السلام عليكم شباب كيف الحال
حاب أسئلكم الحين هل الشركات تطلب السجل الأكاديمي ؟ تدقق عليه مثلا عندك ترم سحبته ولا في اترام عندك فيها رسوب كبير ؟ هل بيكون عائق في التوظيف أبي رايكم الخاص
المعدل ان شاء الله عندك التخرج 2.80 من 5 عند التخرج و التقدير جيد
لا مايدققون ولا يطلعون فيه ويعتمدوا على cv واذا انقبلت ياخذوا نسخة من السجل ونسخة من الوثيقة لوضعها في ملفك لدى الشركة فقط.
انا كان عندي رسوب ولا حد سأل عنه لان ماحد سأل عن السجل الا الشركة اللي توظفت فيها عشان يحطوه في الملف حقي في الشركة.
فلا تشيل هم ياخوك.
وعليكم السلام ورحمة الله وبركاته
أنا توظفت في شركتين … ولا وحدة منهم طلبوا السجل الأكاديمي 
ممكن تستغرب هالكلام … لكن محد منهم طلب هالشئ ! طلبوا أصل شهادة التخرج وأخذوا صورة منها بالإضافة إلى السيرة الذاتية وشهادات الخبرة والتدريب .
الله يعطيكم العافيه ريحتوني كنت شايل هم
نعم يدققون ويسألون عن الحذف والتأخر في التخرج
خل نأخذها حبه حبه … إذا تسأل عن الشركات بشكل عام فعاده يكون الوضع كالتالي :-
جاهم السيفي حقك … عملوا لك المقابله … يتواصلون معك علشان تجيب ما يثبت تخرجك اللي هو الوثيقه و السجل علشان زي ما قالوا الأخوان مجرد روتين لا أكثر لكن هذا الأمر ما هو لكل الشركات …
الشركات المحترمه و حط تحت كلمه المحترمه خط كبير
راح تطلب منك أنك تجيب الترانسكربت حقك في وسط المقابله … عملت مقابلات مختلفه في سابك … في شلمبرجير … في شركه الكهرباء … في … في … في و الأغلبيه تطلبه … اللي ما طلبوه هم شركات قدمت عروض عاديه جدا و بعضها كان شركه متواضعه من الأساس ما يفرق معها المعدل من أساسه
و يسألون و يناقشون بعضهم عن سبب انخفاض المعدل
سويت أربع مقابلات بعد تخرجي وفي شركه واحده فقط هي اللي دققت في الترانسكربت
الشركة الي أشتغل فيها الآن ماناظروه أصلا. فقط أخذه موظف في الموارد البشريه في يوم مباشرتي ووضعه مع سجلات الموظفين
بعض الشركات يكتفي بوثيقة التخرج و خصوصا اذا كنت اونر لان الشركة راح تقارن بين المكتوب في ال cv و بين الوثيقة .
مثلا لو كنت 3.2 و الشركة شافت ان في وثيقة مكتوب مرتبة شرف 3 ما راح تددقق
لانها تعرف ان مرتبة الشرف الثالثة بين 3.00 و 3.249
و خصوصا للشركات اللي تعمل لك أكثر من 3 مقابلات عشان الوظيفة
بالتوفيق يارب