السلام عليكم ورحمة الله وبركاته
أتمنى ان اجد مساعدة في مشكلة ان شاء الله اجد من يعينني على عليها
مشكلتي تكمن في المقابلات الشخصية … لغتي الانجليزية جيدة ولاغبار عليها معلومات تخصص لابأس بها
لكن المشكلة عندي ارتباك شديد عند سماع طاري المقابلة
اريد حل من خوف المقابلات والارتباك الشديد الذي يصيبني الموضوع اثر على بشكل سلبي جداً وبدأت افكر بالاتجاه للقطاع الحكومي 
سوي مقابلات كثير ،،
ثق في نفسك أولاً
تدرب على المقابلات ،، مثلا اطلب من اصدقائك يسوون لك مقابلة ،، ويسألونك اسئلة < سووها بطريقة جدية واذا بعد صورتوا المقابلة بتكون افضل …
المقابلات / مشكلة عند كثير من الناس لكن مع الثقة والتدريب ،، بتكون سهلة
أنا كنت خايف من المقابلة والمشكلة إنها كانت مع ارامكو ><
لكن الحمدلله ،، كانت جيدة … وقُبلت فيها …
خذ معك موية ،، وافطر فطور جيد قبل المقابلة … وتتسير أمورك ،،
ترا بمجرد إنك تبدأ تتكلم معهم ،، وتأخذ وتعطي في الاسئلة ،، بتسهل المقابلة ،، وتحس إنها مجرد سواليف
الله يوفقك …
حاول تسوي مقابلات كثير عشان تتدرب ، و تجهز إجابات للإسئلة المتوقعه و في سؤال دائم يتكرر ويكون أول سؤال وهو " تحدث عن نفسك ؟ "
حاول تكون حافظ الاجابه عشان تتخطى نصف التوتر لأن التوتر ما راح يجيك الا في البداية و بعدها حتنطلق
سهالات إن شاء الله
كلنا عندنا توتر او خوف بسيط من المقابلات
بس هالخوف يروح…
1-اذا توكلت على ربي تمام التوكل
2-ذا تدربت على الأسئله اللي ممكن يسألونها في المقابلات وكان عندك استعداد جيد لها…
3-اذا اجريت اكثر من مقابله…سبحان الله تروح الرهبه تدريجيا من ثاني مقابله(=
انا سويت 3 او اربع مقابلات…المقابله الأخيره كنت مروق لأني عرفت او توقعت أسئلتهم وتصرفاتهم وصرت بعد افاوض على الأوفر لوووول
امورك طيبه ان شاءالله بس انت توكل على ربي وخذ بالأسباب
بالاضافة الى ردود الاخوان الجميلة ,
اقول لك انت اصلا لا تتوقع انه اذا بدعت في المقابلة انك ضمنت الوظيفة ! او اذا حسيت انك ما بدعت في المقابلة ان الوظيفة طارت !
والله الذي لا اله الا هو اني سويت مقابلات وطلعت من عندهم وانا اقول انهم بيدقون بكرة علي ويعطوني الاوفر والمباشرة بعد بكرة 
, والى يومك ما شفت منهم اتصال !
وفيه مقابلات سويتها ويوم خلصت فقدت الامل انهم يدقون علي او حتى يحطوني في قائمة الانتظار , بعدين يكلموني يقولون قبلناك بشكل نهائي !
الزبدة حتى لو حسيت انك ما بدعت بالمقابلة - لا قدر الله - فلا تفقد الامل تماما …
يعني حط في بالك قبل اي مقابلة انك تتكل على الله وتدخل المقابلة ولا تعول او تبني فقط على اداءك اثناء المقابلة.
وهذا الشعور يخفف عنك رهبة المقابلات الشخصية.
حط في بالك شي مهم ان ربنا مقسم الارزاق اللي اقصدو انك مابتقدم ولا بتاخر كله مكتوب ومقدر اذا ربنا رايدلك وظيفة معينة بتجيك يعني بتجيك ان شاء الله
مثل ماتفضلوا اللي فوق …"
يعني لاتعتتبر المقابله هي اللي بتوظفك … انت اتوكل على الله … واعلم ون اذا هي بتجي هالوظيفه … مابتجيك الا الله كاتبها لك … صحيح افعل بالاسباب انك تهتم وتتدرب على المقابله … مو يعني تحط رجل على رجل بالمقابله وتقول اذا لي نصيب بأخذها … صحيح واتفقنا على كذا بس كل شيء بالاسباب … تدرب وثقف نفسك بالاسئله الدائمة في المقابلات وعود نفسك … وان شاء الله امورك تتيسر …"
بالتوفيق للجميع …"
عندي لك حل ,
لازم تتدرب على المقابلات وتقنع نفسك انك رايح تسولف معاهم وتثبت نفسك انك تستحق هالوظيفة !!
حاول تكلم احد تعرفه يشوف احد من اخوياه وتجلسون سوى في كوفي بحيث اللي ماتعرفه يسآلك اسئلة المقابلات الشخصية عشان يصير الوضع رسمي بينكم وبعدها ممكن يعطونك ارائهم والاشياء اللي مفروض ماتقولها او تسويها
سو بروفا … لها أثر كبير
وعليكم السلام والرحمه
اول شي انت من اسمك مهندس كهربائي … يعني انت من اذكى فئه بالارض (عمي مهندس كهربائي ويقولي هالكلام عشان يعطيني ثقه :d )
ثاني شي … ادخل المقابله وانت مروق ولا تشيل هم النرفزه او التوتر … لانه طبيعي راح يحاولون ينرفزونك بالاسئله عشان يشوفون كيف بتكون ردة فعلك … يعني كلمة السر هنا هي التماسك والبروووووود …
من خلال تجربتي البسيطه بالمقابلات للحين … هم يعتمدون اكثر شي على قدرتك على الرد بشكل واضح ومفيد … طبعا اللغه هي شي اساااااسي
ومثل ما تتدرب لاي برزنتيشن ايام الدراسه … تدرب عالمقابله كانك تتدرب للبرزنتيشن … لانه باختصاااار: المقابله هي برزنتيشن لـ شخصيتك 
الله يوفقك … واكرر: خلك باااارد و مروووق
السلام عليكم
اخالف بعض الاخوان بانك تتدرب للبرزنتيشن انا اشوفه غلط خاصه للي يرتبك لانك بتحاول تتذكر اجاباتك
انا بعرض لكم تجربتي
بعد التخرج. كل مقابله شخصيه ادخلها اكون بارد جدا واثق بنفسي ولله الحمد لازم يكون شكلك مرتب تعرف بنفسك اول ماتدخل ع مقابلينك وانت تسلم ودايما ادخلها واشوف اني الي قدامي هو الي يبيني اشتغل معه حتا في مقابلتين قلبت الاساله من طرفي انا بعد ماخلصو من الاسئلة معي ولله الحمد وفقت باربع عروض الغايه من هالكلام انت خريج جامعة البترول ماتخرجت الا من كرف وسمعتك بالسوق عند الشركات عاليه اذا توكل على الله ثم هد اعصابك وادخل ببرود مو نهاية العالم ترا تمنياتي للجميع بالتوفيق ان شاء الله
اذا تعاني من توتر وخجل جرب تستشير دكتور نفسي وراح يعطيك حبوب قبل المقابله تستخدمها
السلام عليكم ورحمة الله وبركاته
ترا الي تحس فيه شي طبيعي وكلنا مرينا بالمرحله هذي وصدقني انت قدها وقدود وتوكل على الله وادعي ربك يسهل عليك
الاخوان ماقصروا ابدا جزاهم الله خير وانا ودي أقدم لك نصيحه وبعض النقاط مكرره بخصوص المقابله من واقع خبره لاني عملت فوق 20 مقابله بدون مبالغه وصارت المقابله شي عادي جدا وانقبلت بكثير من الشركات بفضل الله ثم الاستعداد الجيد
توكل على الله وخلك واثق من نفسك لان الهدف من المقابله ليس الاجابه على الاسئله بقدر مايهتمون بالثقة واللغه لانهم بعدين راح يدربونك على الي يبونه منك
1- اهم الاسئله: تكلم عن نفسك ؟ الاجابه على هذا السؤال لازم تكون واضحه ومختصره ( اسمك وجامعتك الي تخرجت منها وتخصصك وعدد سنين الخبره ان وجد) ويفضل تكون مرتب اجابه وحافظها و مايمنع تقول عمرك وحالتك الاجتماعيه ولما تقولها لهم لاتبين انك حافظ تدرب عليها جيدا
2- سؤال مهم ثاني : تكلم عن خبراتك ان كنت موظف؟ او تكلم عن مشروع تخرجك ان كنت فرش؟ يجب ان تكون مرتب اجابه واضحه وعن منصبك واهم اعمالك الي تقوم فيها وكذلك مشروع التخرج ولازم تبين لهم انك قيادي وتحب العمل الجماعي والتعاون
3 - حاول تراجع اساسيات تخصصك وتقرا من النت الاسئله المتوقعه في المقابلات لتخصصك ولا تضيع فيها وقت كثير
4- عند دخولك لمكان المقابله امش واثق وسلم عليهم بصوت معتدل وشيك هاند وبين لهم انك سعيد بتواجدك وإتاحة الفرصه لك واجلس جلسه معتدله وحاول ماتتحرك واجد وتلعب بيدك
5- اذا جاك سؤال ماتعرف جوابه حتى لو كنت تتوقع انه سهل قل لهم بكل ثقه وانت مبتسم I don’t know لان مايحبون الي يتفلسف او يتعتع عشان يخلق اجابه ، اذكر اغلب مقابلاتي الي انقبلت بها كان معظم أجاباتي I don’t know
6- من الاسئله الي لازم تكون مستعد لها : لماذا تنوي الانضمام لشركتنا؟ او ماهي اهم أعمال شركتنا ؟ استعد لها مثلا ارامكو تقول لهم انوي انضم لشركتكم لانها شركه عملاقة تعتمد على انتاج البترول والغاز مايجعلها قوية جدا … الخ
بالتوفيق لك ان شاء الله تعالى وانصحك تستعد وتعمل بروفات كثير مع أصحابك او حتى مع نفسك
تحيتي
تدرب على الاسئلة المتوقعة بفهم وليس بحفظ
اياك ثم اياك تحفظ اي اجابة نصا، لانك راح تتأتأ وتلخبط نفسك وانتا بتحاول تتذكر
واقل شيء حيظهر عليك وانتا بتسمع من حفظك ضعف الثقة
ما يمنع انك بعد كل سؤال تاخذ نفس عميق لمدة ثلاث ثواني تفكر فيه باجابة وترتبها في مخك
ابتسم حتى لو كنت خايف. اذا خلصت كلامك او اجابتك في موضوع وجات لحظة صمت طالع في اللي يقابلك وابتسم. كل ما طالع فيك وابتسم، ابتسم له
وازن لغة جسدك. صافح اللي راح تقابله بحرارة وليس بضعف. يدك لا تدخل في جيبك اول ما تدخل. لا تكتف يدينك لانها من العلامات السلبية. حاول يكون ظهرك منتصب وليس محني لانها من علامات الثقة بالنفس. ارفع صوتك
لا تتجنب الeye contact تحت اي ظرف من الظروف. طالع في عيونه لما تكلمه، طالع بعيد كل فترة بحيث انك تظل طبيعي. لا تجاوب وانتا بتطالع بعيد.
مرة ثانية، حاول كلامك يكون عفوي وليس محفوظ… كل ما كانت اجابتك حقيقية ونابعة منك مباشرة كل ما كان اسهل عليك انك تستطرد في الكلام.
طبعا لا مانع بانك تتوسع في الكلام وتتحدث عن تجارب سابقة لك من الجامعة مثلا تظهر بانك مجد او اجتماعي او قادر على استحمال ضغوطات العمل.
حاول تتكلم عن طموحاتك وسبب اختيارك لتخصصك الدراسي . وجدت هذي احد المواضيع اللي تشد اهتمام المقابلين في اغلب المقابلة الشخصية. ممكن تطرحها وانتا بتعرف بنفسك …
طبعا طالما انه طموحك لا يتعارض مع مصلحة الشركة
(مثلا اللي طموحه يترك الشغل عشان يطلع يكمل دراسة او يفتح بزنس خاص… الافضل يخلي هذي المعلومتين لنفسه)
شيل معاك نسخ من السيرة الذاتية،، حتى اذا كنت مرسلها للشركة قبل كذا. سيرتك الذاتية مفتاح الاسئلة وفي كثير من الاحيان المدخل اللي راح يستعمله المقابل عشان يكلمك.
اكتب mini-report في كل صفحة منه ملخص بسيط عن احد مشاريعك الدراسية في الجامعة ومعاه صورة. الصورة مهمة،، ممكن تكون رسمة لجهاز او screenshot من برنامج او circuit diagram او حتى graph لـtrend او لمتغييرين بناء على تجربة او معادلة.
اذا طُرح موضوع مشروع التخرج (وسوف يُطرح)، استعين بالصورة في الشرح.
اقترح انك تترك الريبورت للي قابلك على اساس انه يفهمك اكثر.
اشرب موية اليوم اللي قبله عشان لا ينشف ريقك وانتا بتتكلم
لا تكون المسؤول فقط، بل كن السائل. المقابلة لك ولهم في نفس الوقت
اسال عن تفاصيل الوظيفة المطروحة، المهام اليومية، تطوير الموظفين، مكان العمل ، الخ…
لا تظهر كانك لا مبالي. لا مانع من انك تجيب معاك دفتر صغير تسجل فيه ملاحظات في اثناء المقابلة
اذا سنحت لك الفرصة انك ترمي دعابة صغيرة او شيء ممكن يخلي اللي قدامك يبتسم، استغلها. بكامل الادب والاحترام طبعا.
دائما جاوب المقابل بنفس اللغة اللي سالك او كلمك بها. اذا بدا انقليزي فرد انقليزي، لو قلب عربي كمل عربي.
نام كويس اليوم اللي قبله. اشرب قهوة الصباح عشان لا تبان آثار النوم على عيونك.
اطلب business card من اللي قابلك (اذا كانت مقابلة one-on-one. اذا كانت جماعية اتوقع صعبة)
ارسل email شكر بعد المقابلة مباشرة تظهر اهتمامك وشغفك بالposition ورغبتك بالانضمام للشركة، واشكر اللي قابلك على وقته، وانهي الرسالة بانك تطلب منهم يتواصلو معاك مباشرة اذا احتاجو اي شيء اضافي. طبعا في توقيعك تاكد انه ايميلك ورقم جوالك مكتوبين.
ضروري جدا جدا انك تقرى عن الشركة قبل ما تروح المقابلة
او على الاقل تعرف ايش البزنس حقها
بعض الاحيان قد تجيك اسئلة غريبة… مثلا هل تعرف متى تاسست الشركة؟
وممكن برضو تطرح هذي النقاط بنفسك اذا سالوك “ايش تعرف عن شركتنا” او “ليه تبغى تنضم الى شركتنا” . تقدر هنا تظهر اهتمامك الشديد بانك فعلا عارف ايش الشركة وايش مجالها وقريت وسالت عنها كويس
in other words, you did your homework before attending the interview
للمهندسين:
اذا عرفت مجال الشركة الهندسي، ادخل واقرى عن الproduct او الtechnology القائمة عليها هنا:
http://www.howstuffworks.com/
المراجعة في هذا الموقع تغني عن قراءة 100 كتاب دراسي،،، عن تجربة شخصية. الدراسة تركز على المبادئ الفيزيائية وليس انواع المنتجات الموجودة في الindustry على ارض الواقع
سؤال مثل
tell me about the types of pumps
ما راح تلاقيه في me311
وtell me about the types of compressors in air conditioning
لاهو موجود لا في ال203 ولا ال204
او tell me about the types of engines in airplanes
برضو ما راح تلاقيه في الشباتر اللي درستها من الكتب
لكن هذي كلها موجودة وبشكل مباشر في الموقع، طالما انك بحثت عن المنتج الصح!
بس طبعا يفضل تكون راجعت الكتب الدراسية المتعلقة ببزنس الشركة… ممكن يسالوك عن قانون او اشتق لي معادلة مثلا… لكن هذا النوع من الاسئلة قليل جدا.
--------------------------------------------------------------------
صعب انه الواحد يغير شخصيته تغيير جذري فجاة.
لكن سهل انه يظهر او يدعي بانه عنده ثقة… ليوم واحد فقط.
حاول يكون هذا اليوم هو يوم المقابلة الشخصية
مع كثرة المقابلات وكثرة ادعاء الثقة، قد تتحول الى حقيقة وجزء من شخصية الانسان 
ريح اعصابك و اترك عنك الشد
و بس
مثل ما تفضوا الاخوان خلك رايق وجيب جميع المتطلبات الي طلبوها وجاوب على قد السؤال وطبعا لازم تكشخ 
وفي المقابلات يحاولون ينرفزونك
انت لا تتنرفز ومشي الأمر عادي
ولا تنسى التوكل على الله أولا
الله يوفقك 
اخوي EEngineer
انا حساوي يعني ارامكو عندي احسن الاحسنين عرفت؟
تقابلت معاهم 3 مرات… كل مرة اروح وانا متوتر بقووووووّة واجلس اسبوع احضر للمقابلة واتوقع الاسئلة اللي بيسألونها واحضر لها اجوبة… والله ما تتخيل قد ايش كنت اتوتر حتى بالبيت يحاولون يتحاشوني ليلة المقابلة.
طبعا كنت اتوتر لاني مرة ابي اشتغل في ارامكو… عندي ارامكو تسوى الدنيا ومافيها هههه (طبعا اكيد عشان الراحة النفسية والاهل يموتون عليها وهالسوالف)… والمرات ال3 هذي كلها ما زبطت
جت المرة الرابعة… قلت يا عمي, ماني محضر ولا شي… بسلّم امري ل رب العالمين… اذا خذوني بأحمد الله… اذا ما خذوني بالطقاق… وليلتها طلعت مع اهلي اتعشى و اخر روقان
وتدري وش سويت قبلها باسبوع؟ كنت يوميا اروح ادخل ارامكو اتمشى داخل… عشان اتعود عالوضع ولا احس اني بمكان غريب يوم المقابلة (يمكن تقول اني مريض نفسي هههه بس مديري البريطاني عطاني هالنصيحة وبالفعل زبطت )
ورحت المقابلة على اني ما راح انقبل بس بروح اطقطق…
والله وسواليف في المقابلة 
وبعد المقابلة على طول قالولي قبلناك مبدئيا لين تعدي شروط القبول اللي هي الفحص الطبي وهالسوالف
فا انا نصيحتي لك:
اولا واخيرا و اهم شي… قبل تدخل المقابلة سلّم امرك ل رب العالمين والله بترتاح راحة غير طبيعية… بتدخل المقابلة وتدري ان الله معاك !!
و كل مقابلة تروحها, ادخلها وانت راااااايق… حط في بالك ان ما زبطت هالمرة تزبط المرة الجاية… او اللي بعدها او اللي بعدها… مردّها تزبط عرفت؟ و حاول تبتسم في المقابلة ولا تخليها مرة رسمية ولا تبين انك متوتر او شي. ولا تجلس تعلّم الناس عالمقابلة لان كل واحد بيتفلسف عليك ويضيعونك بالكلام المتناقض… خلك انت مع نفسك وخلك مروّق وبس
انا عندي وظيفة … لكن كنت ابي ارامكو… فا شركات كثيرة تكلمني واروح اطقطق عليهم وادخل وانا مرتاح… وتخيل اني انقبلت فيهم كلهم!! من ضمنهم شلمبرجير وهالبرتون… والسر انك تدخل وانت مرتاح ومروّق وتحط في بالك انها مو نهاية العالم
سوري عالكلام الكثير بس لاني عندي نفس مشكلتك وقلت اساعدك باللي عندي
والله يوفقك يا رب وتسمعنا اخبار حلوة قريب
شي طبيعي الي تعاني منه، مايحتاج وصفه
يحتاج انك تدخل وانت في بالك ان الي راح تقابلهم زيك زيهم اللهم هما عندهم
خبره، معلوماتك كلها عن التخصص ماراح تكون الفيصل بالقبول او الرفض هما بيدربونك ع الشي الي يبونه منك والبقيه مع الايام تتعلمه
انا خسرت وظيفه بسبب الارتباك وبعدها ربي عوضني بخير منها وليومك ما أتذكر وش انا مسوي بالمقابلة حقتي خخخ لكن الأرزاق مكتوبه ومقسمة انت ادع ربي يكتب لك الي فيه الخير وتوكل على الله وادخل عليهم كانك داخل تبي تخلص أوراق في موبايلي او بشركه راح تهزئهم لسوء خدمتهم خخخخ