السلام عليكم ورحمة الله
ياشباب بالله ممكن أحد يعطينا فكرة عن هذي الشركة وبيئة العمل وطبيعة العمل وفروعهم ومقراتهم وهل هي حكومية او شبه حكومية ؟
وشكرررررا لكم…
^^
we need more guys
الشركة هي إحدى شركات التوازن الاقتصادي … وارجوك لا تسألني كيف يعني 
بيئة العمل … ما ادري على حسب تخصصك … غالبا مكتب اذا انت مهندس … أو في لاب اذا كنت فني …
طبعا انا اشوفها مناسبة لتخصص الهندسة الكهربائية … لكن لتطوير البرامج توهم بادين … ويمشون الخطوات الصحيحة … او هكذا يبدو …
عندهم نظام واضح و دقيق تمشي عليه …
طبعا انا توظفت عندهم اقل من شهر و تركتهم … 
ما لهم الا فرع واحد بالرياض جنب المطار … وفيه فرع وسط الرياض ماا ادري وش سالفته …
^^
اللي وسط الرياض مكتب مؤقت وبيقفل
انا تدربت فيها شهرين سمر تريننق ما ادري اذا تسمح لي احكم عليها ولا لا لكن بشكل عام كنت في قسم Engineering and Development القسم هذا هو اللي يسوي الدزاين والتست للمنتج قبل ارسالة للمصنع عشان الانتاج
بيئة العمل اشوفها ممتازة ولو حصلت لي فرصة اتوظف فيها ما راح اتردد والشركة على حسب ما اعرف شبه حكومية
فرعهم في الرياض جنب الطيران الخاص لمطار الملك خالد وشغالين على مشروع في القاعدة الجوية في الظهران
1 Like
كيف رواتبهم لـ software engineers ?
أهلا وسهلا
انا ترشحت لهم للصيف وجاني قبول نهائي والحمدلله
ممكن تعطينا تجربتك أكثر بخصوص التدريب ؟
من ناحية الشغل… هل فيه شغل ؟ بيئة العمل etc
ما احتمالية التوظيف عندهم بعد نهاية الصيف ؟
وشكرا
الدوام كان من الساعة 7 الصباح حتى الساعة 4 تقريبا (ما اذكر بالضبط) والحضور بالبطاقة تحطها على البوابة تفتح لك ويسجلك حاضر
من ناحية الشغل ما ادري عن تخصصك لكن كل طالب يكون له سوبرفايزر نفس تخصصه (لأنك بتشتغل نفس شغله)
وصراحة بالنسبة لي اشوف كان فيه شغل (في مجال الالكترونيات طبعا)
بيئة العمل زي ماقلت لك ممتازة والموظفين أكثرهم شباب حبيبين ومتفهمين ويحاولون يفيدونك (بس لازم تسأل طبعاً)
أنا ماتخرجت حتى الان فما ادري عن احتمالية التوظيف
بالتوفيق
1 Like
يالله اني دخيلك !!!
والله مو متاكد بالضبط الى 3 أو 4 ما اذكر زين لأن الدوام تغير في الاخير عشان رمضان
لكن فيه بريك ساعة لصلاة الظهر والغداء
صيف 2012:
- الدوام من 7 الى 3ونص ولك نص ساعه بريك صلاه + نص ساعه بريك فطور او غدا
نظام الحضور بالبطاقه ولك حق بالتأخير ربع ساعه يعني لو جيت الساعه 7:15 نفس الي جاء الساعه 7:00 بس لو جيت 7:16 تعتبر متاخر وتروح على طول للسستم انك متأخر
- بالنسبه لرمضان كان الدوام 6 ساعات من 11 الى 5
- الحضور شبه ضروري واذا كنت من النوع الي يسحب بتتعب بس تقدر تقول مستوى العمل هناك يعتمد على مدى حرصك عليه يعني لو صرت تسحب عليهم مب متابعين وراك والعكس اذا كنت تنجز امورك
- بيئه العمل ممتازه واحسن من كثير غيره بس ماتوقع الأفضل واكثرهم من السعوديين الموظفين هناك
- موقع الشركة مقطعه شوي يمكن كيلوين بعد مخرج الطيران الخاص فيعني مستحيل تطلع تتغدى برا بس مطعمهم من الخطوط السعوديه وماعليه
- بالنسبه لاحتماليه التوظيف هناك اذا انت اثبت نفسك بالتدريب فاحتمال كبير فرصه حصولك على وظيفه معهم وهذا النظام يمشي مع اغلب الشركات
- المكافأه الشهريه 4500 لطلاب البترول وطلاب الجامعات الخارجيه و3500 لباقي الجامعات السعوديه و2500 لطلاب التقنية
1 Like