سؤالي و إستفساري عن طريقة التوظيف لشركة أرامكو لخريجيين البكالريوس… هل فقط الطريقة الوحيد هي عن طريق الموقع الإلكتروني وخلاص؟ ولا وش السالفة بالضبط؟ لأنهم يطولوا على مايردوا… فيه طريقة ثانية؟ فيه أحد توظف عن طريق موقعهم… يعني حاطين الموقع تبعهم زينة ولا كيف يعني؟
مع الذكر اني رحت لهم مكتب التوظيف في الظهران وقال لي أنتظر خبري التخصصات الإدارية مطلوبة عندهم وخصوصا الموارد البشرية ومايهمهم المعدل لو كان الطلب عالي عليه…
طرق التوظيف الرسمية عندنا - يوم المهنة - الموقع الإلكتروني
وفي مثل أنك تروح بنفسك لمقر الشركة أو تطلب من أحد في الشركة يوصي بتوظيفك.
الله يوفقك ويوفق الجميع. وإن شاء الله تحصل على الوظيفة الي تتمناها. والتخصصات الإدارية مثل الموارد البشرية مطلوبة. ولازم الإنتظار لأن من خلال ناس كثير، بعض الشركات يطولون لما يتصلون عليهم للمقابلة، بعد أشهر من أخذ السيرة الذاتية.
مثل هذا الشيء، في أمريكا، أسمه توصيه وهي موجودة بالتقديم على الجامعات والشركات والترقية والوصول إلى مناصب عالية كـ وزير مثلاً. بالنسبة لنا هنا فهي متداولة بالواسطة. ولكنها يمكن إعتبارها واسطة “إيجابية” حيث أن تقنع شخص بحصول على وظيفة في أرامكو وأنت “مؤهل” لها، بما أنك خريج جامعة قوية مثل البترول.
بالنسبة ليوم المهنة ف تم تسليم السي في وإلى اليوم مافيه إتصال. بالنسبة للموقع؛ بالنسبة لي كل يوم أسوي آبديت للمعلومات تبعي لعل وعسى ألقى تجاوب منهم. بالنسبة للتوصية “الواسطة”: قصدك اني أروح لهم مكتب التوظيف ولا كيف ههههه؟ المشكلة مافيه شي عندنا اسمه واسطة “ايجابية”. الكل يستخدم الواسطة السلبية اللي تكون عادةً بدون مايكون الشخص “مؤهل”.
على العموم إلى الله المشتكى وننتظر معاهم…
بس الحين السؤال, هل فيه أشخاص أتصلوا لهم أو رسلوا لهم أرامكو وهم مقدمين على الموقع تبعهم… لأني ماقد سمعت, وكم الفترة اللي ياخدوها علشان يردوا على طلب التوظيف عادةً؟
انا عن نفسي قدمت علي موقهم من يوم ما اتخرجت من امريكا ديسمبر 2013 وبعد شهرين رجعت السعودية اسبوعين ارامكو ارسلوا لي اميل عشان اسوي مقابلة (طبعا انا تخصصي ماستر تسويق) بس للاسف ما كان في نصيب وتقريبا قبل اسبوعين من الان سويت معاهم مقابلة ثانية مع ادارة ثانية وبرضو ارسلوا اعتذار! عموما انا يوميا ماشاء الله احدث ملفي الشخصي والله يكتب لي ولك وللجميع التوفيق والحصول علي وظائف مرموقة
اكيد من انا الوحيد الا سووا له مقابلة ولاتنسى بعضهم عندهم خبرة فاكيد لهم الافضلية ويعتمد حسب الاشخاص الا يسووا المقابلة يمكن في شي معين يبغوه/يبغو يشوفوه في المرشح والله اعلم
نص الرسالة:
First of all, we would like to thank you for your interest in applying for a job at Saudi Aramco. Pursuant to receiving your application materials concerning a position in Saudi Aramco, we are pleased to invite you for a job interview on April 24th, 2014:
Location:
Saudi Aramco Employment Center, Dhahran Building 9135.
Organization:
Corporate Affairs
احلى ما في الموضوع اقلها ارامكو تسمع خبر منها اما سابك ليومك هذا لا حس ولا خبر
