عرض من شركة الصناعات الكهربائية (وسكوسا + شركة المحولات السعودية)

السلام عليكم

أنا أشتغل حاليا في شركة مقاولات و عندي خبرة حوالي 5 سنوات و اشتغلت في شركتين قبل هذه.

جاني أمس عرض من شركة الصناعات الكهربائية (وسكوسا + شركة المحولات السعودية) بالدمام بوظيفة Sales Engineer “A” و لكني تفاجأت بالراتب حيث أن الراتب الأساسي كان أقل من الي أستلمه حاليا بمقدار 500 ريال و كذلك الفل باكج أقل ب 800 ريال من الي أستلمه حاليا.

أنا تفاوضت معهم على الراتب و قالوا لي ما في مشكلة بس أرسل Pay Slip حقك و أرسلته لهم على الايميل و قالوا لي راح نرد عليك مع أن مدة العرض 7 أيام فقط.

بس معقولة خلال المقابلة لما سألوني عن الراتب قلت لهم تفاصيل الراتب كاملا فكيف يعطوني راتب أقل يعني يمكن مو مصدقين براتبي إلا إذا أرسلت لهم Pay Slip حينها يصدقون.

هذه ثاني مرة تحصل لي هالحركة أيضا في الشركة السابقة قلت لهم في المقابلة براتبي كاملا و لما جاء الأوفر عطوني راتب أقل من الشركة الأولى ثم تفاوضت معهم و أرسلت لهم Pay Slip و بعدها عطوني أكثر ثم قبلته.

تتوقعون هل راح يعطوني راتب أكثر من الحالي حيث أن الي أعرفه أن الشركة معروفة و مستقبلها جيد لمهندسي الكهرباء و هل أي أحد اشتغل فيها يقدر يزودنا بمعلومات أكثر عن رواتبهم في قسم Sales.

و شكرا

up…

اللي اعرفه انه الشركات مثل ارامكو تعتمد على وسكوسا في طلب المحولات الصغيرة

هل وصلتك رسالتي الخاصة اللي أرسلتها لك أمس اخوي؟
أتمنى ترد على رسالتي اخوي اللي أرسلتها لك بخصوص رواتب شركة المحولات السعودية للمهندسين الكهربائيين المبتدئين. الموضوع جدا يهمني.

up

مادام انك اشتغلت في شركتين قبل كذا فالمفروض تعرف كيف تفاوض وتتكلم بالمقابلات عن الراتب وتفاصيله…

المفروض قبل ماتسوي المقابله او بالمقابله تسألهم عن رينج الراتب للوظيفه اللي مقدم عليها عشان تعرف الرينج كم بالضبط وبعدين تبني المفاوضات على هالاساس… مو على راتبك الحالي!! لأنهم اذا عرفوا راتبك الحالي فراح يعطونك نسبه معينه اعلى وخلاص…

الفل باكيج 9000 ريال بعد خصم التأمينات

بالتوفيق للجميع

انا برضو جاني اتصال (خريج فايننس )

قالو لي تعال شوف الاوفر يوم الاثنين … ابغى اعرف

كيف بيئة العمل والتطور !! كيف التدريب عندهم … الرواتب ؟؟ ومستقبلها كشركة

مشكور :slight_smile:

شباب صار لي اسبوع و ما ردوا علي مع أن آخر يوم للعرض )الذي أعطوني إياه ( هو اليوم
وش الحل معاهم
هل أتصل لهم بكرة أستفسر وش صار أو أنتظر بعد شوي
مع أني أرسلت لهم pay slip و قالوا لي بيردوا علي و ما في رد للحين

لو أن مكانك كلمتهم

الله يكتب لك اللي فيه الخير

حاول معهم مره ثانيه

اليوم اتصلت عليهم في البداية ما احد رد علي ثم رد علي الفلبيني و قال لي دقيقة باشيك معاك و انصدمت لما قال لي This is the final offer cannot be change
قلت له كيف أنا أرسلت لكم البي سلب علشان تعدلوا الأوفر و لم يحصل أي تعديل شكلهم ما مو مهتمين بأحد أصلا مجرد سعودة فقط
على كل حال قلت له أنا ما تفرق معاي حاليا راتبي أكثر من الي عرضتوا علي و أنا مرتاح معاهم و ممكن يعطوني بعد زيادة نهاية هذه السنة و بعدها قال لي We will check again and we will call you back

ويش رايكم
الي لاحظته أن HR عندهم مشكلة في تقييم المتقدم للوظيفة من خلال خبرته العملية لأن الي يقابلك ليس من القسم المتخصص في الشغلة