بقولكم سالفتي ياشباب وابي نصايحكم لي أنا طالب الحمد لله فرشمان جديد في تخصص هندسه دخلت البترول بعد تخرجي من الثانويه لان ربعي واهلي كانو يمدحوا فيها وبمستقبلها و …الخ وفي تلك الفتره ماكنت افكر بشكل جدي في الجامعه ومابعد الجامعه بدأت مرحلت الاوريا بنوع من النشاط وانا وكاي طالب انصدمت بالدوام وبالجامعه واسئلتها بدايه عديت كورسين الماث بـ b+ و b وهذا طبعا كان مو سهل يعني كنت اقضي ساعات كثيره للتحضير ومراجعه الماده وحل الاسئله اول باول في نفس الوقت بديت بالانقلش من 00 والى 04 الي كان في الصيفي واجتزت التوفل والحمد لله لاكن لا اخفي عليكم طول فترت دراستي بالرغم ان درجاتي ماكانت ذيك السيئه الا ان ماكانت عندي رغبه في الهندسه و لا انا جيد في الحفظ للاداره كنت امر بضغط نفسي ودائما افكر بالخروج وفي نفس الوقت اسأل نفسي وين اروح بعدين وكيف بتكون نظره الناس واهلي وكان يضيع ساعات مني بدون فائده وليس المساله غربه فانا من سكان الشرقيه لكن الى هذا اليوم لم استطع تقبل طريقه الجامعه ربما لاني لا اناسب ان اكون فيها او لاي سبب اخر بتسموها كسل او اي شي آخر لكن هذا هو شعوري الان منزل 14 ساعه لكن اواجه صعوبه في فهم الفزكس لأنه ولسبب ما يحتاج وقت طويل للمذاكره ولا بأس في الماث واشوف نفسي مأخر عن الدروس لأن التفكير شاغل مخي ولو اذاكر 10 ساعات راح تكون مضيعه وقت ، بالرغم من اني مرتاح اكثر في الدوام الجديد مقارنه بالاوريا الا اني الى هذا اليوم افكر في الخروج انا لا اعلم هل هو هروب من المسؤليه والدراسه الصعبه !! بحثت كثيرا في قوقل عن حالات مشابه لي انا لا اريد ان اخيب ضن عائلتي واهلي لانهم متأملين فيني وفي نفس الوقت مابي حياتي تضيع هم واكتئاب لأربع سنوات كنت أفكر في الخروج والدراسه التي تتنتهي بعمل في بعض الشركات مثل تدرج ارامكو او ان اجد وضيفه ولو براتب بسيط فأنا لست سيئ في الفهم واكره الحفظ لكن عندي نوع من التملل في الدراسه لا استطيع البقاء على الكتاب لفتره طويله والجامعه تحتاج لوقت وجد وجتهاد كثير للحصول على درجات جيده ، انا ماطرحت هالموضوع الا لأني تعبت نفسيا وموعارف ويش اقرر هل اخرج من الجامعه وشوف حياتي أم ابقى وأشوف حل لهالمشكله وماهي هذه الحلول ؟؟؟ اتمنى تاخذو موضوعي بجديه لأني كتبتها وكلي ضيق وحتى الكلاسات اروحها جسديا ودائما افكر وشارد في المستقبل و عواقب الخروج ؟ عطوني نصايحكم والله في هاللحضات جدا تعبان ومنهك وحتى اهلي مايدروا عن اي شي لأني مابي اخليهم يقلقوا عليي فأهم شي عندي رضا ربي ووالدي
تفكيرك بأهلك وبالآمال اللي معلقينها على عاتقك يزيد همك وتفكيرك ،
مسألة الخروج من الجامعة راجعة لك ، ولكن ودي تصبر لين نهاية السنة على الأقل
التدرج بأرامكو ماهو طموح طالب جامعي زيك من ناحية الرواتب والعمل ، وأنت عارف موجة الغلاء هالايام
تفكيرك بالخروج شي طبيعي يمر على الطلاب كلهم ، وانا شخصيا فكرت حتى بالسنة الثالثة والرابعة ولكن الحمدلله تسهلت الأمور وتخرجت
انا مو كويس بالنصايح 
ان شاء الله الشباب ما يقصرون معك
ممكن تكون مناسب لأكثر من تخصص … ومن ضمنها الهندسة
قد يكون الهندسة خيار ثاني كان عندك … ووضعك تمام فيه .
التملل من الدراسة محد يفلت منه ويصيب أغلب الطلاب … وهذي ممكن مشكلة مو لأنك تخصص هندسة
تحتاج تحديد وجه وعدم الالتفات للوساوس + صبر …
وغالب المواد في بدايتها غامضة … والفيزياء بدايتها كلام كثير ودش وستعرف اذا كملت بإذن الله … ان منهجها حق الميجر الأول أسهل وأوضح … وأن الميجر الثاني يحتاج لجهد أكبر .
برأيي أعرض نفسك على موجّه اكاديمي ( في الجامعة ) سيتعرف على شخصيتك أكثر وسيعرف ميولك …
الأفكار هذي لازم ماتنكبت … بس أيضا لازم تعرف لمين تقولها … مو تقولها لأي أحد يضيّع مستقبلك …
الدعاء مطلوب + صلّ الاستخارة قبل أي موضوع تحتاج لاتخاذ رأي فيه .
الله يوفقك ويسر أمرك .
أنت أخترت تخصص تحبه ؟! إذا إي , ترا هي فقط الفرشمان اللي بتتعبك , بعدها بتصير الأمور حلوة . لأن حتى الإدارة الحين أعطوهم كيم 101 و فيز 101 و ريض 101 . يعني بتحول إدارة بتدرس نفس المواد في نفس العقبة اللي هي السنة الأولى.
أنصحك بزيارة مركز التوجيه لأن هذا الغرض منهم .
موفق .
اخوي مافيه كيم و لا فيز
اللي موجود الماث 101 و 102 فقط
اخوي …
الادارة ماهي مسالة حفظ
التخصصات الادارية لا تعتمد على الحفظ … بل اكثرها على القراءة
المحاسبة و المالية و العلوم الاكتوارية تخصصات ليس بها كثير من الحفظ (القراءة)
الله يوفقك
معك حق أخوي هذا احد الاسباب اللي يخليني افكر اكثر واكثر انا مابي اشغل بال اهلي عليي وعلى مستقبلي وخروجي من الجامعه راح يعتبر صدمه لهم ولأي سبب ! (لا أحب الهندسه)
انا بديت اقنع نفسي وبالواقع اللي حولي ان المال مو كل شي واهم شي سعاده الانسان ، في نفس الوقت أسأل نفسي هل يوجد ضمان وظيفي وان كل هذا بتوفيق الله ، خوفي الاشد هو في اتخاذ هذا القرار الذي ربما يغير مجرى حياتي للأفضل او الاسوئ
انا الى هذا اليوم لم احدد هدف وتخصص معين اخترت الميكانيكيه لأنه تخصص من لا تخصص له ولان اقرب تخصص كنت اميل له بشكل عام لكن الفزيكس وضحت لي ومنذ البدايه اني لست مناسب لهذا التخصص الذي يقوم على مفاهيم هذه الماده ، واذا نظرت من منظور ثاني اجد ان وجودي في الهندسه بحد ذاته غلط !! علما ان تفكير الخروج كان يروادني من مرحلت الاوريا لكن كنت اصبر وتحمل وهذا اوصلني الى هذه المرحله التي اكاد ابكي فيها ، لا اخفي عليك اخي العزيز اني كنت في المرحله الثانويه لا اعرف الكتاب الا وقت الاختبار لكن منذ دخولي تغيرت 360 درجه لكن اجد ان وضعي النفسي وعلاقاتي بالناس قلت كثيرا في سبيل تحصيل الدرجات ، انا اعلم ان لكل شيئ ثمنه لكن انا خائف من هذا القرار الذي سيغير مجرى حياتي فهذه سنتي الثانيه في الجامعه وليست الاولى …
اخي العزيز، أنصحك بمراجعة مركز التوجيه والارشاد وأيضا عندي نصيحة أظنها أنها مفيدة لك: لن يختفي قلقك وآمال أهلك ومشاعرك وكل شي بمجرد انسحابك من الجامعة، إن لم تكن تعرف أين ستذهب فلا تخرج. 
أخوي نصيحة لك أنا مررت بأكثر من اللي مريت به أنت!!!؟ انا طالب ٢٠٠٩ تخرجت درست في أمريكا وحولت هنا الجامعه وردوني تحضيريه ٢٠١١ , همومي أكثر منك ومشاكلي اللي مريت بها وضغوط الأهل والناس كانت أكثر منك!!!! وكثير من الناس ما تسكت ولا تساعد ولا توجه ولا تنصح!!!!
لكن شوفني الآن فريشمن حولت تخصصي علوم اكتوارية ورياضيات مالية, عشان أريح عمري من اللابات والعمل الزايد, رتبت جدولي رياضه وكلاسات ودراسه, أحاول ابتعد عن المشاكل اللي صارت لي والتفكير فيها, أبتعدت عن الناس المثبطين تراهم نجسيين أو وسخين فعلا, أفكر في يومي الآن ايش بسوي, أكون جاد شوي,
فكرت مررره أطلع من الجامعة هذه لوحده ثانية أقرب لأهلي وأسهل شوي و ليس هروب منها, بل طالت حياتي الأكاديمية وأنا في هم وما عاد لي نفس زي أول كنت منفتح ومقبل عالدراسه بس عمري راح عالمشاكل والتحويل من جامعة لجامعة وأشياء أنظلمت فيها,
أنصحك بالنصايح اللي فوق تسوي مثل ما سويت, شي ثاني روح ادارة التوجيه والارشاد, شي ثالث فكر في يومك وحب العلم وأشرب قهوه مع الدراسة وحط تفكيرك في الكتاب, راح تنسى الهموم, و أعرف أنت أفضل من غيرك اللي عنده ماضي وتجارب سيئة ما يقدر ينساها,
أنت توك ولد شباب في عمر الزهور ما عندك هم ولا مشاكل ولم تواجهك مشاكل اشغلت تفكيرك, بس أنصحك مشكلتك هي أنك ما تدير يومك بشكل فعال وماعندك جدول والتزام وجد, وشتت نفسك بالتفكير السلبي في الصعوبه واشغلت نفسك عن الدراسه والعمل , حط ورقة وقلم وشوف مشاكلك وسوي لك جدول, وروح التوجيه والارشاد, شي أخير حاول لا تطلع من الغرفة عشان تمسك الدراسة وصلي في غرفتك أفضل لك من المسجد, لين تتحسن أوضاعك.
شي آخر اذا الحلول الأولى ما فادتك, غير تخصصك اذا صعب أو متملل من الدراسة قليل, بالنسبة لي زي ما قلت لك ٤ سنوات متخرج وتوني فريشمن, كرهت اللابات والعمل الزايد, فحولت تخصصي اللي فوق,
أنصحك تحول لتخصص اذا الحلول الأولى ما فادتك, وتتسهل أمورك وخذها بجد أكيد بعد
^^
ا>ا صلى بغرفته بترتاح نفسيته مثلا ؟ جد بعض الناس ماودك يتكلم وينصح
المهم اخي العزيز تبين لي من كلامك انه مشكلتك ماتعرف وش تبي بالضبط وبالنفس الوقت انت جاس تمشي بطريق صعب اللي هو الجامعة وانت ماتاكدت انه يناسبك اساسا ً …
نصيحتي لك اجلس مع نفسك ويفضل معك ورقه وقلم واكتب بالضبط كل الاشياء اللي مضايقتك ووش خياراتك في كل امر منها واجلس ناظر في الورقه لين تترتب الامور تماما في راسك لانك حاليا مشوش جدا ومانصحك تتخد اي قرار وانت بهالوضع …
ووبعد كدا فكر انت وش تبي تصير ووش تفضل وادا انت تفضل تخصص معين + مطلوب هالتخصص روح مباشره لاتضيع وقتك بتخصصك الحالي او جامعتك الحاليه , وفيه احتمال انك شخص عملي مو علمي يعني تحب الاشغال الحره والانجاز بدلا من كتب ومواد علميه , ادا اكتشفت انك من هالنوع نصيحتي لك كمل في البترول عشان تضمن وظيفه خصوصا انك من اهل المنطقه وخد شهاده تضمن عمرك فيها وادا تخرجت في مجالات كثيره اتوقع تناسبك لانه الحياه العمليه اوسع بكثير من الحياه الدراسيه المحدوده بتحصل شي يناسبك بادن الله ,
عدرا على التخبط بس اتمنى كلامي يعطيك فكرة او تستفيد منه
والله يوفقك
ما بال هؤلاء يصفوا عن البعوض ويبلعوا الجمل؟؟
أكرر النصيحة لأخوي لا تفصل من الجامعة ولا تحول لآخرى ولا تحول التخصص كقرار أول وهذا خطأ أبداااااااا ,
تأكد*أن المشلكة تنظيم الوقت والجد والعمل والالتزام وابتعد عن التشتت , وأعرف انه ناس شاطره دخلت طب ومشيت وبعدها حولت هندسة ومشيت, كل القضية تنظيم الوقت والمهام والجد والعمل والالتزام والاستمتاع بالعلم,
وابتعد عن هؤلاء اللي يقولن لك البترول أو الجامعة والدراسة شكلها ما تناسبك اساسا, هؤلاء علمتك فقط مثبطين …
مشكلتك الصغيره كما قلت لك تنظيم و عمل, واترك عنك تروح تورط نفسك تفصل وتروح طريق آخر ما تدري تمشي فيه ولا ما تنقبل أو ما تحصله, بعدين تكون الندامه لها نصيب
واجه مشاكلك وضع حلول لها, التنظيم الترتيب الجد والعمل, وزور التوجيه والارشاد…
اذا استمرت المشكلة, شوف التخصص لو تغيره كحل ثاني أفضل
اذا أستمرت المشكلة, زور التوجيه والارشاد
بقي لديك فرص في الجامعة كثيره جدا وفي تخصصك وخيارات أكثر, بقي لديك اثنين الى ثلاث أكاديميك وارننق, استغل الفرصه واشتغل, اذا جاك الأول تقدر تكمل نفس التخصص, والاداره والمسؤولين يعرضوا عليك حلول أنك تغير التخصص مثلا!!؟ أو تسحب دراسه وترجع الى أن تتحسن نفسيتك و أوضاعك, أنصحك بزيارة التوجيه والارشاد والتحدث معهم…
وتأكد هناك كثير من الطلاب كادوا ينفصلوا من التحضيرية وأخر فرصه نجحوا بـ C في الماث وكثير هم ومنهم من بقي له درجتين أو خمس وآخر فرصه و نجحوهم القسم, ومنهم من فصل من نصف الترم لأخر فرصه ولاشك انه سيندم لو عرف أن بقيت الناس مشيت والدكاترة والقسم زودوا الطلاب اللي درجاتهم قريبه من النجاح حتى ينتقلوا للفريشمان والجبل, و أعرف منهم شخصيا من نجح آخر فرصه بـ C ومن هم الآن في ثالث سنة هندسة أو أدارة, لكن اقلموا وعدلوا حياتهم على نظام الجامعة الدراسة والعمل فقط, فأنت أفضل منهم من كلامك الماث عديته بـ B
واذا الاكتئاب قضية لديك, فهذا هو الطموح والأمل في التخرج بدون عمل وجد… فأدى الى أكتئاب وطفش وملل من أختلاف الواقع والمأمول والتباعد بينهما بين الهدف والعمل للوصول اليه… اذا فعلا تعاني من أكتئاب قليل, أنصحك بعشبة تحلصها في GNC أسمها عشبة St. Johns’ herb هذي تساعد*في التخفيف من الاكتئاب القليل الى المتوسط, وميزتها أنها بعيده عن الأدوية الكيميائية النفسية التي أثارها مضرة وأكثر خطرا , فهذه عشبة بسيطة طبيعية تزيد افراز السيتروينات في المخ المعروف بهرمون السعاده. فاذا تحسنت النفسية تحسن الاداء والتفكير الايجابي وحب العمل, والبعد عن الأفكار السلبية والتشتت…
الله ييسر أمورك ويوفقك ويسعدك
ambitious 91 أحسنت في نصيحتينك والأهم أن علاقته مع ربه تظل قوية
شوف يا صديقي العزيز, بداية اترك عنك هذه الوساوس ف والله أنت لم تقبل في جامعة الملك فهد إلا وأنت كفؤ وشاطر ولم تتعدى السنة التحضيرية بدرجاتك الجيدة إلا دليل على هذا.
مشكلتك بسيطة والحل سهل وبين يديك:
-رتب وقتك … رتب وقتك … رتب وقتك وابدأ كل يوم بكتابة المهمات الي يجب إنجازها وعلّقها أمامك في المكتب لتتذكرها دائما (كتابتها في الجوال يمكن تنسيك بعضها) وأيضا اكتب ورقة أخرى لواجبات أسبوعية عند بداية كل أسبوع وأضف عليها إن جد أمر. (لاتتهاون فيها فليست بالأمر الهين والبسيط)
-أجلس في الصف الأمامي واكتب وحاول التركيز قدر المستطاع وفي حالة شرود الذهن، غيّر جلستك مباشرة ، امضغ اللبان طول الوقت لتبتعد عن الشرود، سجّل جميع المحاضرات بجهاز ام بي3 واسمعها وسجل ملاحظات ونقاط على كل درس ،واجب، كويز،ميجر،بروبلم سشن وستفيدك كثيرا في أيام الاختبارات.
-لاتضيع يوم واحد بدون دراسة ولو تكون ساعتين لحل مسائل والتعرف على أفكار جديدة.
-مارس الرياضة بشكل يومي، الرياضة تخفف عليك الضغوط تساعدك على التركيز وتفتيح الذهن على الأقل 30 دقيقة (دكتور نصحني فيها وكان يمارسها في سنته الجامعية يوميا مع أنه دبل ميجر)
-كافئ نفسك عند الإنجاز وابتعد عن جلد الذات فضرره كبير، ولا تجعل كل يومك دراسة في دراسة،
-اجعل لك ورد يومي من القران أو كتاب مفيد
- غيّر مكان دراستك من وقت لآخر فالنفس ملولة.
وأولا وأخيرا ألحّ على ربك بالدعاء وقوي علاقتك به سبحانه
اين سأذهب !! هذا السؤال اللي كلما فكرت في الخروج من الجامعه برز امامي وانا مو عارف اجابه لهذا السؤال وهذا السبب اللي مخليني متمسك الى هذي اللحضه ، اصدقك القول لو كان لي هدف كمعضم الطلاب وجواب لهذا السؤال لماترددت ولا برهه من الثانيه …
كلام اكثر من رائع والله ارتحت نفسيا مني قريته ، انا يا اخي الكريم ويعلم الله اني احب الجامعه وودي اكمل دراستي لكن لا اجد مايعينني على ذلك غير الله ودعاء والدي ، صعوبه الدراسه والكم الكثيف من المعلومات يسبب لي ضغط فانا وكما ذكرت كنت في الثانويه لا اعرف الكتب الا وقت الاختبارات انا اعترف ان لدي نوع من الاهمال لكن ايضا احاول اشجع نفسي بالمذاكره لكن لا اعلم مايخالجني عندما امسك الكتب احس بضيق في الصدر وصداع شديد خاصه اذا كانت الماده تحتاج وقت طويل للتحضير والمذاكره وبخاصه الفزكس كأول كورس اتعرض له هكذا ، انا وفي بدايه هذا الترم نويت ان ابدئ بدايه جديه لكن وفي خلال سبوع ويومين اشعر أن كم هائل من المعلومات تتراكم وانا افكر ومكتئب طول الوقت حتى الدكتور لاحظ هذا الشيئ في الامس ، لا اعلم هل بقائي في الجامعه هو القرار الذي يجب ان اتخذه ام اخرج للدراسه المنتهيه بتوضيف ، خوفي هو اذا واصلت هل سأواجه مثل هذه المشكله في المستقبل وأتحسر على شيئ فات أو قرار خاطئ اتخذته في لحضه حزن او ضيق ، اتمنى والله من كل قلبي ان اخرج من هذه الحاله التي لا تجعلني انام فنومي اصبح متقطع و ابقى على السرير لساعات كي استطيع النوم وانا مطمئن …
فيه تخصصات كثيره غير الهندسه وفي الجامعه ،
مثل العلوم الاكتواريه ، وتخصصات الساينس بشكل عام والكمبيوتر وتخصصات الهندسه البيئيه < اشوفها تختلف عن باقي الهندسات
وعندي احساس انك فاهم الهندسه غلط ، حاول تجلس مع ناس في السنه الاخيره من تخصصات هندسه متنوعه يشرحون لك اللي درسوه ،،
وبالنسبه لسالفه التملل من الدراسه صدقني ، اتوقع وشبه متأكد ان كل الطلاب يتمللون من المذاكره ، الا عدد قليل جدا الله يوفقهم
واذا مشيت في الدراسه ، صدقني بيصير شي عادي المذاكره ،
وما اخفيك والله كثير طلاب اعرفهم الجامعه لعبت في نفسيتهم كثير وتعبتهم وفي النهايه تخرجوا ووصلوا
انت حاليا بديت السمستر ، شد حيلك فيه وسو اللي عليك واكثر
لا تخلي شي ابد ماتسويه ، والفيزكس اقرا الكتاب واستعمل مصادر خارجيه مثل اليوتيوب وكورسات في النت ، واسال الدكتور في الاوفيس اور وحل هوموركاتك ،
اتعب شوي ،
واخر السمستر بعد ماتشوف النتايج قرر < اذا كان فيها قرار
اما حاليا الفتره هاذي انصحك انك تنسى كل شي وتخلي كل الافكار على جنب وتركز على دراستك وبس ، ولا تفكر باي شي ثاني غير دراستك ، حمل نفسك المسؤوليه اضغط على نفسك ، انت الحين رجال مسؤول وعندك عقل وقادر تتحمل كل هذا الضغط وتتعدا هالمرحله من التشتت،
يمكن كلامي حوسه شوي ، وفي النهايه التوفيق بيد الله ومابيدي الا ادعي لك وادعي لكل طلاب الجامعه بالتوفيق
ذكرت نقطه اخي العزيز ارى انها تنطبق عليي نوعا ما ، نعم فانا اميل للعمل على عكس الدراسه اللي تتفاوتني حالات بين الرغبه والهجر ،لا اعلم هل تغيير التخصص سوف يحل مشكلتي وبالرغم اني في اول اسابيعي في الجبل فلا اعلم بعد طبيعه المواد لكي احكم انا لا اريد اضاعه عمري في تجربه التخصصات ومايصاحبها من مشاكل التحويل لكن اكتئابي يحول دون ذلك فانا اشعر كاني في منتهى الطرق ، فهل الجامعه فعلا لاتناسبني ام اني لم استطع ترتيب اولوياتي او ان تخصصي هو المشكله الكبرى ؟ يالله رحماك …
نصايح جميله لأي طالب في الجامعه وحتى غير الطلاب
مشكله هالتفكير اللي كل شاغل بالي وخوفي من المستقبل لا اعلم لمذا لكن اقول لنفسي كيف راح امشي في تخصصي الهندسي اذا كنت اشوف الفزكس صعب ويحتاج وقت وبحث وتخصص الميكانيكا باساسه قائم على هذه الماده فهذا يجعل في نفسي بعض الشك والغموض ربما الهندسه لا تناسبني وهذا ما اقنع نفسي به الان لكن مذا بعد الهندسه في البترول ؟ الاداره !! فانا كنت اواجه صعوبه في الثنوي في تذكر المواد التي تحتاج للحفظ حيث كانت بلغتنا الام ، لا اعلم مالخيره لي في البقاء او الخروج لكن لعلي سأبقى واتبع نصيحتكم لأنه هو الخيار الارجح
---
سمعت بتخصص اسمه الهندسه الصناعيه فهل هذا تخصص مطلوب في السوق وعلى مذا يعتمد اقترح علي احد الاخوان على الخاص هذا التخصص فجزاه الله الف خير فمذا ترون فيه ؟
ام ابقى على الميكانيكيه حتى يفرجها الله …
الفيزيكس له تشعبات كثيره جدا , تعميمك على الفزكس كامل صعب شيئ غير منطقي …
من كلامك يبدو لي إنك ما تعرف وش هو تخصصك وما عندك فكره عن طبيعة التخصصات الهندسيه …
ممكن عدم اقتناعك بتخصصك او جهلك لطبيعة مواده مسبب لك قلق , الأفضل لك تاخذ فره على رؤساء ودكاترة التخصصات ممكن تفتح عيونك على تخصص كنت جاهل عنه , المفروض انك حضرت يوم التخصصات على نهاية سنة الأوريا كان مفيد جدا , اذا حصلت لك الفرصه رح له هالسنه مع أن الأفضل تزور الأقسام بنفسك.