السلام عليكم …
يا أخوة انا عندي امكانية اني اسوي جدولي بحيث انه يجيني يومين أوف
راح يكون الضغط عندي في يوم واحد من 7 لين 5 …
و يوم من 7 لين 12 … و يوم من 9 لين 12
لذلك يا اخوة … اي شخص جرب الاوف خصوصا يومين … ياليت يعطينا وش ميزاته
و سلبياته … انا عارف ان كل شخص له اسلوب مختلف و ماهو كل الاشخاص
لهم نفس التجاوب او ردة الفعل … لكن لعلي استفيد … قبل لا تنتهي فترة التسجيل
كان جدولي يومين أوف “انحديت عليه” ثم بعد التسجيل الأخير كان في فرصة أغيره,و بعد استشارة الشباب ,غيرته .
يعني يعتمد هل أنت مثلا بتذاكر في هاليومين أو لا ,وكيف نظامك في النوم هل بتسهر والنتيجة يضيع يومك في النوم والا أنت من النوع اللي ينام بدري؟
أيضا دوامك من الساعة7 الى 5 ,هل أنت عقلك عنده قدرة يستوعب هالكم من المحاضرات والمعلومات الي راح تتلاقها في يوم أو لا؟.
كنت أسلك لنفسي وأقول يومين أوف وناسة وراح أذاكر ,وبداخلي مو مرتاح أبدا للأسباب السابقة,وبعد كلام الشباب و “حتى والديني”,قررت أغيره.
أنا طبعا ما جربته ,لكني جربت جداول مشابهة له وكنت عارف نفسي زين ,فهو زي ما تفضلت بنهاية كلامك يعتمد عليك بالدرجة الأولى.
موفق,
الله يعطيك العافيه … ايه هو انا ودي اعرف آراء الشباب بمختلف ميولهم نشوف و نستفيد
بانتظار باقي الاراء
تقدر تشيل لاب من لابات السبت وتخليه بواحد من اليومين الفاضيات؟ (يبقى عندك يوم اوف واحد)
لان الدوام من سبع الى خمس بصراحة قاااتل
وعموما اذا كان هذا اول ترم لك بالجبل فاشوف ما لها داعي الـ أوفّـ ـات
^
^
لا لا انا جونيور
جربته ولا انصح فيه ابدا. خل لك بلكثير يوم واحد
أيام الضغط ستكون مرهق لأبعد حد و أيام الراحة ستعوض إرهاقك بأشياء غالبا غير مفيدة إلا إذا كنت خابر نفسك نصيحتي لك إجعل لك جدولا متوازن وفي النهاية هذه تختلف من شخص لآخر
يعتمد عليك و على جدولك و على نظامك
انا افضل يكون دوامي يومي و خفيف ( بدون ايام اوف او يوم اوف بالكثير )
جربت يومين اوف و كان وناسه + عندك ايام فاضيه في الصباح تقدر تقضي اشغالك فيها
لكن مشكلتها ايام الدوام تكون طويله شوي
بإختصار: يعتمد عليك اذا حاب جرب
راح تنفعك ايام المياجر…لكن عن نفسي ما اشوفها تسوى اني اداوم من 7 الين 5
الا اذا كانت بنهاية الاسبوع… يعني احد وخميس او احد واثنين
يعني يصير عندك ويك اند طويل
ما انصح فيه ابدا ! , لعده اسباب وهي :
1-اليوم اللي قبل الاوف راح تسهر وكذا وتخرب نظامك بالنوم وهذا راح ياثر سلبا على باقي الايام.
2-تخيل كان عندك ميجر يوم الاحد وانت مداوم من 7 الى 5 , هل انت عندك استعداد انك تدخل الاختبار بعد الضغط والتعب هذا كله ؟
3-بتجيك متلازمه “عندي وقت” راح تقنع نفسك كل يوم انه عندك وقت طويل للمذاكره خصوصا انه عندك اوفين, لكن اللي بيصير ان اليومين هذي بتضيع عليك لانك كل شوي بتأجل بحكم انه “عندك وقت” .
4-تاكد انك بتسحب على الدوام يوم الاحد وتسوي لك ويكند طويل او تسحب على يوم الخميس عشان نفس السبب. وهالشي راح يضرك بكل تاكيد.
عن تجربه
ما انصح
+
ما راح تحس انه عندك يومين اف و الأسبوع راح يمر بدون تدري كيف مر
يعتمد على اشياء كثيرة …
مثلا اذا كنت ساكن برا فـ اوف اليومين راح يريحك من الروحة والجية ويوفر وقتك بشرط تكون جدي وتستغله ،،
لكن بشكل عام اذا تقدر تحرك احد اللابات في اليوم الطويل لـ احد ايام الاوف فـ احسنلك …
جربت يوم واحد اوف والثاني تقريبا اوف (كلاس واحد)
بس السبت من 7 الى 12
وبالنسبة لي كان سيييييييء جدا
لاب السبت اوصل خلاص منتهي
وارجع ما اذاكر واليوم الي بعده تناااام ولا تذاكر
“نصيحة” شيل اللاب وحطه ف يوم
وخلها يوم واحد اوف 
أخي الغالي اسال مجرب ولا تسأل طبيب
جربتها ونصيحتي لك وزع المحاضرات على الأيام واترك مجال لنفسك
تداوم دوام مريح خلال أيام الأسبوع كلها
هذا يضمن لك
انضباط في الدوام وعدم تعرضك لمشاكل السهر
عدم اعطاء نفسك أمل كبير بسبب الفضاوة التي تشعر بها
تواكب الدراسة ولا تشعر بالانقطاع المربك
أنا كان عندي يومين شبه أوف بالأوريا
نزل مستواي كثيير وصررت أسهر كثير وأنام وما فيه الا قوة تراكر بهاليومين!!
ما أنصحك أبدا…قسّم جدولك على ٥ أيام أفضل
تحياتي
نصيحة لا تفوتها … يومين اوف متعة و راحة … ولافيه ضغط ولا شي … تقدر تخلص امورك المهمة و المذاكرة باليومين الفاضية + الويكند …
توكل على الله
انا من يوم ما خلصت الفريشمان وكل ترم فيه يومين اوف
المميزات:
1) يومين انام على راحتي بدون دوام
2) تقدر تزبطلك لونق ويكند ( اربعاء اوف - خميس سحبه - جمعة وسبت اجازة)
العيوب:
1)النوم يخرب
2) ضغط الدوام
3) يمكن يكون في ميجر في يوم الدوام 7 الى 5
في حال قررت تاخذ يومين اوف انصح بما يلي:
1) حط جدول نوم وامشي عله ( مثلا تنام كل يوم 11 او 12 بالكثير - واذا في دوام قوم بدري واذا مافي روح ياشنب الى الظهر)
2) استغل اليومين باي طريقة ( ذاكر - اقرا - مارس الرياض - او اي شي ) لانه لو قعد فاضي حتتعود على الكسل والخمول وهذا ياثر على دراستك
اخيرا:
الجدول ابو يومين اوف يعتمد عليك وعلى اسلوبك … فكر واستخير وبالله التوفيق.
من تجربتي و تجارب اصدقائي:
افضل شي اذا كان عندك يوم اوف يكون في بداية او نهاية الاسبوع اما وسط الاسبوع فهو يخرب عليك بقية الاسبوع حتى لو يوم واحد
انا جربت ترمين يومين اوف
المرة الاولى كنت مضبط وضعي ومنتظم وكان افضل ترم لي بالجامعة
المرة الثانية بديت اسهر واقول فيه فرصة مذاكرة باليومين وكنت انام الى الظهر ويكون اليوم اللي بعده فل وفيه اشغال كثير ما الحق عليها وكان ترم سيء
فهو يعتمد على تنظيمك
والله مثل ماقالوا الشباب يعتمد عليك انت , وهل انت اللي من النوع اذا لقيت وقت فراغ كبير تستغله بمذاكرة ولا بنووم , انا عن نفسي جربتها ترم واحد وكان من افضل الاترام صراحة وفادتني كثيييير في المياجر , هي بصراحة نعمة اكثر من انها نقمة…توكل على الله وصكها يومين اوف