التعيين على قريد 10 اللي هو يعادل قريد 11 في ارامكو مجرد اختلاف مسميات
بعدين تدخل في برنامج تدريبي لمدة سنتين اسمه السيد
البرنامج تجيك فيه ست زيادات كل سنه ثلاث زيادات
الزيادات على حسب تقييم مشرفك 300 او 500 او 700 كل ست شهور
واخر السنه تدخل مع الموظفين في التقييم اخر كل سنه
طبعا ياطويل العمر بعد السنتين هذي يجيك قريد وتصير على قريد 11 ومع تغيير القريد تجيك زيادة من 500 - 2000
طيب مقدار الزياده على حسب تقييم مشرفك للسنه الثانيه فقط
يعني بعد سنتين راتبك الاساسي حول 16000
مجموع كامل الراتب 16000+4000= 20000
بعد خصم التأمينات 18200
18200+ بدل المواصلات (1000) = 19200
بعد سنتين في سابك راتبك 19200 ( طبعا الحسابات اخذت الافرج )
لو تشد حيلك يطلع اكثر
الكورسات اول سنه مافيه لكن من ثاني سنه يصير لك كورسين على الاقل
واحد منها على الاقل خارجي
الكلام هذا كله للتخصصات الهندسيه
طبعا سابك مكافاة نهاية الخدمه فيها دبل ارامكو
التأمين الطبي فيها اعلى من ارامكو وصداره لان تأمينهم كلاس a وتأمين سابك vip
قريبي في ارامكو ما كمل سنة معدله 3.7 طبعاً الاساسي 12 الف وشوي وبدل السكن ثلاث رواتب وراتب رمضان وراتب يسموه ثيرتين يطلع له في السنة حول 220 الف قسمه على 12 شهر يطلع له في الشهر 18300 تقريبا حسب كلامه
انا كنت شغال في هاليبرتون ويوصل الراتب آخر الشهر فوق العشرين طبعاً مع البدلات والبونص بس والله كرهت اليوم اللي توظفت فيه دوام من كل6 الى 6 في عز الشمس وكرف مو طبيعي. غير انك تجلس بالرق 40 يوم ولا 30 يوم ما ترجع الا اذا خلص الشغل وما يكمل اسبوع اجازة الا هم اتصلو عليك علشان تروح رق ثاني
