السلام عليكم
يا شباب مثل ما هو واضح من العنوان ابغى اعرف قد ايه يبعد القطار عن المطار في الرياض وقد ايه يستغرق من الوقت؟ وكم ياخذوا التكاسي لهذا المشوار؟
ويعطيكم العافية
القطار مخرج 16
يعتبر شرق الرياض
والمطار في اقصى الشمال
اتوقع ياخذون منك 80-100 ريال
وياخذ 25 دقيقه الى نص ساعه
طبعا هذي بس مسافه الطريق و الاشارات
غير الزحمه اذا فيه زحمه ممكن الى 45 دقيقه
الله يعين
حسب زمن الوصول ما هنا إشارات يا رجل لأن من الدايري مباااااشرة للمخرج .
يعتمد بالدرجة الاولى على الوقت
ممكن ياخذ 25 دقيقة وممكن تقعد 45 دقيقة الى ساعة
الا فيه اشاره بالعاده تكون زحمه فل
واشاره ثانيه بس صغيره وفاضيه
اذا طلعت مع 16 يمين تمشي قدام تجيك اول اشاره (تقاطع شارع عمر بن الخطاب إن ما كنت غلطان)
وبعدين الاشاره الثانيه اللي تروح معها يسار
ماأتوقع أنه يأخذ 100 ريال !
واحد أعرفه أخذ عليه 45 ريال من المحطة إلى مكان قريب من المطار !!
اطلع برة محطة القطار شوية بتصير التكاسي أرخص
هو بيروح العكس
لو كذا صح اللي برا ارخص ب 3 مرات
لكن المطار ما فيه حل
الا اذا واحد توه منزل اركب معه على طول يصير رخيص