السلام عليكم و رحمة الله وبركاته
من العنوان أحد يعرف شي عن هذا القسم في الشرقية لأنهم داقين علي حق مقابلة.
مهندس أربع سنوات خبرة.
و عليكم السلام و حمة الله و بركاته
دقوا على قبل شهر تقريبا و قلت لهم انا ابي الرياض و اعتذرت منهم المهم اللي اعرفه انهم متخصصين في مشاريع التوليد و على حد علمي عندهم مشروع القريات اللي عند الهاف مون ,و ما اعرف شي عن مميزاتهم ولا رواتبهم وهذا اللي اعرفه و الله يوفقك.
الله يعطيك العافية
إذا أحد عنده معلومات إضافية لا يبخل علينا
اخوي اعرف 2 من الشباب في النقل - ادارة المشاريع
خبرتها كويسة وعندهم مميزات حلوه مثل السياره تستخدمها الى انتهاء المشروع وتسلمها لهم، طبعاً على حساب المقاول وليس الشركة يعني سياره ماعليها شعارهم يعني تجلس معاك سنتين 3 تقريباً واذا انتهى المشروع عطوك مشروع جديد وسياره جديده خخخ، طبعاً بدل النقل مايروح عليك، والانتدابات الداخليه والخارجيه، الانتداب الخارجي اقل شي مره بالسنه.
الرواتب الكهربائي الاساسي 9000 واعتقد الميكانيكي نفس الاساسي
المدني 8000
25٪ بدل سكن
600 ريال بدل نقل
200 بدل جوال ( تطالب فيها اذا باشرت )
واخصم منها 9٪ التأمينات
القرض السكني الشركة تسدد 70٪ من الفوائد
الدوام من 7 ونص الى 3 ونص ويكند يومين
اتمنى اني افدتك، الله يوفقك ويسهل امرك
الله يعطيك العافية
طيب كيف نظام الاجازات في الشركة ؟
هل اقدر اخذ اجازه زواج بعد شهر ونص من الدوام ولا لازم تداوم فتره معينه الين تقدر تاخذ اجازه ؟
Up
اتمنى اي احد عنده معلومات عن قطاع النقل إداره المشاريع لايبخل علينا بعد.
طريقة التقديم عليهم يا شباب كيف؟
طيب ياشباب المميزات الي ذكرتها يا sas هي نفسها المميزات الي مثلا في ال head quarter في الرياض يعني في الاداره نفسها مو بالفيلد!!!!
حسب معلوماتي عن هالقسم
بالنسبه للراتب في كل اقسام شركة الكهربا مثل ماذكر الاخ ساس سوا مشاريع او غيره
اما بالنسبه للسياره فهذا الشي صعب جدا انهم يعطوك سياره ولو كان فيه سياره ع حساب المقاول رح ياخذوها اللي قبلك واللي عندهم خبره
اما من ناحيه الخبره فهي ممتازه جدا ورح تتعلم كثير وذلك لاحتكاكك مع المقاول واقسام اخرى في الشركه وذلك حتى تنجز مشروعك
مشكله الشركه هي بيئة العمل تعتبر سيئه نوعا ما مقارنه بسابك والشركات الكبيره
وايضا الزياده السنويه معظم.موظفين الشركه يشتكون منها
عموما اذا ما عندك عرض افضل فالشركه خيار مناسب لك
اتمنى لك التوفيق
الله يعطيكم العافية ويوفقكم شباب
المقابلة كانت تقريبا 10 دقائق أو أقل
الي يقابلو اثنين ، كانت أسئلتهم عن خبرتي ومجال عملي الحالي.
لكن ما أدري ايش يبون بالضبط ولا حتى متي بيردون!
ما أدري إذا في أحد يعرف عنهم شي بهالخصوص
يااخوان هل الاداره هذي لها مستقبل لاني محتار بين samsung Engineering اوهذي الاداره بقطاع النقل!!!
يا شباب
أحد يعرف أرقام التوظيف حقكم ولا شي؟
الآن لي سبعة شهور من عملت المقابلة في إدارة مشاريع الشرقية ولا في رد!
كلمت القسم الي عملت فيه المقابلة قالو لي كلم الإدارة بالرياض وشوف ايش صار!
Up