو سهلة , اعرف اكثر من واحد ماعدوا
اذا خلصت قريد 11 هنا انت صرت عبئ عالشركة لان راتبك يصير خيالي يقوموا يحولوك أوفيس ( سمعته باذني من الماناجر ) , راتبك يرجع يقل شوي , كمل اصعد السلم الين تصير fsm ( فيلد سيرفس ماناجر ) وهنا راتبك يرجع يرتفع فوووووووق
الشركة بها مستقبل ماتتصوره للانجنير
باختصار شلمبرجير = فلوس بالهبل + تطوير بس راح تكون صفر اجتماعيا !
طبعا كلامي فوق عن نوع واحد من العقود وهو
Home Country Mobile
باقي الانترناشيونال ماعندي فكرة عنه بس السالاري يكون أعلى
عذرا ع اللخبطة اللي فوق بس اتمنى وصلت المعلومة وأي سؤال انا حاضر بس ماادخل المنتدى الا بالسنة مرة !