السلام عليكم ، اخوكم اوريا (متلعوز شويتين ) راسب فالماث وراح اضطر اخذ ترم ثالث ماث 002 … واحيانا يجيني شعور اني ما راح اكمل في هالجامعة وبالاخص خايف من الطرد بعد الترم الثالث ،، باختصار ما ابي اخذ ترم ثالث وانطرد ويصير ضيعت سنتين ع غير فايدة وتراودني فكرة الانسحاب نهاية هذا الترم واخذها بخيرها وشرها اتمنى نصيحة اخويه منكم وفقكم الله …
وعليكم السلام … اخوي الاوريا … شيل فكرة الرسوب من راسك , وركز باللي قدامك واختباراتك الجاية وصدقني راح تبدع , وقبل تنسحب من الجماعة اسأل نفسك انت تبي هالجامعة ولا لا ؟ ( واي شخص دخل الجامعه فهو قادر على التخرج منها وبمعدل كويس لكن القرار له )
بالتوفيق 
اوقف مع نفسك وقفه صآآدقهه في الاختبارات الجججايه
وشوف النتائج وماراح تصدقهها…!
بس بشرط …وقفة صادقة…
ليش رسبت؟ هذا اهم سؤال
خلص 001 الحين وشف درجتك و قيم نفسك
بعدها خذ 002 بالصيف حتى لو ثقيل هذا الصيف أستحمل
قيم درجاتك نجحت بصعوبه ولا تحسن مستواك
أنا حالتي كانت تشبه حالتك و الحين انا جونير
أنت مو متعود على الرسوب فلا تتعود عليه حول يكون عندك رده فعل بعد f ولا ترضى بc+
أنا اخذت ترم ثالث بسبب الماث والحمدلله عديته والسبب بعد الله اني غيرت طريقة المذاكرة كلياً
خذ كل فرصة لك في الجامعة ولا تستلم بسبب مخاوف…
ياكم كثير من الشباب استفادوا من آخر ترم وبسبته كمبوا بالجامعة وتخرجوا وبعضهم بمراتب شرف…
كثير مننا عندنا قصص في الجامعة ومشينا فيها الحمدلله…
لا تستسلم أبداً بسبب مجرد رسوب في مادة او مادتين…
موفق
^
+1
البقاء في الجامعة يستحق التضحية
عندك خيارات أخرى غير البترول ؟
الله يعطيكم العافيه …
ممكن ابتعاث بس ما اقولك انه اكيد .
اللي بأفيدك فيه ، قوله تعالى :
{| إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ |}
رايي
اولا : اذا رسبت وكان السبب الاكبر انك ضعيف في الماث (يعني مشاكل في الفهم) - اطلع من هذه الجامعة لانك بتعاني واذا تخرجت بتتخرج بمعدل اقل من عادي واذا حصل لن تحصل على وظيفة جيدة الا بالواسطة - استثناء هذه القاعدة اذا دخلت ادارة و انت تحبها و عندك لغة . (والله مو تحطيم بس هذي الحقيقة برايي وانا مجرب ) خلك من اللي يقول اوريا وتعدي هذا تلقاه واحد ذكي بس مايذاكر
ثانيا : اذا رسبت وكان السبب الاكبر الاهمال - اذهب لمركز التوجيه و الارشاد يحلون مشكلتك في المذاكرة - استمر في الجامعة
اطلع من الجامعة احسلك ترا انا مضيع سنة ونص الين دحين او بالاصح سنتين
الدراسة برا افضل بألف مرة
انا عن نفسي اللي عاجبني في الجامعه انها جنب بيتنا وعند اهلي وكل شيء
وابوي يقول انسى فكرة تروح جامعة القصيم ولا غيره ماعندي فلوس شقق ومطاعم وسيارات 
عرفت نظام ابوي هذا من قبل الثانويه فشديت حيلي لين قدرت ادخلها اخيراً 
لكن للأسف رسبت زيك… وباخذها بالصيف
انا اعتبر نفسي عديت 001 الحين، جايب بالميجر الاول 14 والثاني 19
بس مو قادر أفرح… لاني عايده
أحدهم رسب في ماث 002 وعادها بالصيف ونجح
والان هو أحد خريجي الجامعة
واخر رسب في ماث001 وعادها بالترم الي بعده ونجح ثم أخذ 002 بالصيف ورسب وعادها بالترم الثالث ونجح
وهو خريج السنة القادمة واخر ترم له بالجامعة راح يكون ترم 143
ما هي صعبة بس يبيلها اجتهاد
طبعا هذا لا يعني ان الجامعة كل شي فأحدهم قال بأن افضل قرار له هو الانسحاب لأنه شاف نفسه في مكان غير البترول وهو الان بأحد الجامعات السعودية وجايب معدل حلو
وبالأول والأخير أنت عارف نفسك هل راح تجتهد أم لا !!! هل الجامعة تناسبك أم لا !!
لا تقيسها ع الماث بل على امكانيات وما تستطيع بذله مستقبلا
بالتوفيق
+100000 Like 
نصيحتي لك يا أخي أن تخرج من الجامعة قبل نهاية السنة إذا كنت وجدت من نفسك الهوان ، وكل واحد أدرى بنفسه ، ليس فقط الماث ، لو ما أخرجتك الماث تخرجك غيرها إذا لم تغير نفسك .
والله ما أقول هذا الكلام إلا تحسّرا على اصحاب أعرفهم ، كنا نعرف وهم يعرفون أنهم لن يسطيعو الاستمرار ، لكنهم أكملو الفصل الثالث ، والآن بلا جامعة ينتظرون السنة الجديدة .
في المقابل لو خرجت نهاية هذه السنة فتستطيع التقديم على الجامعات للسنة الجديدة .
لكن إذا كنت تجد في نفسك روح التحدي والإصرار وتعرف خطأك وكيفية النجاح ، فاستمر وفقك الله ، وابتعد عن المثبطين .
كن واقعيا ، وتوكل على الله .
"اعقلها وتوكل "
اهم شئ هو الحب اذا احببت الجامعة فتستطيع الاستمرار والعكس صحيح
اتمنى لك التوفيق من كل قلبي
لو رسبت في الترم التالت يا انك تستنى ترم عشان تسجل في جامعة او انك تروح جامعة اهلية بفلوسك