السلام عليكم ورحمة الله وبركاته، أنا أدرس صيف ومنزل كيمياء 101 ، وقدر الله وجبت 10 من 20 ! في ميجر 1 ، وقلت بعدل وضعي في ميجر 2 لكن ارتكبت نفس الغلطة اللي هي أني ذاكرت متأخر ، وخايف أجيب العيد في الميجر الثاني .
و الله يا أخوان أني زعلان من نفسي زعل شديد ﻷني كنت ناوي آخذ a+ ، لكن تحطمت جدا لما شفت درجة الميجر الأول وما أكذب عليكم كنت بأبكي ، أنا الدرجات عندي خط أحمر . والله يا أخوان أني عايش في قلق نفسي ، ماعد صرت أنام إلا متأخر من الآرق اللي يجيني وفوق كل ذا الحرمان من السكن اللي جاني لترم 141 .
فايش تشورن علي ، أسوي دروب وادرس الترم الجاي 17 ساعة ولا امشي خالي وأنجح وخلاص، تخصصي هندسة كيميائية ، و إذا سويت دروب هل بيؤثر على المعدل أو اي شيء آخر .
الله يكون بعونك ان شاء الله الي عندهم خبره يفيدونك
لكن ليش حرمت من السكن؟
بسبب فرن كهربائي ، الللي يشبه الميكرويف .
انا اشوف اذا ضامن النجاح ،،،، كمل وربي يسهلك ،،،،، غيره ،، احذف بدون تفكير ،،،،
الكيمياء غثيثة وفراقها عيد ،،،،
المهم ،،، الله يقويك ويسهل دربك
الكل وده بالـ a+ بس ماتوصل انك تكره عيشتك و ماتنام عدل …حلو الواحد يكون حريص على الدرجات لكن مب الى هالدرجة …وانا راي من راي بو علي اذا درجاتك بشكل عام زينة لكن ماهي الي بتخليك تاخذ a+ فنصيحتي كمل وشد حيلك في الفاينل ترا مابقى شي من السمستر
واذا بتحذف كل مادة بس لأنك مب تاخذ فيها a+ فراح تتعب في الجامعة … الحين انت عرفت شكانت غلطتك في المياجر حاول تتجنبها في الفاينل وذاكر من الحين وراجع ماتيريال ميجر 1 & 2 واستعد للفاينل
وماتدري يمكن الأفرج يساعدك وتاخذ قريد حلو
وعسى الله يوفقك ولاتشيل هم المياجر خلاص انت ماجبت درجة حلوة فيهم خلاص انساهم وابتدي في الفاينل من الحين وصدقني الله ماراح يضيع تعبك
بالتوفيق 
واذا حذفت الترم ليه تنزل الترم الجاي 17 ؟
علي مهلك ياخوي وعين خير … وتذكر ان في ناس مروا بضغوط اكبر من كذا وعدت سهالات … بل لاتكاد تذكر ضغوطك
ال10 وال 20 كلها مقدر ومكتوب
لا ثم لا تفكر فاللي مضي … لانها واحدة من اثنتين فالغالب
اما خير فتغتر به
واما شر فتغتم به
فاترك النظر للماضي اجتهد فالمستقبل … وخل همك كل همك هو ان تؤدي اقصي مالديك ولا تلتفت للدرجات ابدا … لو أخذت f
أخيرا … تذكرا انه كورس في جامعة لا يشكل 0.01% من حياتك … فعلاما الأرق والضيق !!
من توكل علي الله كفاه
الحين أنت حاول تبتعد عن التفكير السلبي وذاكر لميجر 2. إذا الدرجة ما أعجبتك، أعمل دروب للمادة وخذها في الترم الجاي بحيث أنك عرفتها ودرستها في الصيف.
والترم الجاي، لا تضغط نفسك. سجل 15 أو أقل ساعات، وإن شاء الله تجيب معدل عالي.
حبيبي اول شي هدي نفسي وخذ الامور بسهالات
ثاني شي اذا قرار حذفك لانك ماقدرت تجيب a ولا b ما اشوفه منطقي
النجاح بيمديك عليه اا هديت نفسك وصفيت ذهنك
اذا تحس انك مضغوط ومشوش معليش احذف والترم الجاي لاتنزل
الجنرل مع بعض احذف يا كيمياء يا فيزياء ومايخالف تأخر ترم عشان تقدر تشم هوا
وبالاختبار لاتخاف عشان ما تضيع
اسأل الله أن يوفقك
اسمع الي قالولك اياه الشباب و لا تزعل من اي شئ اكاديمي … ترا ما تسوى
و بالنسبة لسالفة السكن اكتب خطاب لعميد شؤون الطلاب د. مسفر الزهراني مكتبه مبنى 17
و اوعده انك ما تكررها و إن شاء الله يرجعونك
او رح لمدير السكن … علي الغشيري و اعتذر له عن ما بدر منك و ان شاء كله خير
أتمنى إغلاق الموضوع …