أرجوا التكرم منكم بشرح وتوضيح سياسه تأمين ارامكو الطبي… تأمين ارامكو الطبي فيه غموض بحثت كثير وما حصلت الجواب الكافي الآن حسب اللي عرفته انك تحدد مستشفى واحد فقط في المنطقه اللي عايش فيها لكن إذا كنت خارج المنطقه وش الوضع لأني سألت وقالوا أنه الشخص يدفع وبعدين أرامكو ترجع له المبلغ اللي دفعه مادري هل الكلام ذا صحيح ولا لا …طيب إذا بغيت اغير المستشفى وش الوضع هل التغيير سهل ولا صعب أو مثلا لا سمح الله الوالد و الوالده احتاجوا يتعالجون في مستشفى ثاني خارج المنطقه أو في مستشفى آخر غير المحدد لهم بسبب وجود دكتور أفضل وش الوضع في الحاله ذي … والله اشوف حرام موظف شركه كبيره زي ارامكو يتبهذل زي كذا في التأمين الطبي وشركات أصغر منها تقدم تأمين vip وتريح الموظف … أرجوا افادتي جزاكم الله خير لأن التأمين الطبي بالنسبه لي جدا مهم خصوصا للوالدين حفظهما الله
اذا مافي مستشفيات في منطقتك يكون مسموح لك تختار مستوصف و يسمح لك باختيار مستشفى في اقرب مدينة لاهلك و انت اقرب مستشفى مدينتك
اذا كان فيه مستشفيات في المدينة الي انت شغال فيها تختار وحده منهم بس
حالة الشركة تدفع لو كنت في رحلة عمل لمدينة ثانية تدفع من حسابك و الشركة تعوضك "ماني متأكد التعويض 100 % او 80 % من المبلغ )
مسموح لك تغير المستشفى مرة وحده في السنة بس عن طريق السستم و التغير يتم مباشرة و انت مكانك بدون اي تواصل مع الادارة .
في حالة اذا الشركة نقلتك لمدينة ثانية او كنت pdp كل سته اشهر في مدينة , ما تقدر تغير المستشفى من السستم لازم تتصل بالبرسونيل هم يغيرونه لك .
و بكل الاحوال التأمين ما يشمل الاسنان مصاريف الاسنان تدفعها انت لو كشفت في مستشفيات متعاقدة مع ارامكو او تخصمها ارامكو من راتبك لو كشفت في مستشفيات ارامكو
شاكر لكم ردودكم جميعا…بالنسبه للوالدين كيف وضع التامين معهم؟ هل اقدر اغير لهم المستشفى من السستم نفسه ولا لا؟ و عادي ان الوالدين يكون لهم مستشفى مختلف عني مثلا انا في مدينه وهم في مدينه اخرى؟
و بكل الاحوال التأمين ما يشمل الاسنان مصاريف الاسنان تدفعها انت لو كشفت في مستشفيات متعاقدة مع ارامكو او تخصمها ارامكو من راتبك لو كشفت في مستشفيات ارامكو
اذا كنت مع مستشفى غير سامسو يشملك تامين الاسنان ، اما سامسو يخصم من راتبك
طيب يا شباب أحد عنده خلفيه عن صك الاعاله في التأمين هل يفيد؟ مثل ابي أدخل اخوي الصغير في التأمين وعندي صك اعاله يثبت اني اعول الوالدين وأخوي الصغير هل فيه امكانيه؟
اولا للناس اللي ما يشتغلوا في الظهران يعتبر ظلم لهم … يعني ما شاء الله مستشفيات البلد جميلة جدا و مشاكلها جدا قليلة يعني عادي يصرفوا لك دواء كحة و انت عندك صداع …
مثلا اهل جدة اعدل مستشفى فيها فتيحي و الاطباء المتحدون و كلهم اكتفوا و المستشفيات تلاقي فيها دكتور واحد ولا اثنين كويسين و الباقي ولا شي … يعني لو عندك صداع نصفي و تعرف انه في دكتور كويس في مستشفى عرفان و دكتورك اللي في المستشفى اللي انت مسجل فيها تعبان في ذي الحالة تدخل في موال طووووويل …
ليش ما يسووا تأمين عام لكل المستشفيات ؟
و بعدين كل شركات التأمين عندها تأمين للاسنان بمبلغ محدود ارامكو اذا انت في السامسو تدفع اذا برا ما تدفع طيب ليش !
ممكن في نقطة ماهي واضحة و اللي يعرفها ارجوا انه يوضحها
