جمعة مباركة جميعا.
واحد من الشباب معايا الان ويسأل، الرجال راح يتخرج ان شالله السنة القادمه الترم الاول. في بغى يسأل اذا كان ممكن يسوي حفلة تخرج الترم القادم، مع أصحابه وحبايبة. وإذا ممكن، يكلم مين؟
عقبالنا وعقبالكم،
للأسف ما يقدر ، انا مرين بنفس الوضع
فيه طريقة ، وهي يروح حفل التخرج باسم احد اصحابه الخريجين اللي ما يبغون يحضرون الحفل
أفا! والله الرجال بيزعل.
والله يا"واحد من الشباب" حتى انا=“واحد من اخوياي هههههه” يبغى يتخرج بنفس الفكرة بس مادامهم بيقلعوني مع حقين السنة الجاية بقاطعهم . اساساً حفل التخرج بدعهـ . حفل التخرج مفطح بين اهلك وقرايبكـ وحفله صغيره للحريم وصلى اللهم وبارك
بالعكس حنا احسن منهم . هم يحتفلون ووراهم مياجر , حنا ماورانا شي ههههه
و اللي حفلته الترم الجاي و اسمه ما نزل بالقائمة ؟ 
والي بيتخرج السنه الجايه الترم الاول…واسمه نزل بالقائمه الترم الجاي
كيف تشوفو القائمه شباب؟
^ من موقع الرجسترار . فيه قائمة الخريجين 
^^
ارسل رسالة للرجيسترار وعلى طول يرفع اسمك
طيب شباب انا الحين شيكت على الموقع http://regweb.kfupm.edu.sa/grad_list/grad_list.htm
انا ان شاء الله بتخرج بترم 141 ومخلص فوق الـ100 مع الترم هذا الحمدلله
لقيت طلاب اعرفهم مخلصين ساعات اقل من الـ100 بعضهم باقي مااخذ كؤاب وبيتخرجون في ترم 142 واساميهم موجودهـ !
السؤال: فيه طريقة للتحايل اني احط اسمي معهم , او اقدر اتحجج بهم :] <<لحد يقول نذالة 
^
أبدا ما تقدر ، أظن طريقة فرز الأسماء هو عدد الساعات
^^^
طيب والي عدد ساعاتهم اقل مني ؟ وموجودين في ترم 132 و133
وجود الأسماء غير نهائي ،
أنا اسمي كان ب 3 أترام
يعني مشي حالك ياعمي
في آخر ترم لك ، واسمك مو موجود في اللستة ، لازم تراجعهم لان فيه فورم التخرج لازم تعبيه
القائمة يتم تنقيحها وفلترتها لما يقرب موعد الحفل والأسماء يتم المرور عليها اسم اسم…
لو اسمك مش مضاف تاكد انك تكلمهم لانو الاسماء الناقصة لا تضاف بدون تنبيه من اصاحبها عشان بعض الطلاب مستحقين للتخرج لكن حابين يأجلوا…
لكن لو اسمك مضاف وانت فعليا ما في امل تتخرج في نفس السنة او الصيف التابع لها، سيتم حذفه لما يقترب موعد الحفل.
انا اسمي اضيف اكثر من مرة
طبعا الحساب يكون بعدد الساعات و كل ترم الحد الاعلى يكون 19 و عليك الحساب
اما بالنسبة للي بيتخرجون الترم هذا و ما حصلوا اسمائهم او حصلوها بالترم الثاني فممكن يكون فيه مواد لم يتم حسابها من ضمن الخطة و خصوصا مواد الاليكتف بسبب تغير الخطة او انه اختار مواد لم تكن من ضمن الخيارات فكثير من الشباب يعانون من المشكلة لكن يقدم بيتشن و تعادل له فلازم تتاكد من هالشغلة
ايضا الطلاب اللي طلعوا ببرنامج التبادل الطلابي احيانا تكون بعض ما عادلوها او تكون عادلها القسم اللي يقدم المادة لكن لم يحسبها له المسجل فلازم يروح لهم يتفاهم معاهم و قد يتطلب الامر انه يقدم بيتشن هذي حصلت لاحد زملائي
و مبروك مقدما لخريجي هذا الترم و مبروك لي و للبقية اللي بيتخرجوا معي الترم القادم بعون الله
ردود كافية ووافية، ماقصرتوا.
ألف مبروك للخريجين 
والله يوفقكم
والذمة الذمة يا شباب في الأمانة والمشاريع
وعقبال الزواج
.
…
…
…
…
.
وعقبالنا حنا 
دمعت عيني
الله يوفقكم و آلف مبروك لخريجي هذي السنة … الله ينفع بكم … و بإذن الله تكونون بالمناصب العُليا
و دعواتكم لنا … عقبالنا ياارب
انا اسمي موجود في لستة ترم 133 هل اقدر احضر حفل التخرج ؟
رغم اني باقي بأطلع كو اب الترم الجاي
اللي عنده علم يعلمني
وبالتوفيق للجميع
مبرووك و تستاهلون يا اخواني الخريجين
( من جد وجد ومن زرع حصد ) مثل قديم و لكن اراهن انكم عرفتوا معناها و قيمته الحين , الله يجلعكم فخر للأمة و لأهلكم و لأانفسكم و من نجاح لنجاح و هذي مو نهاية الطريق طريق العلم ما يوقف
الله يوفقكم و عقبال الباقيين