السلام عليكم ورحمة الله وبركاته …
انا تخصصي فايننس وحاب هذا التخصص لكن سالفة الوظايف اتوقع مهمة كل شخص
وحاب اعرف هل فيه وفرة في الوظائف للفايننس او لا ؟ لأن احيانا اشوف مواضيع عن طلاب فايننس وبعضهم يشكي أنه ماحصل وظيفة مع ان معدله فوق 2.5
وهالشي شاغل بالي خصوصا اذا جيت اذاكر …
فياليت الي عنده فكرة عن وظايف الفايننس ومجال عملهم يفيدني
+
هل برامج ارامكو وسابك للإبتعاث الداخلي تاخذ تخصصات ادارة ولا
وشكرا … 
اذا توك
حول محاسبة
وظايف مليانة و ما توقف
روميتي “فايننس” تخرج بمعدل 2.9 والحمدلله قبل تخرجه عمل مقابلة مع سابك وانقبل وباشر بعد التخرج مباشرة
بالنسبة للابتعاث الداحلي الترم الماضي سابك قبلت 3 محاسبين وما قبلوا مالية
لكن فيه طلاب مالية مبتعثيين من قبل سابك
انا لما كنت اوريا وزرت يوم المهنة …
الكل يقول لي ان تخصص المالية مطلوب الى 20 سنة قدام و في طلب كبير جداً يفوق أعداد الخريجين …
ولكن للأسف … طبعت ووزعت أكثر من 60 cv في يوم المهنة
و لا جاني ولا حتى عرض واحد
والعيال نفس حالتي
والآن بديت أنسى الى درسته … و الي أحتاجه للمقابلات و للوظيفة نفسها
مع العلم أني متخرج من 8 شهور تقريباً
وعشان ما أحد يجي ويقول يمكن المشكلة من ال cv أو أو أو …
انا اتواصل مع خريجي الدفعة الي قبلي
وبرضو هم عندهم نفس الحالة …
البعض منهم على حافز …
و البعض قدم على البعثات مع أنه ما إله أي رغبة في الابتعاث …
و أنا ما انقل لك الا الواقع المر الذي أعيش فيه …
و أرجو من الأخوة الأعضاء عدم الرد إذا كان لسى ما تخرج أو ما يدري ايش الطبخة
كما أتمنى من ((( خريجي تخصص المالية ))) بالمشاركة معنا و نشوف حال الجميع ولا نحكم على شخص حصل له 5 عروض و آخر ما حصل أي عرض …لكني تتضح الصورة للجميع
محاسبة مطلوب بشكل كبير بسبب ان المحاسبين في المملكة أغلبهم أجانب ويريدون سعودتها
و عليكم السلام و رحمة الله و بركاته ,
هذا موضوعي اللي تكلمت فيه عن الوظائف بالنسبة للفايننس
http://skfupm.kfupm.edu.sa/vb/showthread.php?t=111269
برامج ارامكو وسابك للإبتعاث الداخلي تاخذ تخصصات ادارة
لكن العدد قليل مرة
على سبيل المثال
GE
في
First Semester 2011-12
أخذت طالب واحد فايننس من الجامعة
و بالتوفيق إن شاء الله
الله يستر …
والله شكلي بحول دام الوضع كذا …
توني فرشمن اول سمستر …
طيب لو اخذت الـ cfa بعد البكالوريس تتوقعون القى وطيفة بالراحة ؟
ال cfa موضوعها ثاني و لكن تحتاج الخبرة عشان يسهل عليك انك تاخذها
الاداريين عموما وظايفهم كثيرة بس المهم معدل فوق 3 /4
الرجال يسأل عن الفايننس
الادارة فيها تقريبا 5 تخصصات مختلفة
ولكن الي سوقه طايح هو الفايننس وانا انصح انه يسأل الخريجين من هذا التخصص للسنوات الثلاث الماضية عشان يتأكد مئة في المئة
انا تخصصي بزنس ادمنيستريشن ومعدلي 4.73/5 سكند اونر شنو الشركات اللي اقدر اقدم عليها ويوظفون بنات. … وشكراً
مع العلم اني سويت الانترفيو مع ارامكو والى الان انتظر ردهم وسبق واخذت السمر بروقرام عندهم تو تايمز
وعليكم السلام ورحمة الله وبركاته
نصيحتي لك اذا انت حاب التخصص وعاجبك لا تحول كمل فيه والرزق على الله
بس في نقطة حبيت اضيفها في كثير من الطلاب الي يتخرجون فايننس يشتغلون محاسبين يعني اذا كلش ماحصلت شغل فايننس تقدر تقدم على محاسبة وبتحصل لك فرص بإذن الله
نصيحتي حول محاسبة
تخصص عليه طلب كبير ولله الحمد
صحيح وهذا اللي شفته لكثير من شباب الفايننس
العروض قليلة بالنسبة لعدد الخريجين.
الاثنين في الهواء سواء
فالمالية العروض من قبل الشركات أكثر من المحاسبة لكن عدد الخريجين يفوق عدد خريجي المحاسبة بالضعف والنهاية واحدة.
لا نخدع أنفسنا اذا انت تبحث عن الطلب في السعودية عن ايش بالضبط.
فواضحة بالنسبة لي إن الطلب على الهندسة وفقط أما التخصصات الادارية جميعها لافرق بينها فكلها عليها طلب لكن لا يكفي عدد الخريجين.
في النهاية كلامي ليس تشجيعا لك أن تدرس الهندسة لأنك إذا كنت لا تحب التخصص فهو انتحار بالنسبة لي.
كلامي أنك تبقى على ماتحب والرزق على الله وان سألت خريجين التخصصات الادارية فكلهم يعانون من المشكلة فعلى الاقل ربما تكون لك أفضلية ان كنت تحب التخصص وأبدعت فيه.
وشكرا,
اااااه بس واخيرا لقيت ناس تعاني مثلي ,
اخوكم في الله خريج ادارة مالية جامعة الملك سعود معدلي 4.14/5 متخرج في الصيف ولابقى شي ماقدمت عليه وتعببببت جدا ومايتصل علي غير البنوك الربوية , المصيبة اني انخدعت في هالتخصص وانه مطلوب بشكل كبير في الشركات وهو كله كلام فاضي , والله العظيم لو يعود بي الزمن ورا لأدخل محاسبة ,
المصيبة الكبيرة التخصص مجاله ربوي بشكل كبير جدا , والله اني متحطم جدا هالأيام متشتت , قدمت على ماجستير الملك سعود في المالية موازي والقبول شبه مضمون , لكن الحين كنسلت الفكرة , والخوف من المستقبل الربوي ,
الحين جت ببالي فكرة بحاول اشوف لي اي وظيفة واخذ خبرة , واطلع كندا ان شاء الله اخذ ماستر بأي تخصص اداري غير المالية , وافتك من الهم اللي عشته ,
حديث كلما قرأته او تذكرته ارتعبت ,
حديث جابر : لعن رسول الله - صلى الله عليه وسلم - آكل الربا وموكله وكاتبه وشاهديه وقال : هم في الإثم سواء ولأصحاب السنن وصححه ابن خزيمة من طريق عبد الرحمن بن عبد الله بن مسعود عن أبيه : لعن رسول الله - صلى الله عليه وسلم - آكل الربا وموكله وشاهده وكاتبه وفي رواية الترمذي بالتثنية ، وفي رواية النسائي من وجه آخر عن ابن مسعود : آكل الربا وموكله وشاهداه وكاتبه ملعونون على لسان محمد صلى الله عليه وسلم .
Up
والله كلامك يالزهراني ما يحس به الا اللي متخرج و جلس في بيتهم ماكل هواء
التخصص سيء جداً و كلام الشركات انه مطلوب لما يجوك في يوم المهنة كله كذب في كذب لأنك لما تجي تقدم تجد عكس كلامهم
بشر وش صار معك ؟ هل حولت ولا لا ،، انا الان فريشمان فايننس وش نصيحتك لي؟