" شد حيلك" ,
ممكن بعض الناس يفهمونها على إنها " توكل على نفسك " , وقد خاب من توكل عليها . توكل على الله , وثق بالله إنه راح يصلح حالك وأحسن الظن به .
غير مكان مذاكرتك , أطلع للكومن روم ولا المول ولا أحدى المباني الأكاديمية,
حاول تذاكر مع طلاب " إيجابيين" , صراحةً شفت فكرة حلوة في قسم السنة التحضيرية إن فيه قروب يتجمعون ويذاكرون مع بعض , وترا أحسن شي لما تكون ما تعرفهم عشان تنجزوا أكثر وما يكون بينككم سوالف وغيره.
لو ذاكرت لحالك , شغل قرءان , و أختر لك قارئ تحب تسمع له . فإنه يهدي الأعصاب وترتاح نفسيتك حتى لو لم تكن متابع للشيخ .
سجل بحلقة تحفيظ قرءان , وخلها الفجر , ممكن تقول إن ما عندك وقت عشان تحفظ , أظن إن خمس أيات إلى وجه واحد يوميا لا تضيع وقتك .
ولو قلت " ما عندك وقت" راح يكون فعلا ما عندك وقت , الوقت موجود , وقدامك فرص كثيرة , أستغلها إستغلال حقيقي.
كل ساعة مذاكرة , خذ لك بريك أبو ربع ساعه إلى عشر دقايق , أقرا مع الشيخ وركز على التجويد. وحاول تكون السورة حقك حفظ الحلقة.
أدع ربك بكل ساعه , لا تمر ساعة إلا وأنت رافع يدك للسماء ورافع يدك وطالب الله ان يصلح حالك .
صدقني فيه طلاب يتمنوا إنهم يكونوا بمكانك , لأنهم يحبوا شي أسمه " تححدي " ولازم تبدأ تتحدى مع نفسك أولا وتنافس , هذا لا يعني إنك تضيق على نفسك , بل بالعكس عطها حقها ولكن دع التحدي يكون من جهة راحة النفس.
غير الجو وأطلع للجم , مارس الرياضة الله تحبها , سباحة كورة وغيرها .
سورة التغابن فيها الكثير من العبر والآيات العظيمة عن التقوى ومن يتق الله ما هو ثوابه .
عليك بأذكار الصباح والمساء .
“العظماء ما بلغوا عظمتهم إلآ لأنهم قدروا على التحدي وبلوغ مبتغاهم.”
أعضاء المنتدى هنا لمساعدتك لإجتياز محنتك, ولكن المطلوب منك فقط هو فعل الأسبآب , إجتهد إجتهد إجتهد.