السلام عليكم
الإخوة الأعزاء أعضاء منتديات الجامعة العامرة
كما تعلمون أن هذه فترة اختيار شركات التدريب الصيفي
محدثكم لا يعلم بيئة عمل طالب التدريب الصيفي في شركتي ارامكو و شلمبرجير
كل ما أعرفه عن التدريب الصيفي في أرامكو هو أن مقر عملك بالظهران و مهمتك الوحيدة الحضور على الوقت والإنصراف عليه وخلال وقت التدوام تضييع وقتك على اليوتيوب وغيره.
أرجو ممن حظا بفرصة التدريب الصيفي في أي من الشركتين أن يلخص لنا تجربته، ولكم جزيل الشكر 
وعليكم السلام ورحمة الله وبركاته.
فعلاً (أغلب اللي أعرفهم وأنا منهم) ماندري وش نسوي في السمر تريننق !
هل فيه عمل جدّي ولا تسليك ؟
وياليت يكون بإسهاب 
أرجــو إفادتنا
بعض الشركات يوجد فيها عمل (مثل شلمبرجير) وبعضها تعليم بدون عمل وبعضها لا تعليم ولا عمل.
أرامكو يعتمد على الديبارتمنت أتوقع.
شلمبرجير المفروض تعرف وش بتسوي فيها … شف ردود الشباب في بعض مواضيع هالقسم وقسم الخريجين
كل ما أعرفه عن التدريب الصيفي في أرامكو هو أن مقر عملك بالظهران و مهمتك الوحيدة الحضور على الوقت والإنصراف عليه وخلال وقت التدوام تضييع وقتك على اليوتيوب وغيره.
صحيح نوعا ما
لكن اليوتوب محجوب و كذلك كل المنتديات و المواقع المعروفة
اي موقع تدخله ماهو محظور لو دخولك له كان بشكل مستمر ثاني يوم بتحصله محظور
طلاب الصيف مظلومين لانه محد يعطيهم وجه في الغالب المهندسين اغلبهم بإجازة و الي موجود يكون الضغط عليه عالي و الي يستفيد منها طلاب الكواب لانه بعد الصيف يكون فيه حركة و دوام طبيعي
ادارة التدريب ما يعتمد على كلامهم . ارامكو اول يوم راح تجمع كل الطلاب من كل الجامعات الي عليهم تطبيق صيفي و كواب و راح تعيد التوزيع الي بيروح المصافي و الي بالمكاتب و الي بالمعامل
فتوقع اليوم التعريفي تحصل انه تعينك كان في مكان ثاني و لو حظك حلو ما راح يتغير المكان
الي راح يستفيد الي يطبقون بالمعامل و المصافي لانهم يشغلونهم و يشتغلون عليهم الي في المكاتب الفايده راح تكون محدوده و مبنية بشكل كبير على المتدرب نفسه ( تعليم ذاتي )
بشكل عام , شلمبر هي شركه تقدم خدمات بتروليه لــ ارامكو …
الشي الاساسي في شلمبرجير هو انك تحط اغلب اللي تعلمته في تخصصك عند باب الشركه قبل لا تدخلها , لانك ماراح تستخدم تقريبا ولا شي من اللي تعلمته << قد يكون هالشي مرغوبه لبعض الناس اللي ما يحب تخصصه او معدلاتهم نازله في البدايه …
من رأيي حاول تعرف انت وين تبي تتوظف اذا تخرجت , في شلمبر ولا في ارامكو ولا غيرها
اذا انت حاط في بالك شركه معينه فــ اعمل التدريب الصيفي فيها < ووقتها يمديك تبرز نفسك وتاخذ توصيه جيده للتوظيف تفيدك لما تتخرج …
بالنسبه لي شخصيا , انا تدربت صيفي ب شلمبرجير لهدف اني اكمل معهم وقت ما اتخرج ,انا فضلت هالشركه بسبب قوه تدريبها وتطويرها للموظفين (حتى من الناحيه القياديه )+ وضوح ترقياتها + يعطونك وورنيق اذا تاخرت في حصولك على ترقيه (يعني من الاخير هم يضغطون عليك عشان تترقى )
انا لا اريد تكرار ما قالوه زملائي في مواضيع قديمه بخصوص مميزات شلمبرجير … لكن بالنهايه اذا انت ناوي على شركه معينه , فحاول تتدرب فيها
بالنسبه لطبيعه عمل شلمبرجير فهذا يعتمد على قسمك … في اقسام تبذل جهد بدني كبير على سبيل المثال لا الحصر Testing واقسام ثانيه مافيها جهد بدني مثل D&M , Wireline , Smith Bits وغيرها …
98% اذا دخلت شلمبر , شغلك راح يكون في البر بمكان الحقل << ما عدا شباب الاندستريال اذكر كانوا يشتغلون في البيس حق شلمبر (يعني مو تحت الشمس)
شيك على هالمواضيع ممكن تفيدك اكثر بخصوص طبيعه عمل شلمبر …
http://skfupm.kfupm.edu.sa/vb/showthread.php?t=49589
http://skfupm.kfupm.edu.sa/vb/showthread.php?t=53029
طيب الدوام في ارامكو بيكون وفقا للتقويم حق الترم الصيفي ولا تداوم مثلك مثل الموظفين ؟
تدريب صيفي في أرامكو عام 2011 ميكانيكا
أول يوم أعطوني يوزر للجهاز ، وتعرفت على الموظفين وداومت نص يوم
ثاني يوم رحت للسوبرفايزر وطلبت منه خطة تدريب 8 أسابيع لأن الجامعة تطلب هالشيء من الطلاب
وخلصت باقي الاوراق المطلوبة
من بعدها ، السلام عليكم عليكم السلام فقط
ماحد معطيني وجه
بسبب الملل ، كنت أدور للشغل واجلس مع كل موظف وأسأله عن الشغل وكذا وأطلع للميدان أحيانا
بكذا كنت على الأقل أشغل نفسي بحاجة مفيدة لي وللريبورت بعدين
الشغل في السمر تريننق يعتمد على الشركة وعلى الادارة والمدير
حاول تدور لنفسك شغل ، تاخذ أوراق مشاريع قديمة وتقراها ، تاخذ صور للمشاريع الحالية لو كان مسموح ، تفهم آلية العمل
بالنسبة للدوام ، يكون كأنك موظف عادي لين تخلص الـ 8 أسابيع
الصيف الجاي ما يمدي تخلص 8 أسابيع قبل العيد ، لازم ترجع وتخلص اسبوعين أظن
كلم المدير لو كان يمديك تداوم لين العيد وماعاد ترجع بعده
يعطيك العافية أخ يحيى … دائما تُثري الموضوع …
فترة الكوآب وكمية المعلومآت اللي ممكن تستفيد منهآ تعتمد عليك إنت أولاً … بعدهآ يجي دور الشركه
الشركآت اللي تعآمل المتدربين على إنهم موظفين ولربمآ أوظفه يوماً مآ … رآح تفيدك كثير
أما الشركآت اللي " مجبوره " محد حولك !
شخصياً …
طبّقت في أرآمكو … transportation and heavy equipment department في الظهرآن
كنت مقسّم فترة الكوآب كآمله … مره أتعلّم ومره أفلهآ وأسافر وأروح وأجي
من وجهة نظري لبدنك عليك حق في فترة الكوآب ويبي لهآ إسترخآء شوي 
بالنسبه لـ شلمبرجير … أعرف شباب كان تطبيقهم فيهآ
نآس يكرفون كرررررررف لدرجة يكلمونه بنص الليل يقولون بكره الصبح تكون بالمطآر
طبعاً مو ألمآنيآ … فيلد يآحبيبي
ونآس يقولون بالشهر مرتين نروح وبعدهآ محد يدوّرنآ
خلآصة الكلآم ذآ كله … فترة الكوآب والسمر تريننق تعتمد عليك إنت والشركآت لهآ دور كبير طبعاً
وحط في بآلك الشركآت الكبيره مآيعني إنك رآح تستفيد كثير !
وحط في بآلك بعد … المكآن اللي طبّقت فيه يهم أغلب الشركآت بعد التخرج
+ رآح يسألونك " غالباً " وش سويت فترة التدريب 
أسأل الله العظيم لكم التوفيق
السلام عليكم بخصوص التدريب الصيفي في ارامكو … هل ردوا على احد ؟؟ ولا لسة ؟؟ لانه في الموقع الابليكيشن مكتوب عندي الحالة NEW … ف ايش معناها ؟؟ مع العلم انها كانت screening
+1
والله ارامكو تحترمك .
انا تدريبي السمر ذا باذن الله اخلص اعطيكم رايي .
لكن مبدئيا الشركة تحترمك وتعطيك مبلغ محترم 4000 ريال شامل بدل السكن للتدريب الصيفي .
تهتم جدا بالحضور والغياب حتى انهم قالوا على ايميلي في حاله غياب الطالب 5 ايام دون عذر يتم فصله من البرنامج وحرمانه ( اعتقد كلمة حرمانه ماتتوظف او تتعامل مع الشركة ابد الله يستر 
)
وفي حالة الحضور دون غياب يتم رفع المكافاة من 2000 الى 2500 ريال فواضح انهم مهتمين نروح ونشوف ان شاء الله .