كلنا تعبنا في دراستنا الجامعية واكثر مايصبرنا على عقبات الدراسة هو كبر الطموح اللي نبي نوصل له مستقبلا وكم وكم من حلم رسمناه في لحظة فهاوة واحنا نذاكر وفتحنا عيوننا على الكتاب وتمارينه والنوت المشخبط وتوكلنا على الحي القيوم لتحقيق المراد … وبعد هالتعب كله وصلنا لمنعطف النهاية.
وصلنا آخر ترم وبات الحلم حقيقة ملموسة -الا شعرة-. وصلنا لمرحلة اختيار الشركة المناسبة اللي من خلالها تنطلق في آفاق واسعة لتحقيق مرادك , وكلن ومايهوى.
وش الافضل من بين هالشركات وليش؟ وش اللي مستقبلها احسن؟ وش اللي بتدربني بحرفية كخريج جديد “منتف” من الخبرة؟ ايش سلبيات كل وحده؟ طالما ان الكل يتحدث عن الايجابيات
علي الفتل والطرح وعليكم الاجابات والكورة على ماقالوا ف ملعبكم … تفضلوا واتحفونا ولنستفد جميعنا
خلهم يقبلوك بعدين تشرط
المعدل العالي ما يعني القبول
عوامل كثير تدخل في دخول المقابلة غير المعدل
حط في بالك مو كل هذي الشركات راح ترد عليك في الوقت المناسب لك بحيث يكون لك الفرصه تختار
و قبولك احد العروض في مثل هذي الشركات يلزمك في منطقة عمل ما تسمح لك الاستئذان لمقابلة باقي الشركات خاصة لو كانت في مدن مختلفه .
اجراءات التوظيف في الشركات الصغيرة تاخذ وقت مابلك هذي الشركات
ارامكو مثلا اجراءات التوظيف تاخذ شهور
غير الفحص الطبي لكل شركة راح يعرضك للخطر كم مرة بتسوي اشعة اكس ري في السنة ؟
بالعمر كله له عدد معين المفروض ما تتجاوزه
يا صاحب الموضوع انت اول شركة تقبلك علطول امسكها لا ترفضها ، خذ لك خبرة فيها كم سنة وبعدها تقدر تتشرط على المكان والراتب اللي تبغاه في اي شركة نفسك فيها مستقبلا