السلام عليكم ورحمة الله وبركاته
أخواني مهندسي الحاسب أتمنى اللي عنده تجربة أو علم عن التدريب التعاوني في أرامكو وسابك والإلكترونيات المتقدمة والخطوط السعودية أو أي شركة أخرى أنه يفيدنا ويشاركنا بتجربته لعل الطلاب المقبلين على التدريب يستفيدون منها
مع أطيب التحايا
+1
السلام عليكم .
أنا أخذت التطبيق الصيفي في الرياض الصيف الماضي و كاني معي كثير من الشباب اللي طبقوا في الرياض و التجارب متشابهة مع التعاوني .
المعدل غير مهم في الحصول على تطبيق تعاوني … و لكنه مهم جداً في الحصول على تطبيق صيفي .
لو ناوي ع التعاوني … تقدر تطبق في سابك , أرامكو , الإلكترونيات المتقدمة , علم , جينرال إلكترك … etc بكل أريحيه … و تقدر تطبق عند أي شركة أخرى و أنت مغمض .
لو ناوي ع الصيفي بتتعذب عشان تطبق في شركة معروفة إلا لو كنت تابع لبرنامج التعليم حقهم … لكن غير كذا بتقدم على شركات عادية جداً حسب منطقتك . لو أنت من جدة تقدر تروح الخطوط السعودية لأنهم يطلبون مهندسين حاسب هناك بالتدريب الصيفي و التعاوني … لكن لو أنت من الرياض صعب تروح للإلكترونيات المتقدمة أو أحد اللي ذكرتهم لأنهم يبون تدريب تعاوني .
جهز سي في و خلص أمورك مبكر ولا بتاكلها في الأخير و بتتمرمط عشان تلقا تدريب و أخرتها الـ ITC يناديك 
.
التدريب بشكل عام سهالات . أطلب أنك تشتغل من المشرف حقك و حاول تصر على هالشي أنك تبي شغل , في حال ترغب تتعلم . أما لو تبي تفلها روح هناك و خلك ساكت وور المشرف وجهك و وقع حضورك و انصرافك و لا من شاف ولا من درى … لكن بتاكلها في الريبورت … و لو كان تدريب تعاوني فبتاخذ قريد مخيس بحكم أنك جلست 7 شهور بدون عمل حقيقي .
هذا اللي أقدر أقوله Right of the top of my head … لو عندك أسئلة أخرى تفضل … مالكم غيري يالأوريات تخصص أحس أنا النشيط الوحيد من القسم 
+1 للرد المفيد
+1 للتوقيع
هلا يا سلطان ربي يسلمك على الرد اللي يبرد القلب 
أنا حاط في بالي تدريب تعاوني 7 شهور ومحتار صراحة بين الخطوط (كونها وكوني من جدة ) وبين شركات المنطقة الشرقية…
تسلم على ردك يا شايبنا p:
انا سفمور واستفتدت كثير…
سلطان شكرا لك …
شركة علم
حبايبي المقبلين على التدريب التعاوني…
احنا في شركة علم - برنامج حلم - نستقبل طلاب للتدريب التعاوني ونكرفهم كرف مو طبيعي بس والله محد خرج من عندنا الا ودعا لنا لأنهم شافوا حجم الاستفادة اللي استفادوها… خصوصا لما يقارنوا نفسهم ببقية زملائهم…
المهم… شركتنا في الرياض… ونبغى متدربين… اللي حابب ممكن يرسلنا السيرة الذاتية بحيث نعمله مقابلة شخصية خلال الأسابيع القادمة - بالذات لأهل الرياض ممكن نقابلكم خلال الأسبوع الجاي
يعطيكم العافية
حضرت بريزنتيشن كوأب لواحد من شباب القسم تدريبه كان في علم
الصراحة العرض كان قوي جداً , ماشاء الله واضح أنه جداً استفاد من تجربته معكم
موفقين يابو السين
كيفكم مع الخريجين ؟ 
إضافة وتعليق
هلا عبدالرحمن … معك عمر
أنا طلعت الترم هذا للكواب … تبي الصدق بهذلوني الجامعة … (الله يصلحهم) … لو إني مصحصح أخذت كوأب سنع في شركة سنعة … الحمد الله على كل حال …
أنا رحت للكهرباء بعد ملاحق طويل … أغلبهم كان ردهم “تأخرت علينا” منهم المتقدمة .
بس تبي الصدق مرة مرتاح ومكروف في نفس الوقت … 
مرتاح دواما ومكروف شغلا …
أبوداحم لو بغيت هندسة ابعد عن الشركات البرمجية … علم و أغلب اللي كلمتهم يبغوني أبرمج وأنا معقول في السالفة ما نيب طلقة زي بعض أخويانا … 
دور شركات شبكات أو اختار شبكات …
أنا جتني مايكروسوفت وسيسكو و ثالس …
كنت أبغى سيسكو بس بهذلوني ومايكروسوفت كانوا يبغون (Salesman) دعائي وقابلوني وكل شي وفي النهاية مهب مرة …
ثالس نفس الفكرة … بس في احتمال يدخلونك شبكات … احرص عليها لو قدرت …
بالنسبة للريبورت سو على الأقل ثلاث مشاريع … رن عليهم لين يعطونك …
اسأل خياري عنها يبين لك السالفة …
هذا اللي عندي الحين … اسأل وأرد .
الله يعطيكم العافية على طرح هذه التجارب المفيدة …
@أبو السين
هل توفرون سكن لمن هو ليس من أهل الرياض؟
موضوع ممتاز , شكرا لكل من شارك