أخوكم خريج البترول تخصص هندسة كيميائية بعد سنوات عجاف, والحمدلله حصلنا الوظيفة وصار لي مدة… لكن يعلم الله اني من بعد ال COOP معاد إرتحت للتخصص وحاليا صراحة أغلب وقت الدوام أفكر اني كيف ارجع لجامعة وأدخل تخصص يتعلق ب ال IT كونه Computer Science أو Software Engineering.
وصراحة حاولت اجيها يمين ويسار وكل الطرق زي ما قالوا صعبة جدا بعد هالوقت…
وأنا طالبكم تساعدوني للي عنده علم , وكيف أقدر اجيب شهادة بكالريوس معترفة بال IT لشخص متخرج من الجامعة في أسرع وقت…
وعليكم السلام ورحمه الله وبركاته
اخوي وضعك نفس وضع واحد من زملائي بالعمل تخصصه هندسه ميكانيكيه والماجستير علوم حاسب والحين شغله مهندس برمجيات
طبعا انك تدرس بكلوريوس من جديد هذي اشوفها غير مجديه بس لوتاخذ ماجستير بالتخصص المطلوب يكون افضل بحيث انك تحصل على درجه علميه اعلى ، طبعا الماجستير يحتاج انك تدرس مواد تكميليه بحكم ان تخصصك مختلف عن تخصص الماجستير وهذه المواد التكميليه ماتاخذ منك اكثر من سنه.
معليش على الرد الي على الطاير علشاني اكتب من الجوال والمعذره
طيب بالنسبة للماجستير… كل الجامعات في السعودية تتطلب أنه يكون عندك بكالريوس في الحاسب أو ما يعادلها من التخصصات للكمبيوتر… فهل في طريقة ثانية غير إعادة البكالريوس في الحاسب؟
تعيد البكالوريوس هذي عبد ما أنصحك فيها لأنه حرام هالخمس سنوات تضيع اللي أنصحك فيه حاول تكمل ماستر في it بأي طريقه حتى لو تأخذ مواد تكميلية لمده سنتين وهذي نصيحتي واتمنى لنا ولك التوفيق
عندك ماجستير هندسة البرمجيات من جامعة الأمير سلطان بفلوس و فيه احتمال القبول في منح الوزارة الداخلية http://info.psu.edu.sa/psu/mse/
أنا مهندس كهربائي و كلمت منسق البرنامج ( الهاتف 0114948413 ) قبل سنتين و قال لي مو شرط تكون خريج حاسب ، و قال تبيني أحدد لك موعد مقابلة و هم من خلال المقابلة قد يطلبون منك دراسة المواد التأسيسية و ممكن يحددون لك اختبار comprehensive
يعني وقت المقابلة يتبين كل شي ، لكن هذا يعني أنه مو شرط يكون المتقدم خريج حاسب
ما رحت لهم ذيك السنة ، لكن حاليا قاعد أفكر أني أقدم عليهم ، و لذلك يبي لي أكتب خطاب غرض من الدراسة أبين فيه ليش أنا اخترت هذا البرنامج و ايش اهدافي و إلى آخره
بالنسبة لك ، أنك تعيد بكالوريوس فما أرى أنه قرار سليم
أما إكمال الدراسات في تخصص آخر فهذا وارد و ليس بغريب و يسمى Career change أو Career shift
