السلام عليكم
كلموني بي جي بي اليوم ما ادري بصراحة من وين جابوا سيرتي الذاتيه ولكن قالوا الشغل حيكون “معالجة بيانات” (بروسسينق)
3شهور تدريب = 4000 ريال
بعد التدريب اترسم واستمر لمدة سنه= 7000 ريال
بعد السنه حيكون فيه اختبار وبعده حيكون الراتب= 12000ريال
التعديل 500 ريال سنويا
الشغل شهر بشهرين
الي ما عرفه للان “موقع الشغل”
والله الرجل مستعجلني يقول اخر موعد بكره يبي كل شي يقول بيحجز لي على عرعر لتوقيع العقد ثم بعدها اروح لتدريب في بقيق…
اعطوني رايكم وهداية الله
هلا فيك أخوي moh kau
الشركة للأمانه ما سمعت فيها
اولا استعجال الموظف ما اتوقع بخصوص حاجتهم العملية والله اعلم , ( لا احد يدخل بالنيات ) 
اقصد ضغوطات مكتب العمل بسبب السعودة واحد من الاسباب اللي تشوف كثير شركات
تتجه لنفس هالطريق ويكون بداية راتبك تدريب وبعدين تترسم لمدة سنة بمكان معين وبعدها راتبك يصير راتب “حقيقي” …!!
التعديل السنوي 500 ريال مش صحيح , لأن لو بالعقل قلنا ما اشتغلت وكان تقييمك سئ جدا تتوقع بيعطونك علاوة 500 ريال …!! ما أظن
, ما يعطي علاوة سنوية ثابتة الا الوظائف الحكومية
بعدين بتقعد سنة كاملة وراتبك 3شهور تدريب = 4000 ريال
بعد التدريب يترسم لمدة سنه= 7000 ريال …!!
حرام تضيع سنه كذا ,
عموما خذ قاعدة جبارة ومهمة كثيرررررررر
اذا ما لقيت وظيفه وما زلت عاطل , اي وظيفه تجيك بأي راتب لا تفرط فيها , ع الاقل تكسب شي بسيط بدل ما تكون قاعد وتستفيد شي بسيط كخبرة مبدئية عن طبيعة العمل وتعامل الادارة وزملاء العمل ومن هالامور ,
لان لو حصلت لك فرصة حقيقية يمديك تسحب على الشركة في اول 3 شهور بنفس اليوم بناء على قاعدة التوظيف من مكتب العمل , وبعد 3 شهور يحق لك تستقيل بعد ما تقدم ملاحظة استقال قبل شهر من تاريخ خروجك من الشركة
معلومة اخيرة لك ولكل باقي الموظفين :
اقرأ عقد التوظيف عدل عدل عدل , احيانا من ضمن الشروط انك ما تقدر تستقيل الا بعد اكمال فترة معينه او انتهاء مشروع معين وبهذي الطريقة بتلتزم فتره وتفوت عليك فرص كثيرة
وعموما كل اللي قلته اخوي هذا رأي شخصي والقرار يعود لك ,
عشان ما يصير شي وتقوم تدعي علي
ارجوك فكر وانتظر ردود اخرى من باقي الاخوان وتوكل على ربك وان شاء الله منه التوفيق 
مثل ما قلت حرام اضيع سنه ٧٠٠٠ ولكن لو انا ضامن اني بعد اختبارهم وبيزيد الراتب ١٢٠٠٠ كان صح ولكن ما احد يضمن كيف بيكون الاحتبار
لكن تظن انه نصاب من ناحيت العلاوه لانه يقول تووو تغيرت قريب العلاوات
جاني عرض منهم ثلاث مرت وارفض اولا عرض ضعيف
ثانيا الموظف يبغ يحطمك دايما يقول لك ترى مافيه وظايف وبتجلس في البيت واحنا افضل شركة واشتغل نفس تخصصك
ثالثا واحد من الشباب اشتغل فيها وطلع تعامل سيئ مع صينين رواتب زفت ولاينصح فيها ابدا
ولك الخيار عزيزي لاتقول انا خوفتك بس هذي وجهة نظري
عزيزي انا من جولاي وانا ابي اي شركة تضفني 
يا ليت تقولي كيف قدمت عليهم
سويت مقابلة معهم … بس رفضت الوظيفة …
شدعوة أول ثلاثة شهور راتبك 3000 ريال … ولا يقولك بعد السنة يصير راتبك فوق الـ 10 آلاف بس كله بسبب البدلات و الإضافي
و إلا هو الأساسي 6 آلاف …
علاوه على إنها غربة شهر بعيد عن الأهل وفي البر حتى ماهو في دينية ما تشوف غير البر …
ونهايتها رواتب كذا …!!!
طيب إذا الرواتب كذا ليه تطلبوا بكالوريوس … وظايفكم زينة للثانوية
صعب ندخل بالنيات واقولك الرجل نصاب من ناحية العلاوات , لان هالشي ما يجوز
ولكن اللي اقصده ان هذا الشي “غير معقول” منطقيا وواقعيا.
والشي الاهم ليش تبي تتوظف في شركة بعيدة عن اهلك براتب بعد سنه بيصير 12000 …؟
انا ما ادري شنو تخصصك , لكن اذا تخصصك كهرباء او ميكانيكا او كمبيوتر بكل بساطة روح للشركة السعودية للكهرباء وبيوضفونك مباااشرة , هذا الشي اللي انا سويته شخصيا
عندهم طلب للمهندسين السعوديين بشكل خيالي ونقص كبيرر جدا
ورواتبهم بالبداية 9000 اساسي + 25% بدل سكن + وبدل نقل كان 600 ريال ويقولون لي زملائي الان رفعوه … لكن على ايامي قبل 3 سنوات كان الصافي = 10837 ريال ودوامك راحه من 7ص الى 3 م
اما الان الوضع بيصير افضل بكثير لانه فيه زيادة 25% نص الاقسام اخذوها اللي عملهم ميداني زائد 15 % بدل وردية (شفت)
الان مدير الشركة الشيحه { (vb) سابق في ارامكو} وهو شخص جدا ممتاز وعقلية
والله يسهل لك يارب