بسم الله الرحمن الرحيم
عندي مقابلة مع الهيئة الملكية بالجبيل ومقابلة مع سعودي كونسلت.
والمقابلتين في نفس اليوم والوقت . وحاولت أغير موعدها ولكن رفضو تغير الموعد
لابد اختار وحدة منهم أروح مقابلتها. لكني متردد بينهم نوعا ما. ماعندي معلومات كافية حتى أقارن ما بينهم.
ياليت احد يفيدني . والله يكتب الا فيه خير.
رأيي الشخصي إنك تروح لمقابلة الهيئة الملكية علشان ما تصير بالنسبة لهم غير ملتزم, أغلب اللي تعاملوا معهم بيأكدوا إنهم مهتمين جدا بمسائل الوقت و الالتزام بالمواعيد… إضافة إلى إنه الهيئة سمعتها جدا كويسة.
أما سعودي كونسلت فأكيد بيكون تبدير موعد جديد معهم أهون من تدبير موعد جديد مع الهيئة الملكية.
بالنسبة لتغيير الموعد انا حاولت مع سعود كونسلت لتغيير الموعد ورفضوا لانه مقابلاتهم لمجموعة كبيرة بنفس اليوم
انت في الشرقية واحنا في مكتب جدة
بالمناسبة فيه احد عنده خلفية عن سعود كونسلت:المقابلة الشخصية-الرواتب-طبيعة العمل لمهندس كهرباء
يعطيكم العافية ياشباب.
سؤالي كان اي جهة افضل ؟
بحثت عن الهيئة الملكية ووجدت معلومات عنها وخلفية عن الراتب والزيادات والخ. اما سعودي كونسلت ماحصلت اي شي عنها.
حتى الآن انا حاجز رحلة للجبيل وليس إلى جدة
انا من الجبيل الصناعية و كل شيء اعرفه ان فرصة العمل فالهيئة الملكية لا تعوض الا بسابك او ارامكو لأن الهيئة منشأة ممتازة جدا و تقدر الموظف بشكل كبير و صدقني اذا ابدعت بعملك ما في شيء راح يمنعك من الترقيات ممكن اكون للحين في بداية مرحلتي الجامعية لكن الهيئة فرصة ممتازة , وفق الله الجميع
اذا الله وفق واشتغلت مع سعودي كونسلت فأنت راح تكون كنتراكت مع الهيئة الملكية 
يعني راح تشتغل على مشاريع الهيئة الملكية ، واللي راح يشرف عليك هم موظفي الهيئة 
بالتوفيق
أخوي إذا المقابلتين في نفس المدينه حاول تروح لهم كلهم … يعني ممكن تستغرق معاك المقابله الأولى ساعتين حتى تنتهي من المقابله على حسب المتقدمين … بعدين روح للمقابله الثانيه وإشرح لهم سبب التأخير إنه ظرف صحي أو من هذا القبيل …
وأقترح عليك تنتهي من مقابله الهيئه الملكيه بالجبيل أولاً ثم سعودي كونسلت … حتى وإنت إحتجت السفر لمده ساعه … الله يسهلها لك من عنده … وأخوك مجرب مرّ بنفس المشكله سابقا ً…
ما عندي اي فكرة عن سعودي كونسلت
بس الهيئة الملكية ممتازة جدا
مافي يوم في حياتي شفت موظف يشتغل بالهيئة الملكية ويذم فيها 
والله يوفقك …
الهيئة الملكية
مستقبل وامان وظيفي
و الدراهم زينه
سعودكونسلت ما عندهم سالفه في الرواتب وخذها مني
كانت الشركه اللي انا فيها اول شغاله معهم في نفس المشروع …ورواتب المهندسين اعلى شي 6000 واذا تفضل عليك 6500
الله يرزقك بالذريه الصالحه والمال الحلال والله يجمعنا باحبنتا في الفردوس الاعلى امين
الله يعطيكم العافية ياشباب. وهذا الا كنت متوقعه. ان المعظم بيفضل الهيئة الملكية. وان شاءالله هيا الا بروحلها.
المقابلتين وحدة بجدة والثانية بالجبيل. لكن نستخير والله يكتب الا فيه خير لي ولكم. وأتمنى لكم التوفيق والرزق.
سبحان الله!
والله والدي قاللي نفس الكلام… طبعا هو مدير شركة وبيتعامل معهم من زمان!