السلام عليكم كما معروف ان السكن لا يستحقه طالب الاوريا اللي ما يبعد منزله اكثر من 80 كيلو
فعندي استفسار لو فرضا اول اسبوع انسحب عدد كبير من الطلاب و فضى السكن في مجال لابناء المنطقة الشرقية يسكنو ؟
و اتمنى وضع حل لمشكلة السكن لابناء المنطقة الشرقية
حتلو انسحبوا كلهم، النظام رح يمشي مالم يتغير ،،
الكل يعرف انه كان في مجال لتسكين جميع طلاب دفعه 2012
ولكن النظام مشى عليهم …
طيب يا اخوي مثل ما يقولوا الامريكان الانظمة وضعت لتكسر
انا ارى ان قرار السكن راح يساعد في تحسين مستوى الطالب اكاديميا بحكم ان راح يوفر مشاوير
ما انصحك تحاول حتى
بعد نهاية السنة التحضيرية كان باقي لي مقرر واحد فقط pe102
ونزلته بالصيف + 7 ساعات من الجبل
رحت طلبت سكن ورفضو بحجة اني اوريا رغم اني مسجل 7 ساعات من الفريشمان
رحت شؤون الطلاب والتوجيه والارشاد وتابعتهم ايام وايام وفي النهاية دخلت عند عميد شؤون الطلاب ورفض
انظمتهم غربية في ادارة الاسكان
خليك في بيتكم احسن من السكن
صعب اروح كل يوم روحة ساعة و رجعة ساعة احس بتعب و فوقها بيتنا مو مهيأ لمذاكرة طالب جامعي
معقولة الى هذي الدرجة الجامعة تبغى تعقد الطالب
اذكر قالو ان السنه الجايه كل الطلاب ياخذون سكن حتى اهل الشرقيه والدليل ان في عمارات كثيييره كانت تنبني بترم 132 >> مبطي عن الجامعه 
مو متأكد بس اذكر كلام السلطان اول السنه الماضيه عن السكن
ياليت احد يأكد لي
هو في توسع و هيك. و هدفهم اللي يبون يوصلون له انه الكل له غرفة في السكن.
العماير اللي تحت الانشاء الآن واضح انه ما راح يخلصون بداية السنة. لكن انت حاول يمكن اقلها السمستر الثاني تاخذه.
إيش المشكلة بالظبط ؟
الشرقية كلها بمحافظاتها صغيرة جداً و كثافتها السكانية قليلة . مسألة إنك تطلب سكن و أنت من أهل الشرقية هو مجرد دلع . يمكن تجرحك الكلمة لكن هو الواقع 
.
الجامعة خرّجت فوق الـ 40 دفعة . كل أهل الشرقية اللي تخرجوا نجحوا ولا احتاجوا لهالدلع . داوم و إذا استحقيت سكن ( بنظام الأسبقية ) اسكن … مع إني إلى اليوم اشوف أهل المنطقة ما يستحقّون السكن و يفترض الفلوس تصرف إمّا للسكن الفرادى أو على الخدمات العامّة داخل السكن خصوصاً و الجامعة عموماً .
والله يا اخوي انا بيتي ساعة وربع مشوار روحة و ساعى و ربع رجعة
فوقها ان انا اكبر اخوتي و صعب جدا اذاكر في المنزل بحكم كلة صغار
السبب اللي خلاني اطالب بسكن هو لان بكون فيه جو دراسي اكثر
الجامعه ماراح تسمح لك تاخذ سكن الا اذا عديت الاوريا ،، والنظام 70 كيلو والغريبه ساعه وربع ،، كثير والله
طيب مشكور اخوي انا من القطيف بس تعرف الزحمة و الشاحنات و العفسة