قبل الدخول إلى صلب الموضوع أببدا موضوعي بالمقولة (من يفعل الخير لغيره يفعله لنفسه أيضاً).
الواحد بيمر في تجربة الجامعة و بيتخرج وبينتهي , و زي مااحنا نحتاج المساعدة والمعونة بيجون طلاب بعدنا يحتاجونها , اللي ابغا اوصله واقوله احنا طلاب واوقات الواحد يحتاج يعرف عن دكتور ما او عن كورس ما ولكننا نلقى نقص في تحديث اسامي الدكاترة ونقص في تحديث ارقام الكورسات(من ناحية المشرفين), ونقص في التقييم(الدكاترة والمواد) وتقييم غير عادل لبعض المدرسين
( من ناحيتنا نحن الطلاب) , وكلنا في دائرة وحده والمتضرر نحن والمستفيد نحن …
أولا:ياليت الطلاب اللي اخذوا مع دكاتره يقيمونهم تقييم قائم على الصدق وليس قائم على التحييز أو العنصرية أو تجربة شخصية … الى اخره , لدرجة إن طلاب كثير ساروا ماياخذون بتقييم المنتدى بسبب عدم المصداقية فخلونا نتعاون ونكون يد وحده …
ومن ناحية المقصرين في التقييم فانا أولهم …
وثانيا ياليت نلقى من المشرفين قليلا من التحديث والاهتمام من ناحية اضافة اسامي الدكاترة وارقام الكورسات …
مجرد كلام كان يدور في خاطري من فترة واكيد يشعر فيه الكثير وحبيت اشارككم فيه لكي نستفيد ونفيد …
ومثل مابدأت الموضوع بمقولة بنهيها بالمقولة اللي تقول ( ربما أتينا جميعاً على متن سفن مختلفة، لكننا في القارب ذاته الآن).
من ناحية التقصير فكلنا مقصرين للاسف وخاصة في تقييم الدكاترة والكورسات ومن ناحية اضافة المدرسين ففيه موضوع مثبت لهذا الغرض وتم اضافة الكثير من الدكاترة الجدد واي دكتور ما تلقى اسمه اكتب رد وسوف يتم اضافته
والقسم التفاعل فيه جدا ضعيف لا ادري ما السبب لكن الاغلب ياخذ اللي يحتاجه وبس
وعليكم السلام ورحمة الله وبركاته أهلا بك وياليتك تتقبل مروري مثل ما تقبلت ردك بكل سعة صدر
ما يحتاج انت أعترفت بنفسك !!! , ما لقيت لك ولا رد واحد في تقييم الدكاترة أو الكورسات وعلى ما أظن انك طالب سينير والله يوفقك وتتخرج بالمعدل اللي تتمناه. عفوا انتقدتنا بغير وجه حق فـ اسمح لي عزيزيانتقدك بوجه حق.
ظلمتنا والله وأي أعضاء ظلمت حنا من يوم بدينا الحملة ( شوف الموضوع هنا ) وحنا شغالين تقريبا يوميا في اضافة الدكاترة والكورسات وتبي اثبات اعطيك اياه غالي والطلب رخيص. وثبتنا في كل قسم موضوع خاص لإضافة الدكاترة والمواد (مثل هذا الموضوع) وقلنا يا شباب أي دكتور ماتلقونه عطونا اسمه وحنا نقوم بالواجب فإذا كان التقصير منكم من اللي مفروض يلقى اللوم عليه حنا ولا أنتم !!!!.
وأخيرا ردا على عنوان الموضوع
عطني أسماء الكورسات اللي يبيلها تعديل وأسماء الدكاترة اللي يبيلهم إضافة وحنا نقوم بالواجب في اسرع وقت
وعليكم السلام ورحمة الله وبركاته أهلا بك وياليتك تتقبل مروري مثل ما تقبلت ردك بكل سعة صدر
اهلا بك زود
ما يحتاج انت أعترفت بنفسك !!! , ما لقيت لك ولا رد واحد في تقييم الدكاترة أو الكورسات وعلى ما أظن انك طالب سينير والله يوفقك وتتخرج بالمعدل اللي تتمناه. عفوا انتقدتنا بغير وجه حق فـ اسمح لي عزيزيانتقدك بوجه حق.
صح انا اعترفت بنفسي ومايحتاج تدور على ردودي لاني معترف مسبقا
وصحيح انا طالب سينير والله يسمع منك ونتخرج وعقبالك…
ومن ناحية انتقدتك بغير وجه حق لاتاخذها من هذا الباب فيه شيء اسمه (نقد بناء) وفي النهايه قلت الكلام ذا عشان كلنا نستفيد …
ظلمتنا والله وأي أعضاء ظلمت حنا من يوم بدينا الحملة ( شوف الموضوع هنا ) وحنا شغالين تقريبا يوميا في اضافة الدكاترة والكورسات وتبي اثبات اعطيك اياه غالي والطلب رخيص. وثبتنا في كل قسم موضوع خاص لإضافة الدكاترة والمواد (مثل هذا الموضوع) وقلنا يا شباب أي دكتور ماتلقونه عطونا اسمه وحنا نقوم بالواجب فإذا كان التقصير منكم من اللي مفروض يلقى اللوم عليه حنا ولا أنتم !!!!.
طيب استاذي الكريم انا ماانكرت فضلكم ولا انكرت جهودكم و المراد هنا النقد البناء وركز على كلمة بناء , وانا ماحطيت الغلط عليكم فقط قلت انه كلنا غلطانين واقرى الموضوع مره ثانيه وانت بتفهم جملتي اللي كانت تقول: ((" اللي ابغا اوصله واقوله احنا طلاب واوقات الواحد يحتاج يعرف عن دكتور ما او عن كورس ما ولكننا نلقى نقص في تحديث اسامي الدكاترة ونقص في تحديث ارقام الكورسات(من ناحية المشرفين), ونقص في التقييم(الدكاترة والمواد) وتقييم غير عادل لبعض المدرسين ( من ناحيتنا نحن الطلاب) , وكلنا في دائرة وحده والمتضرر نحن والمستفيد نحن")) فياليتك قريت الجملة كاملة واستنتجت منها انه الغلط مشترك ولما تقول مين المفروض يلقى عليه اللوم انا مانزلت الموضوع بهدف تبادل التهم نزلته عشان نصحح الاغلاط اللي موجوده … ومن ناحية انه يوميا تحدثون المفروض خلصتوا تحديث مواد الكهربا ودخلتوا على التخصصات الثانية لانه مايحتاج لها الا انه تدخل على الريجسترار وتشوف المواد والدكاترة اللي منزلين الكورسات وتضيف الجديد منهم لااكثر ولا اقل ماهو سوال في ميجر عشان يحتاج له كل ذا الوقت (يوميا) ههههههههههه … وتفضل ارقام الكورسات والدكاتره اللي مالقيتهم في المنتدى وهذولي بس من مواد المستوى الرابع فقط بحكم اني ماشفت المستويات الأخرى …
لانه مايحتاج لها الا انه تدخل على الريجسترار وتشوف المواد والدكاترة اللي منزلين الكورسات وتضيف الجديد منهم لااكثر ولا اقل ماهو سوال في ميجر عشان يحتاج له كل ذا الوقت (يوميا) ههههههههههه … لا مو بذي البساطة لازم نبحث عن موقعه وايميله ومنصبه هل هو دكتور أو طالب ماستر ولازم نرفق صورته إذا وجدت ( 4×6 ) مكشوف الرأساتكلم بجد عدا الكلام المحتوب بالأزرق
نبدأ ونطلع الفضايح
1-SAMEH SORUR
موجود وضفنا موضوع تقييمه قبل خمس أيام هذي أول وحده عليك
أما المواد فمعك حق واعذرنا حنا مقصرين فيها ولا وحدة موجودةولكن لا يكون خاطرك إلا طيب وراح أضيفهم الآن
في النهاية حبيت أوضح لك ان نحن الثلاثي المكون من فالح والدحمي وأنا نسعى دوما لخدمة المنتدى وما نفعله هو واجب علينا وأتمنى انكم تساعدونا في أداء هذا الواجب.
سامحني عزيزي ان كان في ردي الأول جفاء أو غلط أو غلّظت عليك في الرد ولكن يعلم الله اننا دوما نسعى للأفضل لنا ولكم وبصراحة كبرت في عيني في ردك الثاني. أرجع وآكرر آسفي إذا حدث مني مايسوء والله ولي التوفيق.
بجاوب عليك اخوي كيمست في عدة نقاط … من ناحية الدكاترة اللي تقول موجودين ( 5 من 7 ) انا دخلت بنفسي على صفحة الدكاترة ودورت اساميهم وكتبت اساميهم في البحث مالقيتهم … الروابط اللي انت حاطها حقت المدرسين لقيتها في الموضوع الجديد حق المدرسين بس اتوقع اني انا كطالب وكاي طالب مابقعد ادور في المواضيع موضوع موضوع عشان ادور الدكتور الفلاني فين تقييمه بيكون … فعشان كذا حطيت لك السبعه اسامي … ولكن مازال من السبعة اثنين ماانحطوا حتى في الموضوع … وبخصوص المواد انت شفت بنفسك انكم معطينها وضعية المزهرية لانه ولا مادة انضافت ههههههه…
فعلى كلامك الاول انه انا اتهمتكم بغير وجه حق انكم مقصرين اتوقع انه انت شفت انه فيه كم مو نازلة وهذا يدل على اني قلت شيء واقعي (وكلامي ماكان اتهام اكثر من عتاب محب) …
ولكن والله اني ماكتبت الموضوع قاصد المشرفين او غيره … اني كتبته بس عشان كلنا نستفيد وقلت واعترفت في الموضوع انه كلنا مقصرين كطلاب وكاعضاء وقلت انه انا اول واحد مقصر في ذا الشيء …
واتمنى ماتكون زعلت مني في ردي لك او اني جبت طاري المشرفين هههههههه يا أحسن مشرف << خايف منك…
وفي النهاية انتم تبذلون مجهود تشكرون عليه والله ومن لايشكر الناس لايشكره الله (فشكرا لكم انت والدحمي وفالح) …
الله يسلمك هذا من طيبك وحنا مو مثاليين ومنا بعض التقصير ولكن نحاول جاهدين نخرج بأفضل النتائج
+
معكم حق الدكاترة الجدد المضافين ماتقدر تلقاهم لما تسوي بحث ولكن هذا الأمر مو بيدنا وراح نكلم الإدارة بهذا الشي وان شاء الله يصير خير ولكن في الوقت الحالي تقدر تبحث عن أي دكتور بسهولة وذلك من خلال البحث عن اسمه هنا http://im39.gulfup.com/IOqJc.jpg وراح يطلع لك موضوع تقييمه في أول المواضيع (جرب وشوف)
صح ولكن التقصير فقط في المواد الإختيارية أما المواد الإجبارية فأعتقد ان كلها موجودة
أبدا ما فيه شك ياطويل العمر والقلوب عند بعضها وعارف والله ان هدفك من الموضوع النقد البناء وليس الإنتقاص من أي عضو وهذا يدل على حرصك واهتمامك والله يكثر من أمثالك ياغالي
لا والله كلام الحق مايزعل
بس حبيت انوه على نقطة وهي ان أي دكتور ناقص أو مادة مالها موضوع تقييم ياليت تكتبون النقص في هذا الموضوع علشان نضيفه بـ أسرع وقت
ثاني وحدة عليك 
!!! وثالث وحدة عليك 
ورابع وحدة عليك 
وخامس وحدة عليك